borkee

Bluesky想借地方一用
乒超嘅原意是希望以球會友，友誼第一，我很開心，在論壇都認識了很多對乒乓球充滿熱誠嘅朋友！
但我隊在今天的乒超發生一件不愉快事件，事情是我隊其中一個隊友比賽後很不滿意地同我投訴，說對方很不尊重比賽及他，細問之下，原來對方(小朋友)在領先後經常放高波，而小朋友在落後時反而認真作賽，隊友感覺被戲弄，因這小朋友是甲組球員，技術水平肯定很好，理應不需要在此練習放高球，所以我和隊友上前跟小朋友詢問他為何這樣做？小朋友解釋在練習放高球，但隊友不接受這解釋，再走到教練那處投訴！教練都很不好意思說會跟小朋友傾一傾！
其實！教練要教，父母也要教，我相信小朋友嘅性格，其實係父母嘅性格倒影！
好波是冇用的，好品才能終身受用，希望小朋友經過今次後，下次能夠尊重自己、尊重比賽、尊重對手！
亦希望隊友不需要為這件事而生氣
笑一笑，世界更美妙！

天樂

練放高球可以去西貢出海d高球場度練,九龍站附近都有一個
乒乓球比賽無論對手實力如何,也應尊重對手,我同意你的精句,好波是冇用的，好品才能終身受用,打波有品,性格也不會差得去邊

kowlboy

引用:

原帖由 天樂 於 2009-9-27 01:29 發表
練放高球可以去西貢出海d高球場度練,九龍站附近都有一個
乒乓球比賽無論對手實力如何,也應尊重對手,我同意你的精句,好波是冇用的，好品才能終身受用,打波有品,性格也不會差得去邊

Not only 放高球 & 落後時反而認真......

防守王

我今日打萬達盃, 都有兩個後生仔唔係好熟波. 但係我一分都無讓佢, 無擺位, 無玩佢地, 只係正常地贏. 有時好明顯見到對手技術同自己有距離, 但係我唔會放波, 玩人. 呢種行為, 唔要得.

borkee

我幾時都話！你炒我11:0，好過咁玩囉！

防守王

引用:

原帖由 kowlboy 於 2009-9-27 01:41 發表

Not only 放高球 & 落後時反而認真......

我對過有家長在場既小朋友, 家長好品到無朋友. 小朋友滴死, 碰網拍掌不單只...

我開失波, 佢地都拍掌都唔緊要, 最大鑊係, 小朋友仲要 draw.............哈哈...draw乜?

防守王

引用:

原帖由 borkee 於 2009-9-27 01:45 發表
我幾時都話！你炒我11:0，好過咁玩囉！

有時好難講嫁. 我今日又對過一個小朋友. 我自己感覺係: 佢以為自己係球星! 全程黑口黑面. 當然我我二零贏左. 我唔會扮謙虛話好彩, 我係贏就係贏. 不過小朋友握手時好求其, 招呼亦無. 真係唔知而家小朋友既球品......唔講呢個,

只講一個正常小朋友, 禮貌二字去左邊???

borkee

引用:

原帖由 防守王 於 2009-9-27 01:51 發表


有時好難講嫁. 我今日又對過一個小朋友. 我自己感覺係: 佢以為自己係球星! 全程黑口黑面. 當然我我二零贏左. 我唔會扮謙虛話好彩, 我係贏就係贏. 不過小朋友握手時好求其, 招呼亦無. 真係唔知而家小朋友既球品.. ...

我就遇過一個小朋友，佢就唔同喇！幾年前丁組嘅比賽，我輸給他後，他很有禮貌地叫我同佢在之後的比賽打氣，我當然冇問題喇！他父母也是很有禮貌的，現在，這小朋友也是甲組球員了！真是相差太遠了！！

小過童

需然今晚初遇波叔 .............比佢

但我想比佢湯多次

[ 本帖最後由 小過童 於 2009-9-27 02:11 編輯 ]

likwaiw

其實放高波都唔算無咩球品啦.....
如果佢出台就拉, 近台勁剔, 高DD都bet死你, 板板沖爆你, 重鬼咁準,
一分鐘唔使就11:0 收你工, 之後叫你下場幫佢打氣, 你會點??
佢咁樣合哂你要求, 認真同有禮貌, 咁又點???
唔通你又好受咩???
輸就係輸, 贏就係贏.
唔理佢係擺位又好, 高球又好, net波都好,
輸左只可以怪自己技術唔好,
輸左之後討論別人球品, 是不是也有點沒品???

P.S. 因為我太水皮, 所以比N多個人11:0 ko過, 有D對我重hea打同超快KO,手都唔同你握,咁又點?? 唯有記住佢地, 想辨法打倒是最大快人心的!!!

Bluesky

引用:

原帖由 borkee 於 2009-9-27 01:16 發表
Bluesky想借地方一用
乒超嘅原意是希望以球會友，友誼第一，我很開心，在論壇都認識了很多對乒乓球充滿熱誠嘅朋友！
但我隊在今天的乒超發生一件不愉快事件，事情是我隊其中一個隊友比賽後很不 ...

