發新話題
打印

本主題由 (=^x^=) 於 2023-10-31 03:36 移動
有「小巨肺」之稱的Celine譚芷昀近日因《全美一叮》(America‘s Got Talent)的比賽片段一鳴驚人,而親手訓練Celine的爸爸譚順生博士亦成為焦點,因為有意見指他「父憑女貴」,借女兒催谷自己人氣,更批評譚順生視女兒為搖錢樹。曾與譚順生合作的娛樂圈前輩薛家燕直斥,「食碗面反碗底」,又指此人居心叵測,合作時要相當小心。


家燕姐:食碗面反碗底

最近爆紅的Celine妹妹原來曾是「家燕媽媽藝術中心」的學生,對於近日Celine妹妹聲名大噪,家燕姐接受《香港01》電話訪問時表示:「Celine佢真係一個好有天份好有潛質一個小妹妹,但係講起佢爸爸(譚順生)就真係有點兒那個,真係食碗面反碗底。當年佢爸爸有同我講,話想喺『家燕媽媽藝術中心』入面教小朋友唱歌,我見佢認識音樂又有熱誠,我就請咗佢。但後來我覺得好奇怪,點解我啲學生唔喺學校上堂,而係逐個逐個上佢(譚順生)教室同佢單對單上堂。後來啲學生家長走番轉頭同我講,話去咗譚順生度上堂,話譚順生sell佢哋單獨授課,收咗一萬蚊學費,成個課程都未完成,就要佢哋交下期學費。」

講到譚順生「搶客」,家燕姐失望地表示:「我知道呢件事之後,我真係好失望,我哋都有我哋行規,你喺人哋學校做導師,唔可以就咁搶咗人哋學生,要同人哋講聲,我覺得咁做好無道義。」家燕姐又慨嘆:「你要向上爬唔緊要,但係唔可以咁工心計。」


「當初Celine參加內地選秀節目都係由我搭路」

家燕姐又提到:「最初Celine報讀戲劇班,因為佢爸爸好想個女加入TVB,而我見佢好有潛質,就介紹佢去TVB一個母親節節目,咁就上咗鏡喇。」

至於Celine能夠參加內地節目《中國新聲代》並且奪冠,原來全靠家燕姐幫忙,家燕姐憶述:「當初Celine參加內地選秀節目都係由我搭路,因為我覺得Celine係好有天份,但係佢當時唔合符參賽資格。因為嗰陣參賽者最小要年滿10至11歲,但當時Celine只得5歲未能參賽;所以就用我喺湖南衛視關係介紹佢去參賽,最後佢仲有好好成績。但係佢爸爸連一句多謝都冇講,仲要喺自己網站,話佢自己有渠道可以幫小朋友報名(參賽),但要啲小朋友上佢堂。以呢樣嘢做賣點,我覺得呢個人好有居心,同呢個人合作要好小心。」

就事件《香港01》記者嘗試聯絡當事人譚順生,但到截稿仍未有回應。

[ 本帖最後由 朱世赫 於 2018-2-17 23:29 編輯 ]

TOP

(譚生)話可以介紹人去湖南衛視參賽,仲要喺自己網站,話佢自己有渠道可以幫小朋友報名(參賽)
(事實係家燕媽媽人事關係),咁是否已觸犯商品説明條例?

TOP

現代方仲永
紅雙喜DM SP500 SIGMA2 EURO 天弓5
nittaku 玻璃鳥  omg4 pro  rastant
木結他 m1jp R7
紅羽鳥 omg4 euro R7

TOP

壞人
<-->
.

TOP

Alpha

TOP

發新話題