見另外一個貼,大家咁有興趣討論,咁我講返一個本地既故事,
件事發生係香港, 今年三寶杯, 準決賽, 男子對賽, 其實都係初中細佬. 大分二比二,咁最重要一場, 兩個小朋友對賽, 其實有一個球員, 真係書生型, 另外一個英精隊, 咁個書生之前已經打過好多場, 佢明顯係體力唔係好夠, 因為佢真係讀書幾叻,除左乒乓球都唔多做運動既書生....., 咁另外那個精英隊,第一局比個書生爆左,後來追返..., 總之個書生,無力到比人炒左一局,落後返2:1, 咁我當時都好擔心...., 我同佢父母都講,算啦,盡左力,唔好勉強,因為....我真係驚佢暈低......
第四局, 比分打得有點近,叫左個暫停, 有個港青既家長走埋來, 教我地路, 講解左點打之後(呢個唔係重點),我同個細佬過,盡力就得,無力都無辦法,個港青家長講....,唔係!!(駁我咀
) 落得場,點可以講過無力就放棄,無力都要迫埋出來搏埋佢, 個球員聽完佢講, 又好似有反應,真係以為走唔到既波都追埋....., 追返2:2, 第五局, 對手咁比追法, 就緊係手軟...., 個書生,又真係越打越有......
就咁,入左決賽.
我想呢個書生球員,可能過多兩年就專心讀書,唔再打波. 但呢個比場,佢應該會記成世,呢個大逆轉,係因為佢超越左自己盡左力就得既概念....., 其實,做過運動員既大家都知....., 其實你總有幾場咁既波. 如果個港青家長無講呢番說話, 我好相信, 球員就放棄左.
香港六,七十年代既香港精神,唔止係盡左力就得....., 而係.....鬼叫你窮呀, 頂硬上呀...!!!!因此,創做了香港奇蹟.
所以,我對香港運動員既期望,特別係全職受津貼既運動員,比賽態度, 一定唔止係盡左力就得, 有參與就得.....,
