rckw

大家好. 本人小學畢業之後、差不多二十多年沒打乒乓球了, 最近想重拾這兒時興趣, 不過首先要買塊新拍.. 以下問題有點多, 請各位指教一下, 謝謝.

1. 先說限制條件 :)因情意結問題, 希望用紅雙喜, 次選butterfly (以前問有錢的同學仔借用過), budget是1500內. 日後我基本上會平均一星期打2次, 有穩定波友, 所以想一次過砌一塊好一點的~

2. 我一向打直拍, 以前是用廉價紅雙喜單面成品拍的, 左推右攻, 打速度急攻為主,  請問有砌拍推介嗎?

3. 如果以前只用單面, 不懂得用反面直拍打的.. 現在砌拍, 大家建議砌單面或雙面拍呢?

4. 這問題可能有一點白痴.. 如果用雙面拍、直拍握法, 背面的膠豈不是會被手指按著? 膠面的損耗會否很大?

johnli

1. 先說限制條件 :)因情意結問題, 希望用紅雙喜, 次選butterfly (以前問有錢的同學仔借用過), budget是1500內. 日後我基本上會平均一星期打2次, 有穩定波友, 所以想一次過砌一塊好一點的~
=> 紅雙喜狂飆皓II, 陞威賣HK$850.  係一塊很好打的五夾純木.  之前轉過很多板, 我用了之後就不轉了.

2. 我一向打直拍, 以前是用廉價紅雙喜單面成品拍的, 左推右攻, 打速度急攻為主,  請問有砌拍推介嗎?
=> 如上題

3. 如果以前只用單面, 不懂得用反面直拍打的.. 現在砌拍, 大家建議砌單面或雙面拍呢?
=> 用雙面膠吧. 單面膠現在很難不被人打死了, 學王皓反手橫打吧. 正手膠用紅雙喜狂飆8 (HK$185), 反手膠用紅雙喜天極3-60 (HK$185). 板加膠都係HK1220.  

4. 這問題可能有一點白痴.. 如果用雙面拍、直拍握法, 背面的膠豈不是會被手指按著? 膠面的損耗會否很大?
=> 手指按的地方是損耗較快, 但那裡並不是擊球最受力之處.  只要每次打完球, 用一塊布沾少少清水抹走膠面上的球印和塵, 再用干布抹干膠面, 風干一晚, 膠可以用一年.

少少建議, 希望有用.

[ 本帖最後由 johnli 於 2015-9-7 14:46 編輯 ]

wing0000

您好, 近年好多直板的底板都係預您貼晒 2 邊的, (厚度較薄, 如 5.5MM)
如果只貼一邊的話, 擊球時可能會有點空蕩蕩的感覺, 發力會很"虛"
即使係較厚一點(如厚達 7MM)的底板, 也有機會出現類似的情況, 但相對會較輕微

直板貼兩邊的話, 對, 背面的膠面係會貼住手指的
損耗嗎? 相信您指O既係反貼, 冇錯用耐左手指位會有個印,
但果個位係唔會接觸到個波的, 所以個手指印的"損耗"並不會對影響塊膠的性能,
(相信, 隻手指亦唔會頂得爛塊膠吧...................)

除了反貼外, 亦有人會選擇在後面貼上正貼或長膠 (薄海綿或 ox),
一來, 唔貼反貼冇咁重 (尤其係國產膠皮, 一般都係較重磅)
二來, 有塊長膠傍下身, 可能接開波唔洗食西食得咁慘 (個人認為咋)
這樣即使係手指貼住, 都係膠篤手指, 而唔係手指頂膠啦

底板嘛, 以您個 budget 都唔少選擇
紅雙喜直板當然唔可以唔提狂飈皓系列
狂飈皓 2 代 5 層純木當年都好多人讚, 現約值 $800-$1000 左右, 而家轉了 40+ 大球會冇咁好力, 但應該易上手
狂飈皓 3 代加上單層玻璃纖維碳, 威力更強, 但對球手的底子和發力的要求當然亦更高, 現約值 $1000-$1200

