其實今次香港男隊排陣方面好到 我以為佢事前知道曬日本點排
第一戰 何鈞傑對水谷隼, 水谷隼假左手(先天右手利), 對左手選手一向麻麻, 搵何鈞傑同水谷隼打算係好嘗試, 雖然輸左, 但比分都咬得算緊
第二戰 黃鎮庭對吉村真晴 雖然上年互有輸贏, 但講最近一次係捷克黃鎮庭贏4:2, 所以事前點講都係55什至64波, 點知今次先贏2局被大逆轉, 可惜
第三戰 唐鵬對丹羽孝希, 上一次佢地對決我記得已經係倫敦奧運, 當時都覺得丹羽孝希不適應唐鵬的粒仔. 今次唐鵬亦好輕鬆3:0 羸左.
第四戰 黃鎮庭對水谷隼, 上年水谷隼3:0 領先下, 反輸3:4, 我覺得水谷隼壓力比較大, 因為今次如果又輸埋以後可能有陰影. 比賽開始水谷隼正手發揮有問題, 相反黃鎮庭打出應有水平, 但其後都好緊湊, 睇直播都睇到好緊張, 可能黃鎮庭呢場背負住香港出局與否命運, 壓力亦都好大, 局數2:1 領先同決勝中局領先情況下被逆轉輸左. 不過亦都睇出水谷隼發球變化的確好多, 靠呢樣幫佢追唔少分.
整體而言, 香港已經打左場好波
