其實我覺得總會係調轉黎做，可能係想增加比賽隊伍既報名，但比賽既長度又不能增加既情況下才作出此做法。
不過請真，唔好話依家多咗好多人打球，點解以前比賽小組裏面可以有5隊而家有時得三隊最多得4隊? 試過小組得三隊，一隊棄權 咁就只可以對另一隊，咁報名一隊如果報咗四至五人，就唔知出邊個好，報得3人既話隨時有個失蹤或病咗就冇得打。
問題係點解 以前做到而家做唔到? 我覺得現在比賽場次較過往編得疏，一場冇得打隨時等幾個鐘，是否賽會編排比賽不妥? 我覺得如賽會用國際賽既編排方法引用在本港賽事未必好，因為國際賽參加人數我覺得未必及得上本土賽事。大多國際賽比賽時間較疏，讓球員有更長時間休息，但本土賽事大多人數較多，如用此法，那比賽密度就不能滿足於有限既場地及時間。
