TomLai

狂3(粘膠) + 銀V(澀膠)啱樓主既預算.

TomLai

引用:

原帖由 tt7891 於 2016-2-20 13:43 發表
甘如果係$600連拍呢

睇樓主既簽名, 係已經用緊oc cr wrb. 我覺得無必要換600蚊板連膠既拍啦. 呢個價買唔到實質上好得幾多既板(連膠).
想儲錢換真係高檔啲既板既話, 可以慳啲用返或者換返而家用緊既兩塊膠. 想即刻升少少呢既話樓上既換膠建議都可以考慮.

TomLai

引用:

原帖由 tt7891 於 2016-2-20 19:36 發表
我最大預算大概係$800 現時既板同膠都已經用左四年 正手控制力唔太好 反手就有啲唔夠衝
無盡感激

打咗四年既膠可以換啦.

樓主唔滿意正手. 我大膽啲話樓主應該換過隻正手膠. 少年人打OC用Neo狂2可能會太硬. 樓上好多人都建議正手狂3. 就Neo狂3啦. 換咗之後會唔慣. 適應下, 過一排打開塊膠之後就得架啦. Neo狂三都硬, 但係軟過Neo狂二, 配OC啱啲. 樓主應該會逐步拉波好咗同穏陣咗. 最後可能重會發現離台都夠力拉波添. (我估而家離台未必好夠力.)

至於反手既LTK XP Pro, 係會唔夠衝. 我諗離台或者都唔多夠力. 但係反手好多人都唔要求呢啲. (衝波同離台可以多啲倚重正手.) 如果樓主覺得順手好控, 橫打拉得擰得, 不妨暫時換返呢隻膠先. 集中適應正手既改變. 當然, 亦可以考慮即時轉大家建議既反手膠. 但係打開既LTK XP Pro好軟. 大家建議既新膠會硬好多下. 樓主一時未必容易適應.

塊OC板暫時打住先啦. 仲可以用嚟再練好啲正反手拉波. 等正手穏啲, 衝啲, 同埋可以離台遠啲先啦.

大膽講咗一大堆野. 有錯既請各位師兄指出更正. 樓主有唔同意既亦請唔好客氣開聲講.

TomLai

  咁又係. 我塊VPS都搽咗護木水.

真係要換底板既話, 師兄介紹既YEO, 重有Yasaka既Goiabao 5, Stiga既VPS 5都幾似OC. (五來純木. 板面都硬啲. 啱新波啲.) 配兩塊平平地既膠, 都可以唔過$800. Goiabao好似最平.

TomLai

引用:

原帖由 iammalin 於 2016-2-20 21:59 發表

Goiabao聽聞太硬 就算打得透，都吾舒服，是否應該撇除

原來如此.

TomLai

引用:

原帖由 tt7891 於 2016-2-21 00:00 發表
甘infinity VPS V應配咩膠，同埋砌拍時可否要求比錢幫涂護木液

我既VPS 5係配MXP(正)同紅V(反). 兩塊膠大約$550. 我覺得你今次可以用平啲襟啲膠. 一兩年後用殘咗嘞, 技術再好啲嘞, 要求高啲嘞, 換膠既時候先至升呢.

建議你而家用: NEO狂3(正), LTK XP PRO(反), 兩塊夾埋$200度.

你要問舖頭攞折扣. (無折扣會超預算.) 貼膠照計唔使加錢. 搽護木水要問下.

當然, 最好係你塊OC唔拉絲, 可以用返, 淨係換膠.

其實都想順便問下你覺得自己會唔會啱打暴力板(狂衝猛打嗰隻). Goiabao平過VPS. 反手可以用返LTK XP PRO(會衝過你而家好多). 正手都可以係NEO狂3, 或者729-08ES(百鬆啲蚊)/729-08(90蚊度). 我鍾意打暴力板. 不過有師兄話齋, 斯文人不宜. (亦可能不利於學拉波既基本功.)

TomLai

引用:

原帖由 BaaBaaChris 於 2016-2-21 13:58 發表


G5確係硬左少少，可以打快攻但推擋唔多夠力。拉波發力門檻高，打3系要打撞磨，打唔透個波會唔去同弧線高。橫打技術尚淺，不作評論。其實我都想試Infinity VPS + Neo狂3，反手有塊二手R7 2.0或者試下R10 Soft或其 ...

驚會騎刧左樓主條thread. 但係想問下師兄G5正手NEO天極3打緊幾度?

TomLai

其實而家樓主會唔會係
(1) 暫時繼續打而家塊板, 練下技術先; 或者
(2) 睇下可唔可以換咗兩塊打咗四年既膠先; 或者
(3) 買塊YEO(歐$400日$500), 唔使搽護木水(慳啲), 加兩塊平膠($200); 或者
(4) 買YE(歐300日400), 唔使搽護木水, 加兩塊膠; 或者
(5) 買塊VPS5 (加埋搽護木水同兩塊膠會起預算)?

選擇(2)既話俾錢舖頭換膠會唔會冇咁易起絲(或者起得冇咁誇張)? 之後搽返護木水同兩塊膠?
選擇(4)冇人提過, 係咪唔掂?

TomLai

既然YE(應該幾似OC)都用得, 我又咁諗:

樓主可以拎塊oc去換膠. 俾錢人撕膠貼膠. 如果冇(咩)拉絲就最好. (到時可以問舖頭攞意見.) 實行叫人搽護木水(如果原本冇搽), 然後貼兩塊新膠. 換膠之後塊oc仲有排打. (先問清楚YE價錢.)

如果塊oc拉絲嚴重不堪再用, 就改主意買塊Yasaka Extra (YE). 歐版唔使$400, 日版$500頭, 應該唔使搽護木水, 夠錢配埋兩塊膠.

預算多啲又對OC死忠既話可以買返塊OC. $600左右. 搽護木水$100左右. $200貼平啲既膠. $900~950搞掂. (咁樣亦可以諗Infinity VPS 5.)