今日打友誼賽,勝敗冇咩所謂,但睇到自己咩問題,要認真檢討。
1)打比賽手緊
「比賽緊張症候群」仍在,冇以前咁犀利,但都影響發揮,我的「拱」攻擊全打飛,小組7人,14局,我「拱」中的,只有2球,打失多,就不敢用。
「長膠發球+快攻」的套路也收埋,不敢用,大概14局用少於3次,打中1次而已。「擰板用反膠打」、「忽然橫打」更加係O,遺材賽冇壓力下試招才敢用
2)接近全守打法
緊張下,就打防守,只靠發球、擺位、閘防去博人失,防守最大問題係,别人預了不用防我攻擊,就不斷去攻,習慣了,會越來越順,我守得一板兩板,第三板就可能失
3)打法單調
冇攻、全守,就代表「打法單調」别人好容易適應,計埋遺才賽,有幾個,首個打到刁時或兩分內,次局我可以輸3分以上,可能是别人適應我的打法,令我更加差,但我有攻擊力,戰局就有可能逆轉
4)閘防的手感飄忽
我平時遇重弧圏,也閘到三板或以上。一打比賽,或遇到快攻型,弧圈冇咁重,我閘反而時得時唔得,有些明明以為閘得到,我卻僅僅出檯,代表我防守不夠穏定
5)決勝分的心理質素及策略
幾次刁時,或尾段領先9:7情況下,我係倒輸,我冇去「留一手策略」去打,不是一次,係最少3次,失完一局刁時,心理狀況不好,下一局更差,代表我「尾段決勝時冇計策」,也「打唔到逆境波」
6)譲分下的心理質素
兩個讓2球,對方2:0起跳,我輸多2分,就手緊,導至在1人身上失了1局,在刁時輸,之後遺材賽再遇,冇競爭,冇壓力下,就冇這問題,也是去返「心理質素不好」。
可以講,打比賽,先知道自己有咩問題,
如果按得分及成績,今日16人,小組8人,打7場2局,我是3勝2和2負,小组排第三,之後唔知點解安排打上線前4爭標,輸給一位(今次冠軍)我又跌返去打遺材,遺材時心理質素不同,練招多,什麼也試下,有時一局打到接近,下一局可以只得2分,因為勝負冇所謂,倒板、拱、擺、閘、打、刮、弧圈樣樣試,拱仍然失靈,打好返少少,弧圈與横打一時時,印象中連友誼性質交流,勝負一半左右
總結:發揮不好,要在公開賽之前調整好,否則隨時首round出局
恭喜幾位得獎者
冠軍：Ivan(第二次比賽遇lvan兄不敵了)
亞軍:志輝(發揮非常好,我要好好學習這種心態,不怯場)
優異：TY, Jeffrey(兩位是我同組,一位1:1打和,一位我輸0:2,兩位也球技好好)
另外,我組的第一名豪哥(我0:2不敵),豪哥的弧圈位置一流、也衝,難防,也是高手也~
我要好好學習,才能脱離「比賽緊張症候群」行列。
[ 本帖最後由 jimmych 於 2018-3-31 02:08 編輯 ]
