(=^x^=)

我們也想本地球友討論多點技術，但文化這家東西，不是話變便變

(=^x^=)

引用:

原帖由 michaelwwk 於 2018-1-1 22:06 發表
口里句已經係香港特色啦,仲有乜人會做出頭鳥?個個都鐘意食花生

其實自己係土生土長香港人,睇住好多野俾內地超越緊(當然如果你眼界只去到深圳就另作別論),更惨的是香港人尤其较年青果代自我感覺 ...

國內真的很多地方已超越香港，這是不爭的事实及現实
在討論區看過還認為八達通比Wechat付款好 無言

(=^x^=)

Waiting reply from you

(=^x^=)

以乒超聯為例
我們可能係首個乒乓球團體在香港舉辦乒乓球聯賽, 及后其他團體及乒總也相繼 舉辦類似比賽, 我喜見百花齊放, 只要不同比賽有不同的特色不同的創意以至 在不同的渠道推動乒乓

今時今日我們已經是第十四屆有81隊, 幾乎全年每一週在何文田都有乒超聯賽事, 坦白說兩年前我曾經想放棄因為實在太攰收入同回報也不成比例, 單眼見咁多球員享受比賽其中, 這份成功感也唔係金錢可以衡量

今年在暑假舉辦馬拉松小朋友比賽, 其實馬拉松我停辦咗有幾年, 原來只希望在暑假, 及后眾家長也希望延續下去, 好怕好再做啦, 結果今年我們的小朋友在比賽大放異彩穿金戴銀, 或許他們的水平不能與國內相提並論, 然而這個彈丸之地的小比賽可能是他們生命中一個重要里程碑

je5181996

淨係個population都差好遠啦,人地有market所以先做到,如果香港要做既話,成本太大啦,又唔係賺到錢,大陸個D網係做埋sales

(=^x^=)

有更多人在論壇告訴我他們已放棄乒乓十數年, 因乒乓論壇關係重新拾起球板, 論壇目標唔係要做全國最大全球最好, 我們冇時間冇資源去跟別人較量, 論壇目標是 more ball games more friends. 某程度我覺得我們做到了。

(=^x^=)

引用:

原帖由 je5181996 於 2018-1-2 12:24 發表
淨係個population都差好遠啦,人地有market所以先做到,如果香港要做既話,成本太大啦,又唔係賺到錢,大陸個D網係做埋sales

如果以return of investment, 我會去開uber
做論壇只為興趣, 但事實上若有更多的資金是可以做到更多, but ....maybe this is not my final target

(=^x^=)

或者我2018 想想怎樣去開源

HK-KC

引用:

原帖由 青見人 於 2018-1-1 22:47 發表

講出問題所在，但你又問下自己有乜貢獻?

同感.
另外補充一下,依家香討已經變成批鬥洗版討論區,又有何意義?
至少呢度管理員有一定包容力,容許各方互相討論,不會胡亂比人洗版!

michaelwwk

謝謝貓兄回覆，簡單講，可以加多D互動節目，再不行就請嘉賓解答，不過如你所言，本地文化比較特別，恐怕吃力不討好，所以如要改的話就定期推出一些互動性強的，可以與時並進。
還有就是規模上不能和內地比較，但在致少可以某環節互動化，如再商業化些可以請某乒兵用品或學院的人解答網友問題同順道賣廣告，每天登錄都有積分，可以換取折扣，從而鼓勵發言。 。等等

zeio

引用:

原帖由 je5181996 於 2018/1/2 12:24 發表
淨係個population都差好遠啦,人地有market所以先做到,如果香港要做既話,成本太大啦,又唔係賺到錢,大陸個D網係做埋sales

睇o下貼吧同虎扑，兩個都冇商業味，純討論，一樣人流爆燈

zeio

引用:

原帖由 michaelwwk 於 2018/1/2 14:25 發表
……但在致少可以某環節互動化，如再商業化些可以請某乒兵用品或學院的人解答網友問題同順道賣廣告，每天登錄都有積分，可以換取折扣，從而鼓勵發言。 。等等

用登錄積分鼓勵發言唔可取，幾年前乒乓家園就係敢做法，又撞o岩佢搬server落香港，搞到內地超多人上唔到，上到都話好難，家o下死水一潭

如果要改，第一樣首先由主頁做起，响「最新帖子」、「最新回覆」兩欄唔好顯示二手帖、吹水帖，自己有心就會去搵個區，北美論壇Mytt主頁頂兩樣都唔顯示，二手區放最底，二手交易依然非常蓬勃，又做到零吹水

