通常小朋友細細個唔識自己話"我好想打乒乓波!", 大部份都係家長見企地無mud世藝, 不如打下波啦, 強身健體唔洗hai都好呀, 最初既出發點都係好純真.
不過之後見個小朋友好似越打越好喎, 有時都打到支汽水番黎喎, 咁有部份家長既心魔就出黎啦 (小朋友自己其實仍然好純真, 有得贏吓就好開心...), 家長對小朋友既要求就就比以前更加複雜 : 打低隔離屋阿B仔啦
, 再打低埋隔離學校阿豬仔啦
, 求名逐利, 入讀名校, 耀武揚威, 最好就為港爭光, 咁就光宗耀祖囉 ....
深淵越踏越深
, 有d人就不能自拔, 講真香港有幾多個第一, 有d好彩既就清醒過來, 反思下自己的目的 ...
我既目的好簡單, 當然強身健體兼令企地唔洗hai成日打機黎個目的係大前題, 我最想令我小朋友學習"輸得起", 我唔係講到懶偉大, 而事實上做人只要輸得起, 就有贏的機會. 好似我既偶像Steve Jobs, 唉! 禁不住再提起企(近日相信大家都不停聽或睇到企既生平, 在此不再詳述..) 每次成功既背後都係輸到好徹底再起番身.
如果可以係打波 (其實其他運動都係)之中學到打不死, 輸左再黎過既精神, 咁我已經送左一份令企終生受用既禮物,
唔好意思, 篇幅稍長, 悶親大家 :-)