較平的"民用版"有紅雙喜的勁極系列
例如: 勁極 13 (小弟 next target), 參照狂飈皓 3 代的設計, 約 $300
當然民用版效能冇 狂飈皓 3 咁堅, 但對用家的要求亦相對較低

至於 butterfly 啦喎, 太多款式, 同一塊底板加唔同夾心,
出來的效果都可以好唔同, 都係留俾其他有識之仕介紹   

jayden_dse

你好樓主 小弟見到你咁問呢 就不妨比少少愚見 有咩唔啱 師兄話返比我聽喎
其實你呢個價錢 可以話係好多選擇 當然最好唔好去到盡 因為板嘅嘢可能3-5年要換一次
好啦 講咁多 等我講下有咩配置啱樓主啦

而家打直板就一定要學埋橫打 加上而家好似樓上師兄話齋好多直板都會預計你係會痴兩邊膠 所以絕對唔需要擔心任何過厚問題 所以我建議樓主可以買Yasaka嘅YEO(5夾)或者Stiga嘅Clipper(7夾)熟習返手感先

膠嘅話正手可以打下啲德國膠(方便熟習手感) 所以我建議樓主應該正手打Donic嘅Baracuda或Tibhar嘅MXP 反手可以打下Xiom嘅Musa 3(140蚊同埋幾高評價)
其實計埋條數都係1000蚊樓下

當然好似樓上師兄建議樓主打紅雙喜出產嘅狂飆皓2代 但係我就唔係太同意啦 事關狂飆皓2代係一塊5夾純木 打40+波會比較蝕底 當然樓主可能會有一個疑問問返我就係點解Yasaka嘅YEO就無呢個問題 因為呢係因為佢嘅面材較硬 所以唔會太擔心呢個問題

至於Butterfly呢 我覺得樓主可以等手感打返好少少再買都唔遲 因為太多都係碳纖板 如果你咁耐冇打過波 會可能覺得比較難去控制塊板 佢嘅效果可以同純木差天共地㗎 都係遲啲再買都唔遲

如果有任何嘅錯誤 歡迎師兄指點

tomtom1995

Musa3反手好好打，便宜，透板，旋轉好，有高性價比。

egghead1969

除非樓主遲下打橫打，純左推右攻用狂飆皓，就算係落兩面膠，40 ball 時，左推個下都係小學，40+ ball，就跟本找死；你不如打 butterfly 吉田海偉。當然拉，你返祖國搵到塊70年代的 DHS032 就另計
乜板我都提意先單面膠，背面落 color sheet 加 choke sheet (跟吉田海偉一樣 )；唔係第一次就落雙面膠，唔習慣，就浪費


利申：以前打中直，真係用狂飆皓打左推右攻，真係要則身用正手打曬張檯先有分

rckw

謝謝樓上各位的寶貴意見

近日一直爬文, 不過個人對套膠認識較淺, 爬完都一頭霧水; 看官方的介紹也分不清每塊膠的特性

看了大家的意見, 今日一直在youtube看王皓的打法, 夜晚第一次嘗試反手橫打.. 嗯, 真的要多多練習...  不過久違的練球興奮心情回來了, 真的闊別20年呢

可能我對底板套膠知識有限, 經驗也不足, 一時間消化不了太多不同套膠的資料, 所以還是想先鎖定紅雙喜 (對不起樓上幾位師兄 ).. 明白國產膠可能性價比及性能不一定是最佳, 不過現階段想集中一點呢.. 希望各位理解  

關於反手膠, 想遷就自己反手橫打初學 的身手, 天極3-60會難以駕馭嗎? 天弓/天極/金弓各有什麼特色? (金弓, 好像普遍的意見是貴..)

感謝大家指導

電磁波

其實我幾個月前重拾球拍時嘅情況同樓主師兄差唔多! 對器材方面完全一頭霧水....!  

分別是我直接放棄直拍, 改打橫板, 畢竟現在身手同年輕時差好遠!  其實直轉橫一D都唔難的!

