Terence

引用:

原帖由 kenken168 於 2012-8-16 14:17 ][/url]
其實球局好似二手區一樣，明碼實價便可！
如果好玩，收50你都去！如果唔好玩，比反廿蚊你都唔去！

市場定律, 一語中矢
但論壇都有論壇規則, 所以作為搞手既我絕對尊重論壇任何決定.
可以既, 希望各管理層商討時不要光計每次收費多寡, 還要考慮位置, 時間, 每次總利潤為要. 謝謝!!
最後一句 : 為各大小球局搞手鼓掌, 你們當中付出既, 對於未搞過球局/比賽者, 好難體會你地當中所付出既心機, 就算每次積存100-200元盈利, 我也覺得參加者付出20-40元玩2-3小時球局, 也會感到物超所值的. 請繼續加油!!

Happy仔

我都覺得有d球局收費比較貴，但係自己可以選擇平既球局，就好似樓都有平有貴，自由社會，政府都不應限制，但當所有樓都貴到不合理的時候，政府就應出手，因為我們沒有選擇，同樣道理，如果所有球局都貴得不合理，我都同意攪攪佢

lkkrjkfj

有d球局真係貴左d.. 自己都會簡番d價格比較合理的球局
同埋我認為球局最好set番1:3-4  如果人數太多 就會出現等多過打的情況 但係點解大家一定要企硬打單打呢 有時雙打都可以架ma
最重要都係人數控制呢方面 同埋最緊要打得開心同抵玩

[ 本帖最後由 lkkrjkfj 於 2012-8-16 15:39 編輯 ]

十萬轉vs零轉

引用:

原帖由 alanchan 於 2012-8-16 13:40 發表
如果真係要計到十足十, 4個人市區BOOK場3小時, 要HKD$63. 除番4之後一人比HKD$15.75.

但係搞手都有時間, 精神付出的. 早早起身為大家book場, 又要買定三星波, 又要個搞手有人氣先吸引到人來, 令大家打得開開心心. ...

我地南區係book個籃球場, $236一個鐘, 3個鐘就$708, 平均一張台要$29.5/hr, 球會名義一book就要3個月, 仲要cash預繳, 即係一次過要俾8千幾蚊, 平時book場都仲可以網上俾credit card, 到期先還, 仲可以預人數, 我地就硬局, 會長次次要預繳, 仲會隨時蝕錢, 但係最緊要好玩, 個場夠大又唔駛等一大餐,如果你問我地收$40 三個鐘貴唔貴, 我就一定話唔貴,仲抵到爛, 因為自己根本book唔到成個籃球場咁大地方同開8張台果種氣氛, 有好多野唔係冷冰冰的數字可以解釋到, 有人喜歡打3局2兩上兩落, 有人喜歡打5局3王制, 任君選擇, 搞手最緊要明碼實價, 講清講楚, 唔好有賺人錢之心, 參加者要睇清楚球局資料, 亦唔好expect $20 三個鐘可以打5局3做長王霸足一晚台, 想清楚能否合乎你既意願先join, 咁就大家玩得開心.

[ 本帖最後由 十萬轉vs零轉 於 2012-8-16 15:11 編輯 ]

bd_fan

引用:

原帖由 十萬轉vs零轉 於 16-8-2012 15:08 發表


我地南區係book個籃球場, $236一個鐘, 3個鐘就$708, 平均一張台要$29.5/hr, 球會名義一book就要3個月, 仲要cash預繳, 即係一次過要俾8千幾蚊, 平時book場都仲可以網上俾credit card, 到期先還, 仲可以預人數, 我 ...

Support!!!

而今d 網友講到要清算d球局主持人敢, 又要將收入與支出計長計短, 你估而家報稅....少d心力都死.

我地從來都無計較付出與收入掛鉤,  最緊要一句 "大家(包括主持人)都覺得值得", 就長打長有!

有口碑自然有人參與!!

[ 本帖最後由 bd_fan 於 2012-8-16 15:26 編輯 ]

lwy7383

引用:

原帖由 kenken168 於 2012/8/16 02:17 PM 發表
其實球局好似二手區一樣，明碼實價便可！
如果好玩，收50你都去！如果唔好玩，比反廿蚊你都唔去！

贊成

人數控制最重要
搞手應該拒絕 walk-in者

乒乓在線

有球局看規模和使費, 搞手吃'肥野'好明顯, 正當話他應不會認, 甚至會影響其他正當搞手聲譽.......... 提議鎖定車馬費, 例如21元枱費的定30元計, 如訂場出身份證者獲9元枱/時, 要負起攜波責任, 最後收到場者總款額減30元乘以枱數@時數, 餘下的公開和CARRY FORWARD

[ 本帖最後由 乒乓在線 於 2012-8-16 16:43 編輯 ]

smallstar

引用:

原帖由 乒乓在線 於 2012-8-16 15:45 發表
有球局看規模和使費, 搞手吃'肥野'好明顯, 正當話他應不會認, 甚至會影響其他正當搞手聲譽.......... 提議鎖定車馬費, 例如21元枱費的定30元計, 如訂場出身份證者獲訂場者獲9元枱/時, 要付起攜波責任, 最 ...

咁做法即係返回之前既每人均分法大同小異,一元同一毫計數無大分別,最後計數果個真係頭都大埋。
要咁計既話, 點解唔計埋参加人數過少過預期,果時點算好呢?

