lmichael

大家現實少少想呢個問題.

大家接唔接受到乒乓球在香港被剔出精英運動項目先, 呢o的係最核心既問題, 其實香港總會, 無引入外援, 成績不濟, 而被剔出精英運動項目, 例如, 體操. 你接唔接受到先?

女隊接到班就緊係好啦, 男隊, 如果出本土球員, 跌到世界排名50以外, 都唔好話無可能. 咁剔出精英項目, 即係代表怎樣? 即係年青球員既集訓會少左, 出外比賽既機會都會少埋. 無成積, 仲有無咁多人學打乒乓球都成疑問, 咁班教練點呢?

不過呢班外援, 都好似係最後一批, 好似新例係要十六之前移居該地, 才可以代表當地打比賽. 不過老實講, 除了五,六十年代既容國團那一批之外, 香港男子好似其實無邊個本土球員有成績.

唔會又回到九十年代既黑暗時期吧.....

lmichael

引用:

原帖由 fastloopattack 於 2014-5-5 15:25 發表




>新例係要十六之前移居該地, 才可以代表當地打比賽<

呢個唔係問題呀！16歲夠年青力壯呀，唔通引入60歲呀？一位有潛質的運動員，到了16歲已經好清楚可以看見天份是優或劣。中國隊的郭躍及樊振東都是16歲前 ...

係中國,其實十六歲又有天份既球手, 點會放你出去打外援? 就算搵落來, 十六歲又係好多選擇, 其實乒總都搵左個來香港, 但係真係keep唔到係大陸咁專心, 十六歲仲係要好努力練波, 仲係無什麼比賽經驗, 唔同二十到尾, 準備退隊既咁即用.

其實出左打外援, 又打得好既, 其實都唔到10%, 香港呢批, 以成績計其實唔錯, 特別係雙打. 今次, 佢地成績係近年最差, 但就已經引起咁多人批評, 所以其實, 唔好低估大眾對成績既期望. 以為出本土球員, 就會接受成績會比以前差.

lmichael

引用:

原帖由 fastloopattack 於 2014-5-5 15:43 發表

李佳薇幫新加坡隊贏左唔少賽事，甚至贏過中國隊的王楠，香港的姜華珺有無好似李佳薇咁好成績呀？  

香港呢班男外援, 都幫香港贏過唔少賽事, 張鈺有擊敗過中國隊, 拿下亞運混雙金牌.......

lmichael

引用:

原帖由 ricky_table 於 2014-5-5 15:50 發表
現實小小, 精英運動係好ON居既政策,
如果政府唔干預, 民政事務唔係曾德誠搞, 政府揸正黎做唔容許電視霸權...你懂的
香港人只係要正正常常過日子, 一個聯業聯賽有幾難搞??
一項運動有前景, 可以搵到食過日子 ...

老實講, 點解要比乒乓球, 唔係比羽毛球或者壁球, 定係樣樣都要搞個聯賽? 其實乒乓球, 已經係養活最多教練既運動, 可能多過足球.

lmichael

引用:

原帖由 Suki 於 2014-5-5 16:04 發表
係時候加入短、中、長期的危機應變措施了！
睇過一個訪問，講述多年前中國隊失落多個重要冠軍，其後痛定思痛，重點栽培12個苗子，其中一個好似係zjk，力挽狂瀾，到而家稱霸世界乒壇！！！男隊尤其需要，見到好幾個1 ...

問題唔係乒總唔想陪養, 而係隊員輸多幾場, 自己寧願去讀書, 唔通唔比佢地讀咩. 神童熙, 當係小學畢業,乒總就想佢轉全職啦.....

lmichael

引用:

原帖由 Dixon 於 2014-5-5 16:12 發表
香港呢班男外援, 都幫香港贏過唔少賽事, 張鈺有擊敗過中國隊, 拿下亞運混雙金牌.......
-------------------

對，這班男外援當然對香港乒壇有一定貢獻。但拿亞運混雙獎牌已是多年前的事，要退就要退，好讓來者有 ...