[ 本帖最後由 電磁波 於 2015-9-8 15:33 編輯 ]

slavfung

就算你身手冇變，轉横都會勁哟

BaaBaaChris

樓主你好，我都係冇打廿年岩岩打番一個月，練聚緊基本功同直拍橫打。我正手用狂三3都幾好控，反手橫打用新焦點3練緊姿勢同發力。不過已經想試其他組合。

個人建議買塊入門拍加國套feel下先，因為打兩面膠重量，握拍方法同技術都有d唔同。始終好多年冇打加上40+，都係買塊輕d同平d既組合先為上。加油

電磁波

引用:

原帖由 slavfung 於 2015-9-8 15:52 發表
就算你身手冇變，轉横都會勁哟

的確如此, 非常正確!　

wing0000

國套 <--- 呢個"詞語"有點 confusing..... 我相信 ching 係指 "國產套膠", 而唔係 "國家隊專用套膠" 的那種 "國套" 吧?

[[[[[個人建議買塊入門拍加國套feel下先，因為打兩面膠重量，握拍方法同技術都有d唔同。始終好多年冇打加上40+，都係買塊輕d同平d既組合先為上]]]]]  <--- 如果兩面都係國產套膠的話, 冇錯應該會較"平", 但想"輕"就真係唔容易...

引用:

原帖由 BaaBaaChris 於 2015-9-8 17:16 發表
樓主你好，我都係冇打廿年岩岩打番一個月，練聚緊基本功同直拍橫打。我正手用狂三3都幾好控，反手橫打用新焦點3練緊姿勢同發力。不過已經想試其他組合。

個人建議買塊入門拍加國套feel下先，因為打兩面膠重量，握拍方法同技術都有d唔同。始終好多年冇打加上40+，都係買塊輕d同平d既組合先為上。加油

TomLai

引用:

原帖由 wing0000 於 2015-9-8 19:46 發表
國套  

嗰位師兄既反手膠新焦點3係幾輕既. 另外CJ8000都算輕. LKT同友誼都有輕既反手膠.

egghead1969

引用:

原帖由 電磁波 於 2015-9-8 18:56 發表


的確如此, 非常正確!　

我都係直轉橫，基本上冇乜問題，樓主可考慮

BaaBaaChris

引用:

原帖由 TomLai 於 2015-9-8 21:08 發表

嗰位師兄既反手膠新焦點3係幾輕既. 另外CJ8000都算輕. LKT同友誼都有輕既反手膠.

我都打個一塊兩面CJ8000，正手感覺同普狂3差唔多，反手就好硬唔轉但好快。CJ8000有好幾種我都搞唔清

BaaBaaChris

引用:

原帖由 wing0000 於 2015-9-8 19:46 發表
國套  

係，國套我係指中國套膠而唔係國家隊專用膠(利申：我都冇用過)。另外試過xiom反手都唔錯

egghead1969

引用:

原帖由 BaaBaaChris 於 2015-9-8 22:06 發表


我都打個一塊兩面CJ8000，正手感覺同普狂3差唔多，反手就好硬唔轉但好快。CJ8000有好幾種我都搞唔清

我打過 CJ8000 ，打日本海綿個種

rckw

之前參考左各師兄意見，最終結果係... 未買....... 一路借用朋友的CL打住先

而家有朋友放狂皓3, 正baracuda max反r7, 可能會入手了

BaaBaaChris

引用:

原帖由 rckw 於 2015-11-6 20:59 發表
之前參考左各師兄意見，最終結果係... 未買....... 一路借用朋友的CL打住先

而家有朋友放狂皓3, 正baracuda max反r7, 可能會入手了

狂皓系列冇玩過，塊拍OFF++加R7撗打應該會幾爽

egghead1969

引用:

原帖由 rckw 於 2015-11-6 20:59 發表
之前參考左各師兄意見，最終結果係... 未買....... 一路借用朋友的CL打住先

而家有朋友放狂皓3, 正baracuda max反r7, 可能會入手了

只要係正貨同價合理，打中直，狂皓3 一定要試下