lmichael

其實講左好多次, 鎮廷正手力量唔夠, 對歐洲選手好明顯, 其實BOLL都已經唔算係打力量. 其實.....我地O的球員, 有無積極練體能O架? 個個都無肌用, 你地睇下莊志淵, 佢真係越練越大隻, 越大隻越好波.

女子隊, 李靖真係教得好, 你睇李浩靖, 側身多左好多, 仲有, 李靖個感染力好強, 係電視機旁都感受到. 其實女隊只是繼承左香港現在情況. 女仔現在讀書, 由小學到大學都係女仔勁過男仔. 現在運動場, 新一批, 都係女性對外成績比男性強. 例如牛下女車神 呢個可能同香港男女失衡有關.

lmichael

其實再講多次, 乒總係好想好想訓練出幾個本土出色既球手, 即係乒乓球既黑妹, 所以現在女隊, 都盡量出李晧晴佢地, 但男隊, 唔係唔想出本土球員, 而係同外面水準差實在太遠, 今次出本土球員, 輸場場3:0, 細分都係無得打, 你認為傳媒會點講? 社會會點批評?

我都講, 香港年青選手, 屋企太有錢, 起步太早, 以後太多選擇. 女性可以無事業, 但男性唔可以啊. 神童熙十一歲係國家少年隊既實力, 但到十五歲, 你可以去得有盡? 今日, 佢係hku讀law, 老實講, 如果你係大陸體校或國家隊, 比佢地選, 繼續做國家隊或退隊讀法律(又有能力的話), 我想好多人會退隊, 走返去讀書.

其實大家唔好高估, 大眾對乒乓球成績既期望, 一廂情願, 以為比多o的本土球員出去打比賽, 但成績唔好, 社會大眾係會接受.

lmichael

其實香港男子乒乓球最大打擊, 係奧運無左男乒雙打.

lmichael

老實講，乒總已經係體育總會裡面，搞得最好既其中一隊，好多總會，現在倒過來，想向乒總借鏡，但係乒乓球唔係一開始就咁成功，九十年代初，康體（仲有無人記得）要搵人出來，問點樣搞好乒乓球，當年香港公開賽，女子組得三十幾人打，分齡賽，一個組別上過得六個人打。
所有既改變，都係源自。。。孖寶，陳丹雷個孖寶，同埋要多謝。。。鄭海泉

lmichael

講後起之秀，咁趙神童，孔神童，呢班去晒邊？點解打唔到上去？呢個問題解答唔到，係好難有後起之秀