在此純粹分享個人體會，歡迎各位指正
底板：銀河T7 - 3木2芳碳（橫板）
正手：普狂3 （灌油）
反手：海夫白鯊 （灌油）
平時打開唔灌嘅狂3（正手）同白鯊（反手），之前見到網上有唔少post講灌油，我抱著姑且一試的心態用左啲BB油灌落去以上兩塊膠，打落又唔錯喎。。。跟住簡單分享一下今次感覺兩塊膠灌油後嘅改變同手感：
正手普狂3:不嬲都聽聞狂3灌左同未灌係差天共地，結果我今次打落覺得最明顯分別係軟左好多，容易打透塊膠，feel到個波食入去膠面同海綿。另外打出黎啲波嘅弧線明顯高左，需要調整動作，壓低板型避免出界。總括黎講，習慣左佢嘅弧線之後，對攻時擊球好控左，而且由於可以更容易發揮到底板嘅力量，所以球速快左，旋轉亦有輕微提升。
反手海夫白鯊：同樣地海綿軟左好多，驚喜的是拉波嘅成功率同威力大有改善！白鯊未灌之前感覺係偏向死硬，雖然速度幾快但磨擦球嘅效果同穩定性就麻麻，所以放反手只係適合彈擊，拉波較差；灌後嘅白鯊用黎拉波感覺舒服好多，同樣feel到吞吐感，但發力情況下弧線又唔會太高，威脅提升！
另外有一樣嘢唔係好明，要請教大家：中遠台拉波嘅時候我感覺兩塊膠都已經打得透，不過塊T7感覺幾硬，球速雖快但似手感唔多實在；相反我有另一Stiga橙晶配未灌嘅狂3，退台發力拉明顯感受到底板食波再彈番個波出去，有震手感，但又感覺未打透狂3。現有嘅膠＋板冇辦法配搭出更好的組合？定係我技術問題
p.s. 遲啲有時間可能出埋729 Aurora簡評
[
本帖最後由 playjim 於 2015-6-25 16:41 編輯 ]
