kei

國內電視節目《我是歌手3》邀請唔同地方嘅華語歌手作賽，唔少歌手都覬覦內地市場，希望呢個節目可以幫佢哋一把，之前G.E.M就係憑呢個節目而喺國內走紅。今輯令人期待嘅過江龍，就輪到久未露面、嚟自新加坡嘅陳潔儀(Kit)。

90年代中期，Kit憑住《心痛》、《傷了和氣》喺華語歌壇打響名堂，不過佢今次再戰江湖，就以另一個方式成為眾人焦點。大家都知道呢個比賽都係以「力量型歌曲」會比較佔優，好似上屆G.E.M咁，但係Kit今次以慢歌參加比賽，結果成為第一個出局歌手。好多人都覺得陳潔儀輸嘅唔係實力，而係唔跟大隊。

正當討論不斷升溫嘅時候，有媒體報導陳潔儀被叮係另有原因。報導指，有在場嘅記者就話當日陳潔儀嘅表現，可以話係出乎意料咁差，更有走音嘅嫌疑。

而另外一位參賽者A-Lin都有呢個情況發生。但點解當觀眾收睇時，又冇呢個情況出現呢？報導話節目出街嘅時候已經係經過後期製作，所以觀眾會較難察覺……咁即係執過啲聲啦。咁點解要執呢？就話係「保留面子」。

kei

歌唱比賽是LIVE SHOW, 大家想睇既, 係個歌手當晚既表現, 如果要後期製作令大家聽唔見佢走音, 或者執到同CD一樣, 這只會令LIVE SHOW失去意義

保留面子?  向傳媒咁講, 仲可以為陳潔儀保留面子?