引用:
原帖由 james007 於 2009-4-1 01:12 發表 
You're very welcome....It's not easy to be parents. My daughter is 4 years old only and she already wants to win in everything. I guess I will also have a hard time teaching her.
James哥, 你囡囡鬥心咁強, 將來成就必定很大. 但要多D輔助佢的心理質素, 而家高EQ是成功既基本因素.
myron仔就係差咁D鬥心, 所以現在成績亦冇大期望, 正加強佢係呢方面既不足.
bluesky兄, 抱歉月賽當日冇機會同你傾下兒女經, 可能傾起上黎有排講.
, 個日冇留意貴公子情況, 但其實每一個小朋友在參加任何賽事時, 內心都有一定期望, 只睇父母察唔察覺到, 察覺既, 咪事前輔導下, 同佢分柝下今次比賽既目的同佢既期望, 儘量減輕佢既不必要的心理壓力; 假如事前唔察覺, 咪會出現貴公子既情形囉, myron仔都有過呢種情形la, 但佢泠靜後, 其實係雙方泠靜後, 係個嗰moment, 相信父母比個小朋友更激氣更難受, 唔係話因為輸波, 而係唔明個仔點解有咁羞家既表現??
待自已泠靜想一想, 青春期既小朋友大多都係容易將內心感受直接立刻表達出來, 做父母既真係要體量下佢. 佢地咁全心全意投入一種運動, 每次練波都拼盡每一分精力, 我地自已可以做到嗎?
所以貴公子既心路歴程, 其實同所有小朋友都差不多, 放心俾佢參加多的比賽, 只有通常認真既比賽, 小孩子才會成長得更快, 輸----贏只係一個字, 又何足道哉!!
p.s. myron個日輸左俾郭生, 自已都發左輪脾氣, 事後咪又係冇事, 而家仲捉住郭生日打夜打, 話要贏番佢喎.
Maomao, 現實世界中, 好多好多偉大父母架, 佢地付出係的小朋友身上真係冇得計數, 亦不足為外人道. myron仔只係學左18個月, 所以我都係陪左佢18個月咋. 有些小朋友真係打左6年, 父母就跟足6年. Salute
最後要向呢班偉大家長致敬!
