各位師兄師姐、教練你好，小弟十幾年冇打波了， 因為奧運熱潮最近打返，係時候要換膠， 想請教下，多多指教，Budget 預計< $1000
以下講返少少個人背景， 實力平庸，細個打分齡比賽入到8強左右
底板用開Donic Waldner Dicon橫版，之前 正:Donic bluestorm Z2 反:Donic Coppa Jo Gold
Q1: 我正手攻球力量強大，能控制方向，短檯全削， 一出檯後會盡量1-2板打死人，相持多幾版就容易失誤。
我想正手塊膠開波夠轉， 又能夠快配合到我長檯力量打法， 請問應該用咩膠好?
Q2: 我反手攻球力量同控制方向麻麻，但又未至好差嘅， 只要唔出臺我都會削， 冇乜信心起手拉下旋，人哋主動拉我先會迫於無奈 推擋 or 反拉。
咁嘅情況底下， 反手應該用邊隻膠先至能夠藏拙，將我優勢放大?
Q3: 還是既然反手一般， 又冇乜膽量起手， 我呢個情況下是否建議轉長膠維持原有打法? 有冇膠皮推介?
or even 轉長膠改打法: 正手攻球+反手削球? 請問用邊隻膠好?
Q4: 請問底版用咗十幾年係咪可以照用? 只用左1年但擺咗10年， 是否建議換? 如配合我整體打法可以點換?
感謝，祝各位生活愉快
