兩隻字：拍頭
一拃字：查實打得多自己都會感覺到，起下旋、爆沖、叉燒、挑、彈、搓擺、劈長、開重轉用拍頭；對拉、削用拍頭拍心之間；推、擋、開無轉用拍心
一版字：背後原理同球拍既「有效質量」有關。擊球時，响球體角度黎睇，球拍既實際質量係取決於响拍面上既擊球位置，其質量於重心位置為最高，一路向拍邊、拍柄遞減，如下圖
噉乜交關用拍頭拉弧圏呢？
因為動量同動能。簡單講，當兩舊嘢撞埋一舊既時候，會因應各自質量而改變速度，重嗰舊部份動能傳到輕嗰舊，輕嗰舊會加速，重嗰舊會減速。當相方質量越接近時，重方傳到輕方既動能會越高
就係噉，用拍頭拉弧圏可以將更多揮拍既動能傳遞到個波度，而且揮拍係呈一個曲線進行，拍頭既速度會比拍心高，而速度比質量對增加動能更為重要，相輔相成之下，用拍頭爆沖爆過拍心就係噉解
[
本帖最後由 zeio 於 2015-8-19 04:43 編輯 ]
