【閃爆】乒乓王子張繼科 激浪漫認愛景甜
03月28日(三) 11:30
張繼科同景甜落實情侶關係。(互聯網圖片)
張繼科同景甜落實情侶關係。(互聯網圖片)
奧運三料金牌猛將、中國乒乓王子張繼科，終於正式認愛，公開同國內激紅美女景甜甜蜜戀情！
呢對襯到絕嘅戀人，早前被拍到二人車廂擁吻，因而爆出戀情，之但係佢哋就冇公開承認拍拖，之後更不避嫌戴上同款黑色情侶帽睇戲約會。到今日張繼科就突然喺微博，鋪咗張同景甜手拖手喺海邊漫步嘅相，留言：「K♥T」仲標記埋景甜，公開承認拍拖，而景甜亦有轉發微博留言：「T♥K」，堅係甜到漏！
另外有眼利嘅網友，發現張繼科大方認愛嘅時間係07：21，咁啱就係景甜嘅生日7月21日嚟添，真係隔住個Mon都feel到佢哋有幾sweet呀！唔知今次公開認戀會唔會就係公布婚訊嘅先兆呢？
