引用:
原帖由 (=^x^=) 於 2015-4-2 00:54 發表 
今日是一個好特別的日子，四月一日愚人節，這一日除了是張國榮的死忌外，也是我的一個特別日子。
很少在香港看電影的我今日走入電影院看了一套 "五個孩子的校長", 看完后我沒有哭，但有感動。
這套電影拍得很好，很 ...
其實有時......你會唔會想, 呢個網站可能唔係偶然, 睇住你大, 睇住你學......X
, 反而我覺得好似好有計劃咁.
你想到的, 其實是你想到定係你上面既老板想到
有一輯有線講小事大意義, 都有講有人免費教貧窮小朋友學音樂, 有時你真係唔知原來對佢地影響有幾大, 現在, 其實你地盆又有, 人又有, 如果有人要做呢樣野, 其實你可能真係最岩既人選.
其實你可能會想, 咁其實學波班細佬又有什麼益處呢?
講一個百份百真實故事, 因為主人翁就係我.
上個月, 我撞到....我恩師, 簡偉雄, 簡SIR, 我地細佬時期, 邊有現在咁富有, 我地公屋長大, 球場黑社會多過足球, 又無咁多福利,娛樂,體育館,打波都係打石檯仲要同人搓擡
咁仲記得中一個年,有個學兄, 同我有點熟,我打極都唔夠佢打,佢問我係唔係想學波? 我緊係話想啦, 佢就呀左我去入......(唔係黑社會), 係去左牛頭角女青年會(原來女青係無女架....,呃人架
), 當時,佢地有乒乓球班, 教練就係簡SIR,仲記得, 當時會費係二十元, 其實.....我地成日拖
,唔應該講拖, 拖係會還, 我地係成日唔交會費
咁個教練就係簡SIR, 佢係第一個, 我認識既正統乒乓球教練, 即係好似武夾小說, 你平時都係街邊二打六,打爛仔交, 最勁都係街口個賣武阿哥, 當時, 我就好似係見到.....全真七子丘處機一樣, 要你練既野,概念,目標都唔同, 如是者, 打左幾年,入左校隊, 打過比賽......
其實乒乓球技術既影響唔係最重要, 但對人生既影響就好大, 我仲記得佢有一年講, 話教埋呢年就唔教(其實後來我地就散班), 佢話其實打得幾好都無用, 都係做波牛, 佢走去讀返書, 當年佢仲好似只係小學畢業, 佢仲同我地班球員講, 你要考試就請假, 讀書緊要......, 三十幾年過去. 簡SIR讀埋大學, 攞埋HONOR DEGREE, 好似讀埋MASTER, 記住佢係由小學程度開始讀, 咁呢班學員點呢, 識我都知, 我有打大專賽, 但係當年....,記住係一九八X年, 呢班學員, 無出過張文, 李學榮或者香港前列球員, 但係佢裡面,七成都要讀到專上院校, 記住係上世紀八十年代, 其實三個仲要係讀.....HKU
我想補習班成績都無咁理想
如果無學波, 有時我都會想, 係球場長大同係社區中心做義工長大,分別會有幾大?
所以, 如果你有心搞, 你搵我幫手,我實幫.