咁即係李佳微都應該退役啦? 我都係回應有網友講李佳微有幫sgp拿過好成績,我回應一下, 其實那班外援,好多都唔想打啦,你估佢地仲以為自己可以再創高峰咩? 問題係,邊個接班先? 如果出本土運動員,跌出前五十,咁大眾社會, 以及你地接唔接受先?

其實有時, 大家唔知自己要求高, 大家都話,外援退下來, 本土球員上,但潛台詞係....但係你地成績唔能夠跌 唔係就即係接班失敗.

班外援仲要出場,其實可能係無得選擇.

lmichael

引用:

原帖由 TAMCA 於 2014-5-5 16:59 發表
這正是我提及的體育介“汰弱留強“，星加坡有別的接棒，港女隊難找到姜這麼強的本土球員。港男隊應該可以換血。絕不可擺三年前的功勳可以霸位十年。

都係我所講,班外援你估真係好想出, 有時真係無得揀.

lmichael

引用:

原帖由 cgwc 於 2014-5-5 17:15 發表
主要係技戰能的問題，可以由現在起唐+黃+江+再+兩個本土球員如何，孔等

女得，男都得。

其實你睇下其他運動, 例如滑浪風帆,出了一個奧運冠軍,現在成績係唔係都一路咁勁? 香港運動,其實都係靠運動員本身,突然出個有天份,又努力,又唔放棄既運動員, 咁該項運動就有好成績. 運動有好成績既國家,只係有兩個方法,第一, 就係運動能賺錢,好似美國nba,第二,又或者國家體育,例如中國,北韓,所有唔係以呢兩種方法既,成績都係好短暫,例如sgp, 除了乒乓球近年好少少,仲有什麼? 台灣一樣.

日本,南韓, 運動係受到大企業既支助,運動員,係一個企業既員工,日本乒乓球點解突然多左咁多出色既女選手? 因為福原愛, 佢真係因為乒乓球,係日本賺左好多錢, 自然就多人打.

香港既情況,係各總會爭取政府津貼,而呢個津貼,就係呢幾十個總會,以成績及普及程度去比較,邊幾個可以有更多資助? 即係佢地唔係要打敗外面既人,而係要打敗其他總會, 外援就係咁樣,無奈既產物.

lmichael

引用:

原帖由 ricky_table 於 2014-5-5 17:55 發表
政府要發展體育其實好簡單
出個政策,任何商業團體資助體育項目都可以獲得資助額某個比重既稅務優惠,
例如, 要交一千萬稅,如資助左一百萬,就免稅八十萬

咁根本唔需要精英運動政策, 社會會自然運作

出一千萬,先至得一百萬退稅,即係蝕九百萬. 邊間公司會咁做, 公司講既係商業利益.

lmichael

引用:

原帖由 ricky_table 於 2014-5-5 18:07 發表
阿SIR, 交一千萬稅,即係賺左差唔多一億
個SENARIO係賺左差唔多一億,資助一百萬,交小八十萬稅, 個比例係死既

可能我表達得唔好

BUT
好多國家都係咁,唔好咁井底之蛙

我真係未聽過，用咁既方式係福利事業，或者鼓勵就業就聽過，用係體育，我真係未聽過，邊個國家？我都想參考下。公司去支助福利事業，呢個係csr既一迎份，但運動，唔係呢個function.運動係讚助行為多些，其實乒乓球都有，恒生做緊，呢個係改善企業型像，但呢個，成績都係幾重要，除非好似田總咁。

lmichael

引用:

原帖由 ricky_table 於 2014-5-5 21:06 發表
http://www.twwiki.com/wiki/%E7%BE%8E%E5%9C%8B%E9%AB%94%E8%82%B2

美國業餘體聯，成立於1888年，是美國成立最早也是最大的一個體育組織。其成員包括各州體育協會和4個軍種(陸、海、空軍及海軍陸戰隊)的體育組織 ...

其實即係當佢係慈善非牟利機構.其實乒總都可以註冊咁做. 其實你所講既, 係唔係501(c)?

