(=^x^=)

直至今天論壇注冊會員有 9851，幸運的是到今日還未有投訴我們是迫他們入會，但唸唸下為左更完美日后注冊做會員最好要求會員拍一張笑容滿面的相片，以証明入會是自願而且好開心的。

(=^x^=)

過去九年論壇被外間罵過無數次，又問過無數個WHY
問點解論壇有 Banner，但唔問我們一年服務器要多少錢費用
問點解比賽在天行，啓思，佳峰，華星，匯智，希望館，香港體育，李惠芬......唔問我們點解唔找排隊黨七點在運動塲訂塲
問點解有些教練名不在十大好教練之中，唔問點解某些教練小小事都會報警浪費警力
問點解論壇有些是可以有免費廣告....pocket wifi, 机票，海鮮，中醫，印刷紅酒........點解我無份
還有點解半夜三更仲唔訓，同點解論壇咁多垃圾網友

以前每次我都會解釋，后來發現蠢左，每次都罰自己打字解釋
自此以后論壇改名做 "黑暗論壇" 不再解釋，
唔怕黑你便加入論壇，怕黑你便走吧。

(=^x^=)

每人心中都有一把呎
但每人把呎都不一樣
論壇球局收費也五花八門，以往本土論首個球會便曾經比人話過掠水，而我們的立場是不介 意球局�球會有盈餘，只是不太過份便可以。
曾經本論壇有一過份球會（已被我們趕出論壇）原因不是收費貴，他們同樣只是收取 $10/Hour, 但球枱講好有2張，去到未必有2張，球員講左只有8個，但突然姨媽姑姐出晒來，攪到人枱比例嚴重失平衡，自此之後我們便製訂了一些球局規則。

若願意遵守我們規則，歡迎來開局
只要明碼实價，有多少張枱，有多少人，有多少小時。你啱便來，唔啱便走，童叟无欺

(=^x^=)

無論你做得再好，總會有不同意見，不同聲音
有時真的無必要太勞神傷氣，
信你的人不用解釋，不信你的人解釋也沒有用，凡事只要問心無愧，公道自在人心。
各大球會 Add Oil