今朝聽電台, 仲有飯民既當選區議員繼續死撐, 話某一兩個選區選民登記人數大增, 咁就係中央控制選舉, 仲要話有人擬似儈選, 我當你一兩個區係, 咁你都係輸果一兩個區唶, 但係而家你輸咁多, 你仲要咁講野, 你只會比人覺得你唔識痛定思痛, 話人抹黑其實你自己就係度抹黑緊d睇唔起你既選民, 下屆你想再當選, 我諗無乜可能啦, 你飯民咁有本事既, 你咪叫晒果58%登記左但係無出來選既人出來投你一票囉, 果度閒閒地百幾萬人. 有d野唔係齋up就得既, 你做d野出來比人睇下啦, 我都係果句, 我不嬲都唔鍾意民建亂, 但係你班飯民自己爭氣先得架, 你唔爭氣就賴人, 點會有進步架? 正如我唔鍾意曼魚, 但係阿記, 車仔同離乜譜都要自己爭氣先得架, 唔通人地囉聯賽冠軍就話人收買球証咩? (防兄勿見怪
)
