sing127

小弟希望大家能分享一下自己如何陪養子女打波興趣心得
拋磚引玉,等我講先:
小女3歲半開始打波,那時一開始就係多球訓練,其實都幾悶.最初係用玩遊戲方式同佢半玩半練,每次都係打15分鐘左右就收工.
到4歲半,開始每日set target練習,例如正手要對攻到20板就收工,通常每晚都用不到30分鐘就可以完成.
現在5歲半,依舊都是每日set一個板數target,完成了就可以收工,每日都係用30分鐘.但就多了一本溥紀錄低佢每日打到最高板數是多少,還有met到一定數量既板數會有少少獎勵.
可能有了板數目標,小女慢慢對打波興趣越來越大,需不像我的狂熱情度,但都起碼見到佢係享受緊打波,都心滿意足了

sing127

對,我和你情況一樣.因為每日都打,慢慢變成一個日常生活習慣.
冇講「喜歡」或「不喜歡」打乒乓
不過有時練得好,就話:爸爸我真係好鐘意打波.到練極都練唔好就話唔想打....
所以而家目標都係陪養興趣和心態為主
自己有個小小心得....我通常每日都會只打半個鐘,有時甚至15分鐘就完成.有時佢話想多打一會時我會話夠鐘唔再打,等佢期待一下明天打波

引用:

原帖由 Suki 於 2015-4-9 17:26 發表
真係一個大學問！

到而家亞女冇講「喜歡」或「不喜歡」打乒乓！

相信處於中間多少少偏向喜歡！

所以只是平常心，自由發展。。。

sing127

有道理呢!
但可惜不是常常有比賽,而比賽又不一定能攞獎牌
反而我在想怎樣在日常練習時引起小朋友既興趣和成功感...小朋友條乒乓路才走得更遠更開心
真是一個大學問....我都努力學習中

引用:

原帖由 速鳥 於 2015-4-9 22:27 發表
興趣，即是有滿足感、成功感，乒乓是對抗性運動，從對抗得到成就，例如贏得獎牌，就會產生興趣。
我見過有人從小學就贏到中學，好有興趣，但只輸了一年波，就失去了興趣 。

sing127

咁都好過練波好地地....打比賽先.........

引用:

原帖由 Suki 於 2015-4-10 09:51 發表
打比賽好地地！

到練波時，我家那個亞壽就⋯⋯

sing127

PoPo兄,
真係同你情況好似,現在只能練手形和基本步法,真係睇見都悶,要在中間加插一些樂趣真係用盡我一生既智力
想問下5歲就去考章?身高夠嗎?

引用:

原帖由 popo_wong2001 於 2015-4-10 15:32 發表
我都係自行教小兒打波, 三歲開始, 由每次練一小時到現在2小時, 但不是每日, 一星期兩次左右, 講真, 諗起都辛苦呀, 啟蒙係最難教, 打計分又打唔到, 只係練習手形和基本步法, 所以雙方都悶, 心中只有堅持再堅持這兩個字 ...

sing127

絕對支持速鳥兄的教法!
我同女女練球時都常常灌輸堅持呢個信念比佢知.
我們每晚練球時都會set個target,有時女女都會未能完成,如果我見到佢有努力,有堅持都最後一刻,我依舊會讚她,甚至會讚得比完成target更多

引用:

原帖由 速鳥 於 2015-4-13 13:02 發表
PoPoWong 是媽媽  

當然比賽勝利可陪養出膿厚興趣，但陪養堅持執著才是長遠興趣所在，我教囡囡的格言是永不言敗，今天輸是球技，只要把球技改進及練好，下次就可獲勝，但切物賴三賴四，輸一定是自己問題。

sing127

不過陪養小朋友興趣時同樣陪養出人品,呢個先係大學問.
我仲有太多需要學習既地方

sing127

謝謝Suki意見
其實兩年前都開始有教練跟緊..
小弟本身都有個教練牌仔... 不過就自己知自己事,都係交由全職教練好d
自己都係做番個陪練員算

引用:

原帖由 Suki 於 2015-4-13 17:18 發表
個人見解∼適當時間交給正式教練跟進！

但親子活動例外。

純粹個人意見！

sing127

看來速鳥兄真係經歷了不少風風雨雨..
我自己都係覺得人品跟球技都係跟自己一世,兩樣要取捨的話我一定選球品

引用:

原帖由 速鳥 於 2015-4-13 17:38 發表


我教囡四年，人情冷暖已經私空見慣，我可以大膽話你知，如果一開始比賽，有人為了贏波，乜手段都會出，人品係其次；朋友只會係你到達高峰時出現，如果是山腳者，你就會看見更多的冷面。

sing127

其實真係一d都唔利害,利害就不用另找教練啦
我自己比較著重打好基礎多過找捷徑去win....
還記得10幾前後生時在歌街約幾個朋友一日book 8 個鍾係度練波,練最悶既基本功,我自己就好享受
可能女女似我,好喜歡練基本功練板數唔多怕悶.至於打比賽就真係第日先算,都未諗過

引用:

原帖由 速鳥 於 2015-4-13 17:43 發表


原來是教練爸爸，利害
現今打法，加上 40+ 出現，尢其是女子力量不大，齋打快硬定兩頭走，所以有高人指點，才是皇道。

sing127

反而我覺得有同情心絕對係好事,誇張d講輸左場波但win了個人生
比賽心態可以慢慢調較
但好的人品可以一世受用

引用:

原帖由 速鳥 於 2015-4-13 17:45 發表

我都是球品行先，所以囡囡見到細路會有同情心，實輸

sing127

好呀!!!
有機會一定參加!謝謝!

引用:

原帖由 Suki 於 2015-4-13 17:53 發表

歡迎參加小乒會賽事及活動，我們行快樂乒乓、互相乒乓、普及乒乓、品行端正，可以放心交個女參加我們比賽！

sing127

Wah!速兄我女女和你女女一樣，現在都是只練相持，未教過發球和接發球
敢問你女女現在多大呢？

引用:

原帖由 速鳥 於 2015-4-13 17:56 發表


我囡啟蒙了三年半，只練雙持，從來未練過發球，亦從來未練過接發球，要靠佢自己摸索；囡囡就會從比賽中吸引經驗，每板目的只是不會比人打死

sing127

能和女女一齊研究真係好sweeet!!
我都好希望日後可以好似你咁

引用:

原帖由 速鳥 於 2015-4-13 18:56 發表

13歲了，呢排先練左接左角出枱波，我有過習慣，就是要打得精彩，輸都是輸得精彩；明天學接中枱出枱，又可以和囡囡研究下打法。