引用:
原帖由 jcclee 於 21/12/2010 10:25 發表 
請問打比賽的基本功應該注意些甚麼 ? Thanks !
係咪要上大陸俾人執返濟就期望會有改善 ?
其實小女都係練基本工好耐，但比賽都打得唔好，所以最近返大陸練，我雖然係外行，我發覺練波方法有很大分別，想請教大家意見。
係香港練波比較注重打板數，最好一次打六十板以上，慢慢打唔緊要，姿勢要定，仲要打啲波對方能打回來。當小女係青苗和小朋友對打，睇得出大家都就住嚟慢慢打。
但我同大陸教練傾，佢話咁練法，練十年都嬴唔到人，所以除咗 warm-up外，多數時候佢都要小女打幾板後自己决定幾時要發力打，打正手抑或反手都要小女自己諗，總之就要打死教練為止。練得多，準確率都有改善，個大陸教練有時都要左撲右撲回波，反而小女個香港教練永遠都指定打正手或反手，而佢就企定定回波。
返大陸練得多咗，小女學到怎樣判斷幾時發力打才可以攞分，返嚟同香港個教練打，都會自然反應係適當時機發力打，但反而被香港教練喝止，話打波要穩，慢慢打，打多啲來回。
現在小女都覺得好混亂，其實邊種方法對比賽有用？是否要專心返大陸練？
