explozthelimit

其實今次香港男隊排陣方面好到 我以為佢事前知道曬日本點排
第一戰 何鈞傑對水谷隼, 水谷隼假左手(先天右手利), 對左手選手一向麻麻, 搵何鈞傑同水谷隼打算係好嘗試, 雖然輸左, 但比分都咬得算緊
第二戰 黃鎮庭對吉村真晴 雖然上年互有輸贏, 但講最近一次係捷克黃鎮庭贏4:2, 所以事前點講都係55什至64波, 點知今次先贏2局被大逆轉, 可惜
第三戰 唐鵬對丹羽孝希, 上一次佢地對決我記得已經係倫敦奧運, 當時都覺得丹羽孝希不適應唐鵬的粒仔. 今次唐鵬亦好輕鬆3:0 羸左.
第四戰 黃鎮庭對水谷隼, 上年水谷隼3:0 領先下, 反輸3:4, 我覺得水谷隼壓力比較大, 因為今次如果又輸埋以後可能有陰影. 比賽開始水谷隼正手發揮有問題, 相反黃鎮庭打出應有水平, 但其後都好緊湊, 睇直播都睇到好緊張, 可能黃鎮庭呢場背負住香港出局與否命運, 壓力亦都好大, 局數2:1 領先同決勝中局領先情況下被逆轉輸左. 不過亦都睇出水谷隼發球變化的確好多, 靠呢樣幫佢追唔少分.
整體而言, 香港已經打左場好波

zeio

日本一樣知港隊會用黃鎮廷/何鈞傑黎捉松平/大島，所以收起不用

水谷同吉村對黃鎮廷戰績上有優勢，唔駛講出硬

水谷早排食物中毒，又中埋疱疹，外加腰傷，今次世乒明顯不在狀態

[ 本帖最後由 zeio 於 2016-3-4 22:06 編輯 ]

egghead1969

引用:

原帖由 HongKongFanz 於 2016-3-4 16:29 發表
新加坡女隊都出局了

雖然出局，但主將馮姐總於打破心魔，連續打瓜二個一線削球手。長遠有好處。
講真佢破左朝鮮削球手七個 match points 再反贏當刻，真係以為新加坡出硬線

引用:

原帖由 sorry 於 2016-3-4 13:55 發表
陳思羽 再一次證明得正手得天下

今次就係唔明點解現在娜嬸打法同南韓梁姐一樣，正手 block 下 block 下，博對方打失


樓上眾波友問幾時睇波，因掛住睇波冇上來睇，以為個個都知，所以見唔知有人問

HongKongFanz

先休息下，明天post短片再討論。

jacky1021

係人都知日本唔會出松平健太，另外大島我就唔敢講，如果你有留意既話日本呢個陣係奧運陣容，而且水谷係鐵定第1主力，對香港隊勝績唔錯，而丹羽好明顯係避黃，唐，放落第3分，但同樣俾唐捉到，再者吉村vs黃，吉村係勝率稍高，但黃對水谷&吉村係冇得避，所以呢個陣對香港隊已經係最好，何對水谷亦唔係冇得打，第5分吉村未有機會打，牌面下風唔代表會輸

引用:

原帖由 zeio 於 2016-3-4 21:42 發表
日本一樣知港隊會用黃鎮廷/何鈞傑黎捉松平/大島，所以收起不用

水谷同吉村對黃鎮廷戰績上有優勢，唔駛講出硬

水谷早排食物中毒，又中埋疱疹，外加腰傷，今次世乒明顯不在狀態

pingpong

網上無直播，點算！

zeio

松平同大島上年澳洲公開賽輸過何鈞傑，以日本保守傳統絕對唔會冒險，水谷、吉村出得一定會出，就睇主客場次，丹羽焗打第三場，陣容基本上鎖死

查實港隊今次真係大好機會，水谷半死，吉村初哥，黃鎮廷場面上風，卻兩遭翻盤飲恨，實在唔應該

黃何賽後提及處理關鍵球不足，個人認為係前三板，黎黎去去兩三套發球，打相持，缺乏得分手段

引用:

黃鎮廷和何鈞傑賽後謂在處理關鍵球上比水谷仍有不足，但已滿意整個賽事表現，黃鎮廷更稱讚隊友何鈞傑：「他能給水谷壓力。我們這個陣容於今次比賽能有這個表現(八強)，我相信到去奧運時一定會更好。」何鈞傑亦總結了自己首個世乒團體賽：「很幸運，有兩個師兄帶著我，一起取得前八，但我們目標不止是這樣。今次面對強手時顯出了自己不足，也看到很多技術問題，要有決心去解決這些問題，令自己有能力去贏日後的比賽。」

jacky1021

所以香港隊下次會更好

HongKongFanz

引用:

