發新話題
打印

大時代

本主題由 (=^x^=) 於 2023-10-31 03:36 移動

大時代

TOP

無綫由昨日凌晨開始重播23年前由韋家輝監製的經典劇《大時代》。雖然不知道「丁蟹效應」能發揮多少威力影響股市,但該劇以倒序法說故事,一開始丁蟹因輸股票要與四子「攬死」,逐一掟蟹落樓的場面極其震撼,令收視高開6.4點,逾41萬觀眾收看,平均則為5.6點,約36萬觀眾收看,比起上周《衝》結局篇平均5點收視還要高,成今年深宵收視之冠。

劉青雲飾演的方展博和丁蟹確實魅力難擋,秋官亦有捧自己場睇重播,昨日在電話中說:「自己都驚,成套劇鋪排得好好。呢套係一套神劇,首要功勞都係韋家輝啦,每個角色都有追看性。」不過,秋官直言曾疑慮接演丁蟹角色:「20幾年前,翻睇仍然咁好睇,因為節奏感好強,完全唔覺得係舊嘢,

TOP

家未必可以拍得咁好。當年韋家輝搵我時都有疑慮,因為我一直以來演大俠,擔心做得好就好,做得唔好就會破壞形象,搞到兩頭唔到岸。不過韋家輝之前做過《誓不低頭》編審,已做出好材料,能夠帶動觀眾情緒,令我有信心接拍《大時代》。」

最後被丁蟹打死的「方進新」劉松仁慶幸有份參演,昨透過短訊說:「經典之作是永恒不衰,值得回味!有幸能在那個年代參與這經典之作。」劉松仁昨晚到九展出席活動,問到《大時代》重播有否捧場?他說:「冇,瞓咗,唔記得呢回事。今早收到風話收視OK,呢個經典嚟。」網上瘋傳他在劇中求老闆不要炒魷的片段,被網友勁讚演技好,松哥說:「嗰段OK,自己第一次睇都喊,我都覺得幾好,主要係劇本、製作、對手都好,劇本好可以帶你入戲,拍攝時好開心。」

劉青雲昨透過助手回覆:「知道有6點收視好開心,但因為今日開早班,噚晚睇唔到,基本上冇乜翻睇亦冇上網睇,知道咁受歡迎好開心。」飾演丁蟹兒子丁益蟹的陶大宇昨出席活動時說:「已經唔係第一次重播,但每次重播外間都反應好大。」對周一股市急瀉,大宇說:「呢個效應真係幾邪!」

不少網民一邊追睇,一邊在討論區「推到完場」,單是兩個貼文已累計逾10萬人觀看,亦好多人建議在黃金時段播放,更多人驚嘆藍潔瑛當年好索且演技出色,當時29歲演19歲學生妹夠清純。不過亦有人投訴聽不清藍潔瑛部份對白,重播居然冇字幕!女神級索女「慳妹」周慧敏、「龍紀文」郭藹明、「方婷」李麗珍等亦屬看點,周慧敏昨說:「呢部劇係我演戲工作上一個大轉捩點,但首播以後冇再完整睇過,慳妹經歷變糢糊,昨晚特意再睇。」

TOP

雖然而家晚上沒有追看,但想當年真係集集追,跟住自己去買股票當正自己係方展博......結果當然係蝕錢收場啦
主板 Viscaria  正:Omega 4 Pro 反:Vega Pro

TOP

大時代的方進新做得精彩
<-->
.

TOP

有傳話丁x唔係掟仔,而係比仔掟至真 . 究竟係丁x掟仔,定比仔掟 ?!

TOP

丁蟹掟, 想講埋追股市買大多會虧,認為預到位置出入不受一剎那感覺和不受當時氣氛影響才可吐利(預不到位就不要入市)
<-->
.

TOP

股票必勝法[編輯]

「股票必勝法」乃劇中股神葉天傳授給方展博的終極秘訣,此訣表面似通非通,難於理解。

未破解的「股票必勝法」原文:








貪心輸錢贏 輸血不輸錢 人人去輸血 殺人不打風

落雨去離島 離家飲煉奶 見人分遺產 出獄嫌錢腥

快樂冇人格 出家冇人工 攻而無不克 戰無不勝矣


最終方展博憑電腦分析「股票必勝法」後得知其意,意思甚有警世意味。可惜破解原理未有交待,所謂破解頗為兒戲。

破解後的「股票必勝法」:








股市原意,乃讓集資搜資有其地,社會向榮,人皆有賺,

惜人性貪婪,耗盡心思,巧取豪奪,樂土成煉獄,血雨腥風,殺戳不息,
無數人蕩產傾家輸性命,勝者則喪良知人格,
余於股壇數十載,未嘗見一真正鸁者,
智者應知此乃一處永無贏家之戰場,

取勝唯一法……「及早離去」四字而矣!
http://zh.wikipedia.org/wiki/%E5%A4%A7%E6%99%82%E4%BB%A3_(%E7%84%A1%E7%B6%AB%E9%9B%BB%E8%A6%96%E5%8A%87)#.E8.82.A1.E7.A5.A8.E5.BF.85.E5.8B.9D.E6.B3.95

[ 本帖最後由 samson2012717 於 2015-4-23 11:40 編輯 ]

TOP

劉松仁重睇都喊
而飾演青雲父親的劉松仁,昨晚宣傳《華麗轉身》時表示收到很多好友電話大讚,對網友讚他展現神級演技,松哥說:「都OK,自己睇番都喊,劇本寫得幾好。」同樣有份參演的藍潔瑛,昨日對收視高開卻問非所答:「好多人整啲污穢嘢畀我,你唔好再打畀我啦!大家乾淨啲!」令人摸不着頭腦。而監製韋家輝則對多年前作品仍獲觀眾喜歡感高興,他說:「當年用倒敍方法拍,開頭就掉啲仔落街幾冒險,估唔到今日會成為經典。」
http://orientaldaily.on.cc/cnt/e ... 0422/00282_001.html

TOP

「當年用倒敍方法拍,開頭就掉啲仔落街幾冒險,估唔到今日會成為經典。」

如果今日的一定比人投訴到爆!!!!!!

TOP

發新話題