[ 本帖最後由 lmichael 於 2014-5-5 23:46 編輯 ]

lmichael

如果係做教練，點會無人請？現在既教練驚比佢地搶飯碗就差唔多。。。。。

lmichael

引用:

原帖由 十萬轉vs零轉 於 2014-5-6 10:56 發表


香港足球世界排百幾, 聯賽入場費隨時連場租都未夠俾, 講成績乒乓球一定好過足球多多聲, 搞一隊乒乓球隊亦一定易過搞一隊足球隊多多聲, 一樣有咁多贊助商支持甲乙組足球, 咁點解人地肯燒銀紙係無乜成績既足球上面 ...

首先,香港係有贊助乒乓球的,恆生每年都有贊助乒總. 足球,球隊都搵到人贊助, 係因為足球係世界上面最受歡迎既運動, 好多贊助人,其實都係足球愛好者.例如傑志,你後面就係譚生,譚生大學時就係中大校隊,就算唔係運動員,我想都好多人睇波吧. 我認為睇世界杯足球既香港人,係睇世界杯乒乓球既幾多倍? 老實講,香港乒乓球已經唔慘, 體育強國,美國. 高軍都一樣講無贊助,現實O的講,乒乓球其實除了係中國,其他地方根本係冷門運動. 歐洲好少少, 原因..., 你地可能唔知, 係因為佢地冬天冰天雪地, 唯有玩室內運動. 其實早年,有歐洲, 有4人話將乒乓球放入冬奧. 中國緊係唔肯啦.

放眼D世界,雖然大家都係乒乓球愛好者. 其實乒乓球都幾小眾.......

lmichael

引用:

原帖由 cgwc 於 2014-5-6 19:32 發表

其實日本今次係宣傳，出場的佈置及氣氛都搞得好好，好團結； 香港主要係冇好似足球咁的職業聯賽，曾提議給乒總，但現在乒總係改咗有限公司不像以前的非牟利團體，故很多野都係商業行先，近年才大力推削波，主 ...

職業的話，咁每隊幾多錢？邊個人或機構比錢？我都想知。

lmichael

引用:

原帖由 fastloopattack 於 2014-5-7 20:01 發表

對！柳承敏是冠軍都退左啦，更何況8強的梁柱恩！

咁呢理退了，出邊幾個？我都好想知

lmichael

引用:

原帖由 cgwc 2014-5本 23:09 發表

要真係搞的話，可以由乒總開始，可參考中國，日本，德國等的模式

倒轉想，羽毛球搞職業，你覺得有無可能？點搞？咁點解唔搞？不如你講清楚些，應該係點。

lmichael

引用:

原帖由 cgwc 於 2014-5-8 10:59 發表

羽毛球我不懂，要搞職業，可以循序漸進，可以由小型開始，那當然要看乒總有多大決心，及是否願意推行?

其實你所講既職業,是什麼意思先? 其實唔好話球隊搵贊助難,簡單地講,李皓晴其實可以搵贊助,拍廣告之類,有無?搵唔搵到? 你唔係去到黃金寶,李衛思,李麗珊呢o的級數, 都好難有人比錢.

老實講,每個月贊助一個全職,兩髒,全年二十四萬,你都有能力啦,點解你唔贊助呢? 你會考慮, 咁點解其他人或機構唔會同你一樣有咁既考慮呢?

lmichael

引用:

原帖由 fastloopattack 於 2014-5-8 12:29 發表

就係要引入新一批國家2隊有潛質的16歲以下的新秀補充新血。

有呀,林靖x就係,咁佢來到香港, 打得好唔好?

lmichael

引用:

原帖由 BrianDD 於 2014-5-8 14:47 發表
很多國家2隊也放出去的,如加拿大的孫劍x,他上過1隊的

邊年先,乒聯立例,以後大過十六歲定居,都唔可以代表該地出賽.

lmichael

引用:

原帖由 cgwc 於 2014-5-8 18:53 發表

職業聯賽可以參考日本，德國，中國等做參考例子； 一個聯賽的成功與否在於在位者的經營能力及策略！

不如你講下點參考？一句話參考容易，係唔係真係參考到係另一回事，口號易講，咁不如參考中乒超。