前言 :
首先多謝jcclee提供左唔少意見比我砌呢塊板, 之前講過話會盡快打篇評測出來,
一拖就拖左咁耐, 打左塊板都兩個幾三個月, 係時候分享下感受比壇友!
配置 :
- Innerforce ZLF(FL) + o4pro(正) + r7(反)
p.s. 無機上板 無經膨漲
正手攻球 :
弧線不高不低、不長不短剛剛好, 能夠準確到檯。力量足夠, 速度偏快, 發力與不發力
都可以輕易配合到。
----------------------------
正手拉球 :
弧線好靚, 不易落網, 中檯拉出來嘅波二速好跳, 我又嘗試係遠檯拉一啲近網波, 個波可以
唔出檯而且二跳好沉。另外旋轉都好強, 速度快, 可能會有網友覺得佢有虛彈, 所以發力好嘅要求
相當之高。
----------------------------
反手推擋 :
感覺紮實, 來球力量可以充份係塊板到感受到。對方拉球或爆衝, 容錯性都好高, 手感(卸力)
好嘅人相信可以好輕易擋過去, 而唔會冒高, 落點幾好。
----------------------------
反手拉球 :
感覺一樣紮實, 十分咬球, 旋轉好強。檯內擰波真係讚口不絕, 無論你用板任何位置, 都可以
輕鬆將球擰起而不易冒高, 擰出來嘅質量非常好。中遠檯稍為唔夠力, 速度偏慢, 但旋轉依然強。
總結 :
我冇深入研究過底板嘅結構, 但我可以講呢塊板在7夾木來講算彈, 需要配一啲好咬好實淨嘅
膠(r7), 而用佢嘅人手感一定要好好, 否則會覺得佢彈到好吃力。r7同呢塊底板真係天作之合, 我嘗試
過放佢係正手, 朋友打過都講比o4pro更加轉, 但我仍然會用o4pro作為正手, 因為佢彈得來真係好衝,
對我來講唔難控制。
如果網友有其他意見, 歡迎交流下,
亦都可以再係呢個配置上面問清楚,
不過唔好問我配其他膠又會係點, 因為我唔係乒器專家。
多謝
