依排個個話港大打假波踢走城大同走線, 而家又話我地inter-hall走線, 咁我問你哋以下問題:
1.你哋邊隻睇見到港大特登輸？就算見到輸, 個額頭上有無鑿住特登兩隻字?
2.就算係特登輸咁又點, 我哋嬴某院校3窿係我哋本事, 主導權喺我地度, 唔好怨天尤人, 要怨就怨佢哋唔夠砌, 輸3窿輸埋主導權. 唔通要嬴家可憐輸家? 要嬴家施捨個出線權俾人?
3.港大人腳同中大比, 邊間高啲大家心知肚明, 輸係我哋失手, 唔代表佢哋高過我哋, 更加唔係咩野外星人顯靈
4.奧運羽毛球取消走線球員資格, 係奧運既事, 唔代表咁做係無體育精神, 大家都係為最後勝利姐, 如果咁做係無體育精神, 足球都成日做馬啦, 做乜又唔係場場都取消資格?
5.論壇話事人或版主雖然無主動帖文評論事件, 但個平台係你地頭, 你由得啲人惡意抨擊港大, 由得啲人係你個場亂咁講都唔約束? 咁算唔算幫兇? 係咪辦事不力?
以上各項係問題, 唔係批評, 希望有關人事企出來答下丫唔該!
