HongKongFanz

引用:

原帖由 tsomlay 於 2016-9-15 13:38 發表


水生成績如下,

2次 ittf pro tour grand final 單打冠軍
5次 ittf pro tour 單打冠軍
Olympics 單打銅牌

印象中 黄生一個 ittf 單打冠軍都未拿過.
只看戰績水生係優勝好多, 排第五係正確.

15年黃生打贏吉村，捷克賽單打冠軍。我記得你仲話黃生擦邊擦網。。

15年發生的事忘了。14年黃鎮廷輸給張哲宇，henzell 就記得清清楚楚。

tsomlay

引用:

原帖由 HongKongFanz 於 2016-9-15 19:42 發表


15年黃生打贏吉村，捷克賽單打冠軍。我記得你仲話黃生擦邊擦網。。

15年發生的事忘了。14年黃鎮廷輸給張哲宇，henzell 就記得清清楚楚。

你咁好記性。
Sorry about that.


[ 本帖最後由 tsomlay 於 2016-9-15 20:03 編輯 ]

zeio

點屈你呀？

人地只係對你既觀點表達睇法，你自己既言論引發到人地敢諗咋，我只係運用你既邏輯來分析，你自己都有相同感受敢咋

zeio

引用:

原帖由 HongKongFanz 於 2016/9/15 19:42 發表


15年黃生打贏吉村，捷克賽單打冠軍。我記得你仲話黃生擦邊擦網。。

15年發生的事忘了。14年黃鎮廷輸給張哲宇，henzell 就記得清清楚楚。

唔怪得佢，佢要敢做先可以保持理智

引用:

選擇性失憶是一個人受到外部刺激或者腦部受到碰撞后，遺忘了一些自己不願意記得的事情或者逃避的事情或人或物。
...
有些人由於遭受到重大挫折，很希望選擇性失憶，在強大的精神壓力下，會感覺某些事情沒有發生過了，甚至會在腦海中編造出另一種情況，假想式地欺騙自己，這其實都是有可能的，本質上都是出於對自我的保護。但是這是不是醫學上的選擇性失憶就並不一定了。

tsomlay

引用:

原帖由 zeio 於 2016-9-15 20:20 發表

唔怪得佢，佢要敢做先可以保持理智

你繼續發up瘋， 我去賞月

zeio

墨爾本個月亮係圓啲喎！

NEAR FULL MOON TONIGHT 29-09-2012 in Melbourne Australia- Also it is Mid Autumn Festival for the Chinese, Japanese, Korean and Vietnamese by PsJeremy, on Flickr

egghead1969

引用:

原帖由 zeio 於 2016-9-15 17:50 發表

呢句比較中肯，黃鎮廷自己都敢話

其實 lee 樣一定係教練問題

zeio

呢點比較難入教練數，14年佢第一次打世乒團體賽已經出過相同問題，當時高禮澤帶隊都把幾火，兩場大比分領先倒輸，16年世乒賽劉國棟帶隊對日本又一個翻版，今次里約也如是，問題都係離唔開佢缺乏前三板得分能力，入到尾局好多時就係爭呢一兩分，特別是大賽，對面會同你博，你都未過渡到相持就瓜左，所以單靠相持好難埋尾

可以睇睇年頭對水谷呢場，第五局黃鎮廷一路帶住入中局，跟住可以見到水谷開始球球博，發球前三板博，接發球搶攻博，一直博到入刁時，來回球都非常短，基本上就係一拼到底


[ 本帖最後由 zeio 於 2016-9-16 06:38 編輯 ]

egghead1969

引用:

原帖由 zeio 於 2016-9-16 06:19 發表
呢點比較難入教練數，14年佢第一次打世乒團體賽已經出過相同問題，當時高禮澤帶隊都把幾火，兩場大比分領先倒輸，16年世乒賽劉國棟帶隊對日本又一個翻版，今次里約也如是，問題都係離唔開佢缺乏前三板得分能力，入到 ...

