TurboZ

唔知邊個要許昕打足混雙, 男雙同男單咁多場, 鐵人都死, 混雙時打黃鎮廷一仗搏得太盡, 搞到肩傷, 查實就住打都應該可以晉級, 唔駛為咗impress韓國靚女而去到咁盡, 搞到自己而家提早落馬, 令奧運出線都變得危危乎, 唔知今晚混雙決賽重出唔出到場.....唉....真係唔底....無晒心情.....

TurboZ

嘩!!! 仲以為許昕呢鋪要因傷退出混雙, 令韓女隊員失望, 日本隊不戰而勝....點知佢到咗重要關頭如同食咗仙丹, 一D都唔似受過傷, 可以話重未見過佢咁生猛, 奇招層出不窮, 終於可以抱抱, 笑騎騎, 如願以償。今朝對方博有一半都唔駛輸波, 好似喺佢心目中混雙冠軍先係最重要咁, 4:0 KO 日本隊, 真係要寫個"服"字畀佢。記得庭日重有男雙要打呀! 拜託...

TurboZ

唔知呢支封閉針可唔可以臨時打, 當第七局叫暫停時補番支, 定係要賽前幾耐打定先, 之後好似食藥咁四個鐘一次, 再打都冇用? 好彩就四五局內KO對手, 否則要撐到決勝局就神仙難救了...唉...好可惜, 以佢打混雙時的狀態打單打可以肯定fight低方博重有剩。

TurboZ

ITTF官網話許昕對方博二勝一負, 加埋今次都係二對二平手。之前中超就各有勝負, 不能說有什麼優勢, 其實方博今年成績可謂慘不忍睹, 外戰三次居然兩次輸畀外國人, 重要係頭一兩個round就出局嗰隻, 今次有機會出線世錦賽單打, 連閰安都冇份, 重兩度遇上有傷患的對手晉級都算行運了。

世估唔到方生咁神勇總決賽攞咗龍哥兩局, 可惜幸運之神唔再眷顧, 頻頻觸網出界, 反而龍哥救咗個不可能的球再擦網贏咗最關鍵的第四局, 唔係的話應該可以打到七局分勝負, 不過而家龍哥攞到都好應該, 如果畀方生一次過fight低三頭馬車的話劉老都唔知會點收科, 唔通要派佢去打奧運?

[ 本帖最後由 TurboZ 於 2015-5-3 22:05 編輯 ]