"單面拉打法配反手推擋這樣單調的打法，想贏比賽的話，除非遇上基本功水平比較差好多班的兩面攻球員才有勝算。"
呢句野真係誇張, 唔通當年柳成敏拎奧運冠軍果時, 全世界既人都比佢差好多班?
普通業餘選手又邊有咁多時間好似樓主咁成日返大陸拍片練橫打? 我諗好多人都唔滿意樓主果句"講就天下無敵, 發夢無咁早", 搞到d打單面直拍既好似固步自封, 井底之蛙咁, 唔練橫打可能會有好多原因的, 唔需要因為咁就俾樓主講到咁絕. 我建議樓主下次想討論時唔好講得咁絕, 唔係只會引起公憤, 就好似上次樓主話香港打波唔掂無前途, 只宜業餘不可專業, 講到李皓晴(岩岩嬴左福原愛) 同黃鎮廷(同張繼科打到第7局) 既努力好似白費咁.
同埋直拍反手位除左推擋同側身攻外, 重有反手攻(backhand)同蓋打\蓋擰(而家我都練緊), 係專業級別可能唔夠用, 但係業餘用就已經唔錯.
對我來講, 如果我可以係處於下風時嬴到波, 我會更加開心, 因為證明左我能夠係激戰中施展渾身解數而獲勝.
[
本帖最後由 阿舜 於 2013-6-4 11:17 編輯 ]