前三板問題，教練要想辦法；大賽就發揮差，可能係對手發揮到自已既最高狀態，問題係教練有冇調控到班香港乒手係最高狀態時打大賽。

zeio

前三板佢有架，10:31，整個動作都相當舒展，就係用得太少

michaelwwk

真知桌見 全横打死穴莫過於此

1.因握板題,做唔到發球太多变化
2.因握板題,推擋亦不佳,变相防守不佳,冇得变线
3.1的問題,所以冇頭三板的搶攻
4.台内小球亦因1的問题变得單調,

zeio

睇返過去幾年既比賽片段，會發現黃鎮廷响站位上有好大變動，分水嶺大約為13年左右，直到當時之前為止佢站位基本同一個傳統直板無異，技術架構上都重係以正手為主、反手為輔，側身搶攻意識相當積極，橫打基本成型，亦能間中反拉，單板質量雖然偏低，但係足夠為正手開路，再加以前三板上手能某程度上彌補，整體給人感覺相當平衡，反手銜接正手要比現在流暢

13年同12年比，接發球時站位開始偏中，橫打使用率上升，多左板擰接，不過正手意識重相當強，側身依然頻繁

到14年，雙腳比之前更持平，核心架構已經由兩面均衡轉為全檯反手，側身意識連帶正手流暢度因而大受影響，卻偏偏敢樣打出成績，真係唔知好笑定好嬲









4月/12年


1月/13年


6月/13年


2月/14年


[ 本帖最後由 zeio 於 2016-9-17 15:42 編輯 ]

zeio

無他，因為贏到波　　

egghead1969

即係冇曬直板優勢

egghead1969

佢都話係因為球手唔習慣個旋轉，好易打失而得分；但我諗(唔計中國選手)世界頭二十名係冇問題，而且望人打失，同防守球員一樣，唔係去得好遠

[ 本帖最後由 egghead1969 於 2016-9-17 13:34 編輯 ]

zeio

16年，成個人既軸心已經响條邊線內

zeio

對 Gacina 第五局又係埋唔到尾，10:6...連失四分，又係俾對方前三板博到

第五局差啲翻版，緊緊贏

[ 本帖最後由 zeio 於 2016-9-17 14:27 編輯 ]

TomLai

今日都算嬴返Gacina報咗仇啦.

Patricklee

見親某澳藉港人都有花生食，睇佢論點就仲好笑（冇證據，憑記憶）

唔好用對戰論推斷flore啦，唔通flore輸Puangthip(泰國）唔計呀？
唔好再用你認為邊個勁邊個唔值咩排名，好簡單，
你支持既人，上到黎同黃生打先講啦。
成日話邊個勁過黃生，又上唔到黎，你話李嘉誠贏黃生都得架啦。

乒乓球討論唔應該針對你口中的排名同對戰，
係討論技術。zeio圖文並茂講解黃生近年企位改變，佩服！

有打過乒乓球既人，就明白打法可以令自己變得上風
當中包括攻守平衡，心態，戰術。
中國外戰和排名，代表著中國隊有全面技術應付不同打法的選手
黃生不時輸較低排名選手，證明打法上未夠全面，有時擺脫唔到而輸
好多時，技術上不分高下，鬥的就是場上的戰術執行。
7局4勝，有充足時間找出令自己戰勝既方法。

希望某人唔好令此post高質素技術討論變成你增加存在感的post

TurboZ

引用:

原帖由 egghead1969 於 2016-9-15 01:10 發表

巡迴賽計分問題 ；其實世界前十球員，佢只贏過水生(撞到幾次，咁好運)。他既水平應該係前十二三到十七八咁

一年內世界前十裡面, 黃生除咗贏過水谷兩次之外, 佢重贏過老莊兩次, 應該係因為贏過呢兩位排名高的球員所以令佢在今年四月首次進入世界前十吧。