Edward_Chan

樓主以前打粒仔 因為打左好耐無乜進步 所以改前2年轉左打兩面反貼。。。但最近打多左比賽 開始覺得直板都幾多問題解決唔到 最重要自己開始年紀大 唔可能再場場撲來撲去 所以萌生左改橫念頭

今晚有朋友幫手下練習 第一次體驗打橫板 感覺係完全兩回事 一下子感覺自己變回新手咁 以往打到既打唔到 掃正反手唔穩 動作唔協調, 比自己想像既差別同難度大好多。。。 有無其他直改橫既波友 一齊交流下心得 ?

Dynax88

第一次打不能作準，試多幾次先啦。
其實真横各有所長，樓主有冇横打？

michaelwwk

首先楼主可以在網上有個叫乒乓网的，係全國視频教學最多的，由基本的握板也有，可以去看看

改横板最初不習惯應該係擊球點不同及手碗比較唔靈活而難以適应，横板你大可睇成為打网球甚至羽毛球般，會感到和直板有不同的擊球距離，不似直板中指頭顶着，其次係食指及母指的正反手協調和正反手板形切换，再來是板對正虎口位中間等，觀念上解决以上問題就可正式入横板行列

Tonyyip

你要忍受最少3個月回歸新手階段

old-cake

引用:

原帖由 Tonyyip 於 2017-2-28 09:24 發表
你要忍受最少3個月回歸新手階段

致小兩年吧

mmfc821

小弟都有類似經驗，我無打波好多年，近期比個FD喚醒打返波，初時覺得直板無乜優勢，由其在反手方面(因以前係用單面)，結果買左塊橫板，但打左成差唔多兩個月，豪無起色，一次用另一個FD塊直板玩，結果好自然咁動作連貫左好多，最後都係決定用翻直板，若練橫打。回想起自己多年來都係用直板打波，身體已自然咁記錄左直板打法，除非樓主好有決心去轉型，否則建議用翻直板，練習其他技術彌補不足。

Winkeung

我直板轉橫板打了6年，個人體驗最大問題是握板，正如上面樓主講食指及母指的正反手協調和正反手板形切换，再來是板對正虎口位中間等。另外就是板與球撞擊的位置不理想。建議跟正規訓練學習半年以上。

乒乓在線

忍一忍, 以後會舒服

atcf

引用:

原帖由 old-cake 於 2017-2-28 09:26 發表

致小兩年吧

真心講，一星期一場計，真是第二年先真正上手

葉師傅

記得我之前打直拍(正:反膠,反:長膠),直到13年4月到轉橫拍(正:反膠,反:生膠),當時隔日就練一練,大約2個月到開始可以同波友打分 . 到半年到冇距離,但為保險到1年後才開始比賽 . 轉橫拍後感到比打直拍時兩邊起Q同相持方便同有力多,到2年連小路手感亦開始有 . 直到現在橫拍技術差不多已成型,但我亦仍可從強化體能上繼續探討橫拍技術 . 以上小小心得,希望幫到樓主或其他波友 . 謝謝 !

[ 本帖最後由 葉師傅 於 2017-2-28 12:27 編輯 ]

Edward_Chan

樓主有橫打 有覺得有d位直板真係幾難處理 (eg 格甩底對下位置)

金科玉律

引用:

原帖由 Edward_Chan 於 2017-2-28 01:38 發表
樓主以前打粒仔 因為打左好耐無乜進步 所以改前2年轉左打兩面反貼。。。但最近打多左比賽 開始覺得直板都幾多問題解決唔到 最重要自己開始年紀大 唔可能再場場撲來撲去 所以萌生左改橫念頭

今晚有朋友幫手下練習 ...

這個是因人而異的，我直改橫只用了一個月，水平就超過了直板時期。現在已改近3個月，功力大增，特別是反手拉弧圈，以前直板是很難做到的。我現在反手是長膠也照樣可以拉出弧圈球，儘管弧圈沒反膠拉出的強，但勝在變化多。拉和擰能出上旋；削，抹，擋，推，攻，打，能出下旋，令人防不勝防。
另外正手攻球和拉球的力量也大了，顧及的範圍也大了。
唯一的問題是處理臺內球沒以前那麼順暢，但一旦進入相持階段優勢就上來了，特別是對於像我一樣的中老年朋友來說總體應該是利大於弊的。

零楓之子

直板轉橫板

Dynax88

引用:

原帖由 Edward_Chan 於 2017-2-28 17:16 發表
樓主有橫打 有覺得有d位直板真係幾難處理 (eg 格甩底對下位置)

我自己是打横板，但很多波友是用直板也打得很好。
如果樓主打直板已有相當的基本功，建議還是用番直板，再學習横打以保不足，相信條路會易行D。

men

由基本功開始：如正手攻球、反手、正反轉換等等。打球的基本理論大致相同只是其中有些手法略作調整便可以。最初可以對鏡練習然後練習手感。這是我的過程。

TomLai

樓主年紀開始大了. 直改橫了?
真有這個需要?
何志文還在用直板.
佼姨前一陣子迷倒全世界.
單曉娜剛把小妹妹朱兩玲拉下馬.

Edward_Chan

朋友 當時你轉橫果陣 一星期練幾多日 ?
樓主已成家立室 可以練波既時間有限
最多一星期2-3晚

金科玉律

我也是一周2-3次晚上練的，每次2-3小時。
這個真的因人而異，可能我天生就是橫版的料。
幾十年前人人都打直板，而且還是單面正膠的，因此我也一樣沒有發掘出橫版的威力來。
幾十年后再執拍，打回半年直拍后，感覺年紀大了打得沒年輕時好，直拍橫打掌握也不太好，就直接改橫拍了。
現在真的效果不錯。

atcf

如真是要改，最好找個教練教教，因為舊學新的記憶是超乎想像難的

0093

引用:

原帖由 Edward_Chan 於 2017-3-1 09:31 發表
朋友 當時你轉橫果陣 一星期練幾多日 ?
樓主已成家立室 可以練波既時間有限
最多一星期2-3晚

如果每星期有2-3晚打，已經不算少la
業餘打乒乓球，大家各有負擔，有些人要顧家室，有些人要進修增值，
有些人要為口奔馳…………最慘係呢三樣齊晒
試打一段日子橫板無妨，其實主要看你自己可以投放幾多時間去試，
漫漫長路，又不是要趕住拿世界冠軍，若真心享受打乒乓球，根本不會有那麼多憂慮，
套用番樓主所言，打了兩年兩面反貼，仍好似冇乜進步，那麼就算你轉用橫板，過了兩年，你到時候又突然
覺得單面日直比較好，之後你又埋怨為什麼會轉用橫板…………
當然！不斷改，嘗試，係個人自由，若果係我，我會面對現實，思考如何將自己技術提高多於着眼於器材方面lor
容許我講少少題外話…………人人都要面對年華老去的問題，體能呢樣東西真係要Keep！假如你只是在興趣上遇到這難題，
你便已經非常幸運！先唔好講做地盤，跟車…………等辛勞工作，簡單d，你有空留意下街上某些從事收發文件的人，他/她們的腳行到傷晒，要不似人型地行路(只是一步路！)，人地都要頂硬上la！
希望你可以再檢視清楚自己打直拍有否其他環節可以做得更好，以彌補你自己所謂的不足之處

[ 本帖最後由 Kinkadefan 於 2017-3-1 19:44 編輯 ]