You are welcome ! 等我打印出來, 比個仔睇下, 可作借鏡!

kei

好多年前, 我到過一個球会打波, 那兒是打三局兩勝的, 那次跟我打的是一個中年人, 什麼名我不知道, 樣子也不太記得

在我大局落後1:0的時候, 那位中年人突然向前跟我握手, 且告訴我他很累, 不想打

我呆了一呆, 之後他坐下不到一分鍾, 就跟另一個人打

事後, 我相信他可能覺得我球技很弱, 使他感到沈悶, 所以才這樣做 (雖則我從來不承認自己十分弱)

同時, 我當時的想法亦非和武俠小說的片段一樣, 要十八年後再跟他一戰

因為直至現在, 我依然覺得乒乓球是我的興趣

別人的做法是不会輕易把我擊倒的

此外, 乒乓球世界是很大的, 你一定要把某人打敗, 豈等同於為一棵樹放棄一個樹林?

bond

引用:

原帖由 likwaiw 於 2009-9-27 02:34 發表
其實放高波都唔算無咩球品啦.....如果佢出台就拉, 近台勁剔, 高DD都bet死你, 板板沖爆你, 重鬼咁準,
一分鐘唔使就11:0 收你工, 之後叫你下場幫佢打氣, 你會點??
佢咁樣合哂你要求, 認真同有禮貌, 咁又點???
唔通 ...

我同意! 完全符合比賽規則

logtincom

其實我都想講放高波唔算無球品,
但如果佢個樣仲串串"貢"咁樣就真係有問題...

另外,如果玩人既就一定無品

god

十分讚同,打波好或唔好,都要有球品,(有D大人都係無波品,我琴日剛剛就遇到一個,佢簡直係極品)佢自已打波"嘈"就得,人家打球好波哎"Draw",佢就走去球証投訴人地嘈住佢,佢自已擦邊,瀨網得分,並無向人家說Sorry,(雖然唔一定要講,但佢絕對唔會講,我相信絕大部份波友,都會講一聲唔好意思或舉手表示歉意,而且仲要辦"無瓜","冷自傲")而且仲有球波,人家擦佢邊,球証都睇到係擦邊,佢竟然就去,"空"個女球証,話呢一球唔係擦台面邊,仲大大聲聲向女球証講,個女球証比佢"空"完,即刻改判,呢D仲成世界既,無天理,佢仲好似係乒乓球教練添,真係誤人子弟呀?...

野田妹

引用:

原帖由 god 於 2009-9-27 11:06 發表
十分讚同,打波好或唔好,都要有球品,(有D大人都係無波品,我琴日剛剛就遇到一個,佢簡直係極品)佢自已打波"嘈"就得,人家打球好波哎"Draw",佢就走去球証投訴人地嘈住佢,佢自已擦邊,瀨網得分,並無向人家說Sorry,(雖然唔一 ...

咁佢真係好唔要得喎....

野田妹

我禽日啱啱相反,
最後一場波遇到一個有波品並好識得關心人嘅小朋友!
我為咗一球net波我成隻手飛埋張檯到諗住救個波,
點知成隻手撞落張檯到,
隻手即時紅哂仲手震添,
結果要休息一陣先得....
就係休息途中,
個小朋友好關心又好緊張咁問我有無事,
我係咁同佢講無事,
我心裡面亦覺得好感動,
因為依家嘅小朋友有禮貌已經好難得,
但一個有禮貌又識得關心人嘅小朋友更加難得,
同之後一定前途無可限量呀!!

至高境界

引用:

原帖由 likwaiw 於 2009-9-27 02:34 發表
其實放高波都唔算無咩球品啦.....
如果佢出台就拉, 近台勁剔, 高DD都bet死你, 板板沖爆你, 重鬼咁準,
一分鐘唔使就11:0 收你工, 之後叫你下場幫佢打氣, 你會點??
佢咁樣合哂你要求, 認真同有禮貌, 咁又點???
唔通 ...

其實打咗咁多年波, 邊球需要放, 邊球需要冲, 我地心中有數...無錯鸁就係鸁, 輸就係輸, 但係球技好係唔會得到別人嘅尊重, 球品好就唔同啦. 君不見每一範疇嘅一代宗司除技術高超外, 其品格亦都係典範. 其實大奸角都係超級高手黎咯, 相差的就係一念天堂, 一念地獄.

小過童

引用:

原帖由 野田妹 於 2009-9-27 11:56 發表
我禽日啱啱相反,
最後一場波遇到一個有波品並好識得關心人嘅小朋友!
我為咗一球net波我成隻手飛埋張檯到諗住救個波,
點知成隻手撞落張檯到,
隻手即時紅哂仲手震添,結果要休息一陣先得 ...

手震都ko我 利害

野田妹

引用:

原帖由 小過童 於 2009-9-27 12:00 發表


手震都ko我 利害

唔關事呀,
我係之後打乒超先整親架!