阿舜

引用:

原帖由 necky 於 2014-7-5 00:27 發表


我相信大部份家長（不知對不對）對小朋友的定義甚廣，有些可能兒女還沒結婚都視為小朋友，當然也有家長會視他們踏入小學或中學或大學階段已不在是小朋友。
另外不同的人有不同的習慣、宗教、家庭、教育背景，亦 ...

我重未有小朋友, 唔知講唔講得

小學生都唔當做小朋友  我諗法律上都唔會比 如果有家長試下留個大朋友既小學生係屋企, 同個警察講, 我唔當佢係小朋友

爆粗就係爆粗, 唔理係乜野情況下, 向住對手爆粗就係無禮貌, 我諗無一個宗教會教人爆粗掛? 有既唔該提醒一下, 以免有人誤入邪教

我諗乒總比賽應該會捉得好嚴, 一見有人爆粗, 應該會立即警告或者比牌

反而, 如果係私人球局, 或者私人搞既比賽, 如果有人對住小朋友(希望唔駛再爭論點叫做小朋友)既對手爆粗, 又或者小朋友對住對方爆粗, 如果家長不在場, 通常負責人應該點做呢? 大家有無建議?

(結果我呢篇野同樓上都係問未所答, 無答到貓貓既問題添)

阿舜

可能最近真係興起語言藝術, 講粗口都要為對方諗埋宗教/背景/家庭, 要為對方著想包容, 至於自己仔女會否學壞, 覺得輸波爆粗閙對手是對的, 就要任由子女自己發揮, 真係頗有趣既見解. 要指導子女, 就應該係比賽或球局對經常爆粗者作出警告或者暫停參與, 再引導子女認為爆粗發洩鬧對手不可取, 是不尊重對方, 無體育精神

講獨留子女在家呢條法例, 如果閣下有睇開新聞, 是否知道坊間普遍只係認為規定年齡太高, 希望將法定年齡由16歲(中學生)改為12歲(小學生), 而唔係任由3歲大既子女獨留在家都無問題嗎? 你又是否知道小學生獨留在家引發出幾多意外呢? 依你所講, 每個人達到每個階段的時間都不同, 咁即係閣下既子女會比正常人早熟, 可以3歲就獨留在家? 係既話, 我只可以講佩服.

再講, 如果係為子女既將來著想, 你知道有很多職業, 執行職務時爆粗會受到紀律聆訊及停牌嗎? 當然, 唔係個個行業都係同一情況, 但點解因為要為對方既宗教/背景/家庭著想, 就包容對方, 犧牲自己子女既一部份可能性呢?

我想兄台混淆左永遠唔比子女聽/講粗口, 同教導子女對聽/講粗口既應對及睇法. 要永遠唔俾子女聽/講粗口是不切實際既, 因為係唔同既地方環境, 都有機會接觸得到. 但經常接觸得到, 唔代表要子女任意接受, 反而應該要教導子女如果看待, 及其他人有何睇法.
最近國畫騙子橫行全港, 各區都接觸得到, 警察暫時都無什辦法, 難道就應該讓子女全盤接受他們繼續橫行, 讓子女認為騙子可取?

大部份事情當然都有原因才發生, 咁如果有人在不同既比賽同球局都經常輸波爆粗, 你又認為原因何在? 錯在所有同佢打既對手?

最後, 到底閣下認為邊個宗教係會教人爆粗呢? 希望指點一下

[ 本帖最後由 阿舜 於 2014-7-5 08:34 編輯 ]

阿舜

引用:

原帖由 willhunting000 於 2014-7-5 09:06 發表
講粗口本身我認為無乜對錯可言，純粹個人喜好或個人風格。當然用粗口辱罵其他人又係另一回事，如果係咁緊張咪唔好同講粗口既人做朋友唔好同講粗口既人來往。純粹個人選擇。無乜好抝

我都係上篇認為無乜可能完全避免到聽/講粗口, 如果只係對方講粗口就無朋友做, 我諗實在太誇張, 我都有好多朋友間唔中會講下, 不過就無聽過會輸波爆粗.

如果係比賽/球局輸波就爆粗罵對手, 我諗無乜可能會係正確既尊重對手做法, 無論係球例或者體育精神都唔容許.

阿舜

其實貓貓係開篇文已指明係比賽時向對手作出既事, 而唔係平常發生既事, 希望唔好愈拉愈遠啦.

阿舜

引用:

原帖由 willhunting000 於 2014-7-5 10:34 發表
因為係唔同既地方環境, 都有機會接觸得到. 但經常接觸得到, 唔代表要子女任意接受, 反而應該要教導子女如果看待, 及其他人有何睇法.
最近國畫騙子橫行全港, 各區都接觸得到, 警察暫時都無什辦法, 難道就應該讓子女全 ...

我都唔想, 因為某位兄台講到有宗教會教人爆粗咁誇張, 我都唔小心比人帶到遊左花園

花園差唔多遊完, 所以係時候回歸下正題啦

阿舜

引用:

原帖由 willhunting000 於 2014-7-5 10:57 發表
邊位人兄講過有宗教會教人爆粗？你可否節錄番果句說話？小弟讀書少從頭看過此帖一次都真係睇唔到

引用:

necky(第9樓):
我相信大部份家長（不知對不對）對小朋友的定義甚廣，有些可能兒女還沒結婚都視為小朋友，當然也有家長會視他們踏入小學或中學或大學階段已不在是小朋友。
另外不同的人有不同的習慣、宗教、家庭、教育背景，亦有不同的行為習慣，有些行為、言語對不同人有不同的意義。

呢篇POST由頭到尾都係講緊比賽爆粗, 既然講到會因為宗教而有不同的行為言語習慣, 以我極之貧乏既想像力, 只能夠認為有宗教教人爆粗, 粗口對該宗教有不同既意義啦.
所以我先請某兄台提供下有邊個宗教會教人爆粗, 或者會令到人爆粗

不過都係咁, 再咁答落去, 真係又要再遊花園啦, 不如集中返主題啦

[ 本帖最後由 阿舜 於 2014-7-5 11:10 編輯 ]

阿舜

我諗對貓哥而言, 小朋友應該係指小學生啦, 話晒貓仔都重讀緊小學

但如果係比賽/球局中不停爆粗罵對方, 我諗應該一視同仁, 唔理對方係小學生/中學生/大學生/或者社會大學生, 因為已經無晒體育精神, 亦有可能會引起更嚴重既爭執

每位家長既教育方式都唔同, 唯有大家討論一下, 不過如果有家長認為比賽中被對手/向對手爆粗辱罵並非大不了既事, 小朋友只怕亦會有樣學樣.

對於是否要幫手出頭我覺得唔重要, 反而當場/事後指導更加重要, 而唔係要幫手罵對方, 呢點對幾大年級既小朋友都係一樣, 因為互罵唔會對事件有幫助, 讓小朋友理解更加有用