先簡單回答樓主問題，17人，共有18檯鐘，平均每人可埋檯打兩小時以上，收$30，以15分鐘一場計可打八場，平均唔駛四蚊打一場，個人覺得超值。當然值唔值，視乎個人觀點與角度，亦視乎幾他因素例如參加者水平差距等等，不過此比例應不會被視為不合理。
樓主提及頭鐘只有三檯，17人如到齊可能要等很久，小弟同意，不過請考慮以下因素：
1. 主持人不是第一次搞球局，相信大約知道有幾人會2pm到，有幾人到遲些到，又有幾人打到七點先走，事實上相信球局不會人人準時到，亦不會太多人打足五粒鐘至走，而且見到檯數分佈參加者都心裏有數。如果主持已知大約多少人會早到，多少人遲到，頭尾鐘較少檯，中間多檯，可能是更用利用資源的安排。
2. 公眾場訂場不是你想訂幾多便訂到幾多，否則可能次次預十六人，四檯四小時便完美了。訂過場搞比賽的人都好清楚，訂到全部心目中想要的檯數，並不是想象中容易。搞得球局，主持都想大家打得飽，又可以吹下水，唔通為果少少錢嗎？收足17人包括主持自己先得$510，扣埋場租得$258，仲未計打爆三星波，搞咁多賺咁少，我瞓下好過！
其實上論壇報個名，比$30，便有人安排埋球手比你打，何必計較太多呢？搞個球局或比賽，都不是想象中那麼簡單。不如開開心心打番幾場波好過啦！反正幾唔值都只係三十蚊。
利申：從未打過此球局，純粹客觀意見。
[ 本帖最後由 joeman 於 2016-9-5 14:12 編輯 ]