「發帖排行」廢左佢，根本就係多卵魚o既存在，有需要自己去「統計」度睇

用空出來既位整個「球局、賽果」之類o既欄，而家「最新帖子、最新回覆、本週熱門」功能上根本冇分別，九成都係球局、賽果帖，同一樣野日日睇三次，睇見即刻腦麻痺

[ 本帖最後由 zeio 於 2018-1-2 16:00 編輯 ]

FF7

大陸有好多野超越香港？如果係既話，口口聲聲話愛國既吳戰狼就唔會用香港既護照唔用中國護照。無可否認大陸有d硬件野係好過香港。唔講其他野剩係文化多元同個人自由就同香港無得比啦。硬件好但係個社會無進步有乜用？

[ 本帖最後由 FF7 於 2018-1-3 01:03 編輯 ]

FF7

[quote]原帖由 FF7 於 2018-1-3 01:01 發表

大陸有好多野超越香港？如果係既話，口口聲聲話愛國既吳戰狼就唔會拿香港既護照唔

(=^x^=)

引用:

原帖由 michaelwwk 於 2018-1-2 14:25 發表
謝謝貓兄回覆，簡單講，可以加多D互動節目，再不行就請嘉賓解答，不過如你所言，本地文化比較特別，恐怕吃力不討好，所以如要改的話就定期推出一些互動性強的，可以與時並進。
還有就是規模上不能和內地比較，但在致 ...

其实論壇有你這些會員才有進步，你給我們意見便是給我們支持，但時間真是一個問題
2018我公司剛剛又有新的挑戰，而熟悉我的人其实也知道我在香港時間不多，所以.....
我的計劃很多，想法也很多，如果我100%全時間做論壇，我相信我可以
你說的我會想，也會想辦法去做，let us step by step...
如果有更多的建議，請留言

(=^x^=)

引用:

原帖由 zeio 於 2018-1-2 14:39 發表

睇o下貼吧同虎扑，兩個都冇商業味，純討論，一樣人流爆燈

始終香港市場跟大陸不能相提並論，而且是時間。
有些人的職業是政府工，可以工作時間做私人事，沒什麼壓力，放工便是放工
而小弟我勞勞累累，放工還要工作，放假旅行也要帶住電腦......
在寫乒乓論壇時，我太約看過100個不同論壇，而乒乓論壇我也看了10多個，綜合不同地方特色再加上本土文化
在有限的資源創造出來的產品，
多謝你們的期望，讓我也想想
還是要工作放先位。論壇，請等等！

(=^x^=)

某程度不是比賽或球局佔據了論壇
而是其它帖真的少了.....

0093

不清楚現時此論壇有否(交換物品)此項服務？
如果仍未有，而又打算添置的話，是否也應設在(免費分類小廣告)內呢？
但必需小心監控交換條件，規則，過程，
1)雙方交換的物件/服務，其中一方必需是與乒乓有關，
2)盡量不應牽涉金錢
3)完成交換之後，雙方也應該上返去(交換區)交代及確認完成交換

不過，有時候，見到某些壇友(領取者)，無論有否向(贈送者)道謝，當在(無償贈送)區領取免費物資後，仍未有上返去個post公開交代一聲(已取)！
如果係有交代的，便會令人覺得會員們(基至論壇)比較公正及有公信力！

而假如(交換物資)區，交換時，雙方均需寫出用後感，更可順道令大家有乒乓上的意見交流分享。例如A會員與B會員交換後，當然不能反悔，但如有第三者對此物資或服務有興趣，則可以提出(當然依然其中一方仍是要與乒乓有關，哪怕只是一本乒乓球的漫畫，或一張乒乓球電影的戲飛！)

[ 本帖最後由 0093 於 2018-1-8 01:00 編輯 ]

(=^x^=)

thank you for your comment, we will consider.

just finish my JOB (正職), now i can sleep, goodnight!

乒乓在線

引用:

原帖由 FF7 於 2018-1-3 01:01 發表
大陸有好多野超越香港？如果係既話，口口聲聲話愛國既吳戰狼就唔會用香港既護照唔用中國護照。無可否認大陸有d硬件野係好過香港。唔講其他野剩係文化多元同個人自由就同香港無得比啦。硬件好但係個社會無進步有乜用？ ...

看字面只局限在網上論壇的情況， 不是指誰超越誰， 始終上面居民比較多宅在家裡上網壇