乒乓在線

引用:

原帖由 smallstar 於 2012-8-16 16:08 發表

咁做法即係返回之前既每人均分法大同小異,一元同一毫計數無大分別,最後計數果個真係頭都大埋。
要咁計既話, 點解唔計埋参加人數過少過預期,果時點算好呢?

建議和以前一樣參加費用都是定價, 搞手像二判MARK上少少價做訂場勞心勞力安排的成本, 絕對可以定超過30元; 收來總數減的成本是MARKED後的價錢, 餘下錢銀"透明"給有關人仕

[ 本帖最後由 乒乓在線 於 2012-8-16 16:17 編輯 ]

乒乓在線

舉例: 3小時共8枱球局
[定參加一小時者15元, 兩小時者25元, 三小時者35元]

枱費成本定了35元<可不公開>

最後收到總款400元, 餘數是400元 - 35元 X 8 = $120 C/F

訂枱者收 (35 - 21)元 乘以時數(2小時上限) 但要付參加費

[這樣頭號球局搞手亦自然不會狂收參加者]


[ 本帖最後由 乒乓在線 於 2012-8-16 16:31 編輯 ]

十萬轉vs零轉

引用:

原帖由 乒乓在線 於 2012-8-16 16:30 發表
舉例: 3小時共8枱球局
[定參加一小時者15元, 兩小時者25元, 三小時者35元]

枱費成本定了35元

最後收到總款400元, 餘數是400元 - 35元 X 8 = $120 C/F

訂枱者收 (35 - 21)元 乘以時數(2小 ...

這太複雜了, 恕小弟直言, 絕大部份攪手都是有心為大家服務的, 都係想開開心心同多D唔同球友打波, 攪到咁複雜的話, 真係寧願唔攬好了, 害群之馬自然會有人係度篤爆佢, 被大家入黑名單, 無謂因為個別人士令其他攪手難做, 這絕非論壇之福

太陽之子

我個人認為，不應硬性規定，球局搞手不可有一分一毫的盈餘。

搞手有少許盈餘是合理的。大家只看到搞手有錢剩，但有否想過球局都可能會間唔中蝕錢呢？

有時球局未必次次都咁多人參加，或者忽然很多波友要請假。入不敷支的時候，搞手就要蝕錢。咁對搞手都不太公平。

只要合理的收費及比例，打得開心，同其他波友啱傾便可以，那少少錢又何必計較。

smallstar

以下是一位搞手的說話, 也許是其他搞手同樣的心聲!

我自己個人心態就好似愈攪愈灰, 除了每星期兩次晨早起身book場, 又怕唔夠人快, 反而給了自己好大壓力. 某些網友超大力, 一晚2張抬點會2個波丫, 試過一晚都要四, 五個波 :( 加上有好幾次私人球局, 我都係想大家打得開心, 有d網友報了沒有來, 我心都無公開話放飛機, 心想或者他們都係有個人理由又無時間通知, 無謂公佈等其他波友都誤會他...  加上近期論壇又話有人投訴, 另到攪手好似時時刻刻都比人問責和聲討咁.
我星期四攪了球局都只收十至十五蚊。但近期論壇投訴聲音太大，我也心力交瘁。我也無力再撐，一人之力實在有限，因此我也攪埋下一次放棄了。

wlwlwl

絕大部分搞手都係一等一大好人
只有小之又小數係為了錢
做搞手又要 時間,心機,耐性,組織能力...etc
有時還要聽D無厘頭Complain or Comment
自問就無咁既能力做搞手

係到我真心多謝所有我參加過球局既搞手

ninthuncle

為一眾不辭勞苦嘅球局攪手門致敬.  Thank you!!!

(=^x^=)

首先再一次多謝各位攪手，我的post只是想討論大家的看法。剛有一位網友寫了近８００﹣１０００字給我分享意見，其实論壇不想干擾太多，待收集各位看法后，我們再坐埋一齊開一會，再決定怎樣做。

jcclee

首先, 我也要在這裡借機會向一眾的球局搞手致敬 !
也要多謝一眾的參加者 !
缺一者....球局根本就不能成事 !
多謝你們的努力和付出 !

每人心中都會有數得計,
搞手識得計, 參加者識得計, 論壇也是識得計; 而且是一清二楚的 !

如果是說搞手們要蝕住本來搞球局, 相信論壇再沒有人會願意去搞球局了.
但如果任由收費浮動, 一年比一年的貴(加價)落去,
人數由4打1變成6-7打1(4人打1檯), 球局亦遲早沒有人願意參加.

論壇是絕對不想去管制任何一方的, 但到了某個臨界點的時候,
我們是有責任去幫大家達致妥協或三贏的方案.

管理層短期內會商議及表態落實, 唔排除將會有新的制度或建議上的安排.
目標只是想大家可以更加容易, 有效率和開心地繼續舉辦和參與球局.

Thanks.

[ 本帖最後由 jcclee 於 2012-8-16 19:02 編輯 ]

(=^x^=)

今次想攪５年生日會！
９１５大家得唔得閒，唸住攪到會在貓館攪，比d意見！
welcome一家大細及帶埋女朋友出席！！
攪到會！
費用全由論壇支付！

黑暗武士

下午應該OK!

(=^x^=)

時間無問題，最多我趕晒班馬，貓，羊（太陽）走