雙喜臨門！老牌名校拔萃男書院一百四十五周年校慶，該校中樂團早幾日遠赴東歐斯洛伐克，參加國際青年音樂節比賽，不負所望，勇奪金獎及全場總冠軍，成功喺國際比賽舞台弘揚中國音樂。唔單止咁，隨團指揮家郭亨基更獲最佳指揮榮譽㖭！
今次男拔中樂團參與自由樂器組合（Freeinstrumental）組別賽事，佢哋喺音樂會表演來自東西南北嘅中國音樂，包括大家耳熟能詳嘅《花好月圓》，富有豐富民族色彩《趕街》，別具意義嘅《太平山下不夜城》，以及樂團指揮郭亨基嘅佳作《春來懷古》。
擊敗全球精英
第六屆布拉提斯拉瓦國際青年音樂節（BratislavaInternationalYouthMusicFestival），由七月二十七日起一連三日於斯洛伐克舉行，聚集世界各地音樂精英，結果中樂團團員士氣高昂，成功喺世界各地隊伍脫穎而出，奪得金獎及全場總冠軍。
拔萃男書院校長鄭基恩話，中國音樂源遠流長，包含深厚文化底蘊，樂團能在異邦發揚中國優秀文化，實在令人感動。
KellyChu
