買左一支紅大媽大罐裝，有兩款海綿跟。 黑色硬d果款唔知點用，白色果款普通海綿我剪細d用來搽膠水。
有幾個問題：
1. 版主以前講過用麗的化妝綿搽膠水，我試過，塊化妝綿甩毛喎!
2. 面材有保護塗層的球拍，用紅大媽成日貼唔實，見到邊位起泡，一撕出來，極輕易就整塊膠皮拉下，根本冇起泡果d位置都貼得唔實，我用finezip可貼得好實，但太貴所以轉紅大媽，點搞? 磨走面材的保護層自欺欺人?
3. 搽膠水時，明明見到膠水平好薄好平，但一貼完，睇面膠就見唔平。如果打直掃咁搽膠水，就好多時有一舊位置拱起少少。如果好似版主講打斜掃咁搽膠水，就會好似月球表面咁凹凸不平，點搞?
4. 坊間有壓板器，成二百幾蚊，搽完膠水貼完板，用呢類壓板器會唔會平d(個人估計冇用)?
5. 有師兄講，去$12蚊店買高密海綿，好搽過紅大媽送的雞海綿，用呢d高密海綿對我上面講的問題有冇幫助? 我去日本城只見有d濕透左密封包裝的清潔用高密海綿，但聲稱唔洗用清潔劑就咁抹就可清潔油漬，似乎本身滲左d唔係水o既野，唔敢試。
6. 除膠時，nittaku好好除，成塊面膜咁30秒ok，用紅大媽後，塊膜成日撕撕下爛，感覺紅大媽貼海綿就好實，貼有保護層的木就一d都唔實。最大問題係，好多一粒粒的膠屎留在蛋糕海綿上，應該係搽膠水時滲左入蛋糕海綿的氣孔，呢d膠屎好難完全清走!有乜計?
P.S. 平時我搽膠方法：搽兩層薄的在海綿，搽一層薄的在板面。
