作者 : TKO
我中一跟教會入宣道園無意中接觸到乒乒波, 跟住便去了順利圖書館借晒所有有關乒乓球的書看. 然后去石枱打. 最初去石枱時好可憐, 因為打得唔好, 唔夠人打. 所以每次只遠遠的看, 等d人打完先走埋去打. 一有人來又要立即走. 走慢d, d 童黨便會乒分兩路欄住你, 話要留波留板才可以走, 我便是在這樣的環境渡過我乒乓球的第一年.
幸好無耐認識了一個細我兩三年的人叫亞扁的小朋友. 雖然他比我細, 但是打波比我好, 佢教我 "作西", "七旋斬" 和 "G G 西 (用背面的白板), 當然我的乒器是惠康 HK$7.30 的紅色流星 (一定是紅色的)......無多久, 唔食早餐大半個月從書局買了塊 "官才柄" 729. 每次打完仲用洗潔晶洗板, 有時封板十天八天. 務求塊膠可以粘住個波, 咁先是勁 .
中二是我乒乓球的轉淚點, 因為在石枱認識了一位姐姐, 我中二時她應該是中五. 她仲靚過福原愛. 若想知她是誰 ..... 你地可以查下最近幾年HSBC內部賽都入三甲的人. 不過我好耐無見佢了. 因為這位姐姐, 她帶了我上一間球會, 球會名我不在此說啦, 地址是灣仔天樂里九樓 (無電梯塔架). 同時她介紹我認識了黃sir ......便是咁樣我便正式有教練汁下我d動作. 但因為以前一年完全無人教, 要將錯左的動作修正原來仲難過由頭學, 我仲記得我要用隻左手按住隻右手大臂, 因為我發力不對, 只用了大臂發力, 而小臂無力. 那段時間每週六便過灣仔由2:00pm 打到 10:00 or 11:00pm. 真是十分好玩.
