週末, 若沒有特別事情, 我都會抽時間去睇兒子打波 (雖然他不太喜歡我去看)。帶本書去, 一時睇下書, 一時睇他打波, 一樂也!
兒子與水平差不多的波友打, 最好睇。 相持球多, 個波飛來飛去,有贏有輸!
他同技術比他好的打, 也好看: 看他盡力應戰而敗下來!
上次區分齡賽, 3:0 淘汰兒子的青苗球員, 最近, 兒子有機會和他打分 ,
3:0 贏返。哈...哈.哈, 每人贏一次!
睇到兒子這幾個月來的轉變, 真有D 開心:
* 看他由打球發脾氣, 有時 hea 打, 到自己承認過錯, 嘗試控制改正 (現在仍在努力)
* 開發球, 由獨孤一味的長台下旋, 到現在幾款發球; 推波過渡去直板橫打,
由球球打失, 到現在打到幾球 (哈...哈.哈)
* 在波友中, 由最初的次次打輸, 到現在的有贏有輸!
上星期, 睇兒子同一個大人打分, 我坐在他背後的觀眾席看,
見一大一細的身影, 攻球接波, 撲來撲去, 真好看!
對方開左幾球極短極旋的波, 兒子伸長曬隻手搓落去, 但幾次都落網,
當時我心想: 仔呀! 你快 D 大個就好 la, 這些球就容易接 la.
