見隔離吹開服務性行業小心用語去同客人溝通.
所以, 我地出黎打波, 都要識得待友之道, 打波識朋友, 比下面啦.
聲鳴: (以下全熟虛構, 就算有, 都係我比人話得多, 絕對唔係映射任何人!)
你基本功唔錯wor ......................(悶爆既打法, 唔識攻)
你真係幾熟波 ...........................(齋推齋頂無變化)
你好有球味wor ........................(手型怪趣, 唔似識打波)
你正手好爆 ..............................(但無板中)
你入檯開快手wor .....................(中檯, 出檯失晒囉!)
食你發球都食飽啦 ....................(踩人只識開波, 其他乜都無)
真係一板都唔可以比你正手 ......(所以篤死你唔識走位既反手囉!)
你手感好好wor ..........................(條氣唔順比你擺死)
真係唔識睇你開波wor ...............(頂, 你遮鬼住, 又唔拋波!)
你好邪wor .................................(妖! 篤篤下)
我都係贏好彩o者........................(運氣梗係跟住我呢D波之人嫁啦!)
你今日狀態差D o者....................(你又邊日狀態好過丫, 比你落台o者!)
你得閒教下我點打丫..................(唔該唔好扮勁啦)
高手真係高手, 大開眼界 ...........(車.....高手就唔使黎蝦我啦)
x 組球手, 係唔同D既 .................(x組....唔該慳D啦)
嘩!! 出絕招, 勁 ..........................(嘩!! 你又碰網滴死, 你打晒啦!)
你讓我o者..................................(你睇小我o者...)
拿, 唔好讓到咁出面啦. ...............(你喳緊我都贏硬你啦!)
多謝你喳流灘 .............................(驚輸左無面, 扮屎!)
跟你學左好多野...........................(唔出聲, 睇少人, 真係好學唔學)
下次再打過..................................(傻仔, 采你都傻!)
講住咁多先........