原帖由 zeio 於 2016-3-5 11:26 發表
松平同大島上年澳洲公開賽輸過何鈞傑，以日本保守傳統絕對唔會冒險，水谷、吉村出得一定會出，就睇主客場次，丹羽焗打第三場，陣容基本上鎖死

查實港隊今次真係大好機會，水谷半死，吉村初哥，黃鎮廷場面上風，卻 ...

同意。

今次的確輸得可惜。我們會有這樣的想法的原因是因為我們知道香港隊今次是有機會的。香港隊的水平以達到世界級，但無可否定仍然有進步的空間。我有信心，香港隊會好好檢討，下次再來過。

zeio

你睇今次英格蘭，一黑到底，同發揮出色既法國由小組鬥到八強，最後贏在膽識，於今屆升級上冠軍組旋即打入四強上頒獎台，乒聯史上第一次

tsomlay

引用:

原帖由 zeio 於 2016-3-5 12:33 發表
你睇今次英格蘭，一黑到底，同發揮出色既法國由小組鬥到八強，最後贏在膽識，於今屆升級上冠軍組旋即打入四強上頒獎台，乒聯史上第一次

pitchford 好波

pingpong

Thanks Sorry 兄!

zeio

港隊過去幾廿年一直都係世界級，呢個要歸功於內地球員，家下乒聯改制，本土球員抬頭，黃何絕對有潛力再上一層樓

HongKongFanz

沒錯，本土運動員的實力

本土球手ge師兄師姐就係d海外乒團。本土球手有能力接班都係靠他們，當然都要靠本土運動員自己肯努力。

李皓晴證明放棄學業打全職，絕對不是一條死路。沒錯，過程相當艱難，但是值得的。

zeio

李皓晴轉全職後能夠堅持直頭係港人之福

從事體育既港人真係唔容易，外國當寶，港人當草

egghead1969

引用:

原帖由 tsomlay 於 2016-3-5 13:00 發表


pitchford 好波

最尾個場真係 ；不過應該第四，對日本同南韓應該好難有運行。另一隊北韓女子又係神奇大帝

不過講真你地睇過其他組別同 division，其實香港唔弱， 今次男應係輸運(未有得重溫)，行好線，四強先對日本，起碼有第三；女子隊係輸娜姐打法，唔明點解學左南韓金姐打法，正手 block 下block下，但佢block來又唔係set進攻，總之撞到亞洲既主攻打法，唔輸先奇

zeio

唔係輸運，係小組輸俄羅斯、南韓，小組次名出線要多謝克羅地亞險勝俄羅斯，直頭行運

八強對上法國、英格蘭一樣唔好打

你唔怪得娜姐正手雞，佢整套打法就係以反手彈擊為主、正手過渡為輔，當打之年好吃香，大陸都瀉，唔講得笑

[ 本帖最後由 zeio 於 2016-3-5 15:40 編輯 ]

TomLai

引用:

原帖由 zeio 於 2016-3-5 15:30 發表
唔係輸運，係小組輸俄羅斯、南韓，小組次名出線要多謝克羅地亞險勝俄羅斯，直頭行運

八強對上法國、英格蘭一樣唔好打

你唔怪得娜姐正手雞，佢整套打法就係以反手彈擊為主、正手過渡為輔，當打之年好吃香，大陸 ...

娜姐既打法係咁既. 唔好以勝負論英雄. 佢對大鄭有輸有嬴係正常. 今次亦打得好接近. 對小鄭嗰場, 我諗有體力因素. 好期望啲後生既同埋姜華珺擔得起, 唔使佢做打兩場嗰個.

tsomlay

引用:

原帖由 egghead1969 於 2016-3-5 15:18 發表

最尾個場真係 ；不過應該第四，對日本同南韓應該好難有運行。另一隊北韓女子又係神奇大帝

不過講真你地睇過其他組別同 division，其實香港唔弱， 今次男應係輸運(未有得重溫)，行好 ...

你以為對著法國、英國贏硬咩? 2隊在小組賽都 ko 德國，都有相當實力。

HongKongFanz

Pitchford 同 Yoshimura 很精彩！