我早幾日都遇到差唔多嘅情況 ， 都係旺角
攞塊日式直板去配膠， 居然黐到塊膠撘咗上塊松木上面
更離譜嘅係 黐膠嗰個應該唔係嗰度嘅員工 ， by the way人總會失手， 其實去到呢一度呢我都覺得唔緊要嘅問題係你點樣處理
個事頭婆睇到咁嘅情況 , 居然話唔影響使用諗住當冇事 , 仲要話" 黐咗上去小小啫，小問題" , 問題係佢仲諗住收我黐膠費
我先至忍唔住出聲話如果你唔收錢呢我都由佢!
我先回應佢第一點 , 我話你塊膠黐到上塊水松上面， 塊膠個角又翹起咗， 因為塊水松墊起咗塊膠嗰度又有個空隙， 我話咁你都話冇問題呀
跟住佢先叫老細出嚟睇下 , 個老細出到嚟見到咁嘅情況即刻就話黐過 , 黎手就搣咗塊膠落嚟 ， 粗魯嗰隻， 仲同佢個唔知係咪佢員工嘅人講 ， 唔使除膠啦就咁黐啦， 其實佢呢句說話唔只係同佢個唔知係咪員工嘅人講亦都同時問緊我 ， 但係我已經唔想同佢講嘢， 個面口黑到呢……
於是嗰個唔知係咪員工嘅人再黏過塊膠之後 , 終於度正個位冇黐上塊水松木上面 , 跟住嗰邊就得曬出嚟 , 個事頭婆就咁畀返我……
我睇到塊膠個面有啲凹凸， 應該係下面嗰浸膠因為冇除膠嘅關係有啲擦子膠碎嘅感覺 , 令到個膠有啲凹凸
呢次完全係一次好唔愉快嘅消費經歷 , 一間負責任嘅公司喺做嘢出錯嘅時候係會諗辦法點樣彌補客人， 令到客人覺得舒服 ， 咁客人先至會再返轉頭幫襯， 而佢呢一種收咗錢就反面嘅做法， 老老實實我就絕對唔會再幫襯！
搵錢係辛苦嘅，所以使錢最緊要使得開心， 我唔介意有陣時買嘢會貴咗少少， 如果你真係提供到匹配嘅服務質素嘅話， 問題係以上呢一間已經係比較貴嗰間居然係咁樣嘅服務
名我就唔開咧，開佢名棧教精佢
不過為免壇友會遇到我遇到嘅經歷
小小提示啦
喺搜尋器search乒乓器材
頭幾間有佢份 ， 賣嘢比較貴嗰間
網站有提供熱線電話同whatsapp電話
打電話去熱線會留言叫你whatsapp佢 ， 當你whatsapp問佢問題佢又唔回覆你...
