今年新年去拜年,我對孖女去左親友屋企跟人玩左一陣乒乓球,好似有D興趣,親戚就送左2塊舊拍返屋企玩,我一直都無咩點理,到左暑假,時間多D,我就同佢地響屋企玩下,起初,佢地連個波都打唔到,我就同佢地玩左D遊戲,例如打個波入靚仔筒之類,之後,佢地開始有左球感,佢地今年過左生日足5歲,剛剛夠年齡報恆生新一代培訓,我就幫佢地報左,我睇完教練點教,之後我又BOOK下場同佢地補下,2個月之後,正手、反手、和發球都上手,已經取得A+可以升初班。
之前就玩玩下,而家佢地升初班,雖然只係學左3個月,佢地D正手反手都已經OK,開始考慮緊應該點培養佢地,佢地而家先K3,5歲,但對乒乓球都幾有興趣,我自己打乒乓球亦只係麻麻地,步法、發球果D野我都唔係好識,係唔係應該再搵教練教?如果佢地係有天份,做人爸爸真係怕佢地埋沒左,如果遲D先考慮,又怕浪費左學乒乓球的黃金時間,小弟已經好耐無真正打過波,有無D有經驗人士可以比D意見我?
[ 本帖最後由 sliverx 於 2016-10-13 09:15 編輯 ]