garytang2018

乒乓理論應該自己建立吧？

garytang2018

新興四面攻

[ 本帖最後由 garytang2018 於 2021-8-16 09:28 編輯 ]

garytang2018

運動人生精彩繽紛

[ 本帖最後由 garytang2018 於 2021-8-16 09:26 編輯 ]

garytang2018

可能要苦練橫打

[ 本帖最後由 garytang2018 於 2021-8-16 09:27 編輯 ]

garytang2018

直板反手有推擠切彈吸扣，學齊未先？橫打會簡單化反手技術，大流就係簡單化。正手有快點快帶拉沖前衝扣加轉高吊。就算學齊唔食發球大有人在，就算第一局食，跟住都開始唔食。唔好睇許昕住，睇咗郗恩庭郭躍華當日做咗咩先啦。

loop自己既諗法其實係想人吔講返自己既意見。

譬如話直板靈活，其實直板有大鉗握法，限制腕活動就唔知有幾靈活。

[ 本帖最後由 garytang2018 於 2021-8-16 14:19 編輯 ]

garytang2018

係因為032有啲拍肩太寬，但咁樣大路球會好啲，但重點唔係離度。有句博主講既我好認同：武功其實無分高低。
你可能鐘意慢食，唔點主動起板，咁你要有拉一板轉既弧圈能力。而且對於各類古怪手法球質都要了解，唔係又要慢食又要分唔到對方球質，仲點樣打？
唔係就練捷徑攻略，唔理對方係咩人，恃後生砌塊碳板加內能反胶。發球拉打只打兩邊白線。有啲年紀好難球球回好。

[ 本帖最後由 garytang2018 於 2021-8-16 14:36 編輯 ]

garytang2018

上古謝賽克左手正胶單面一上離一輪猛攻，但比分未見拉好開；現代馬龍奧洽一輪來回，仍然難分勝負。起手先其實唔代表真係攻咗先。主要係起手時，終止對方攻勢，自己掌握控線權，攻敵之不得不救。再伺機大板~

[ 本帖最後由 garytang2018 於 2021-8-16 14:43 編輯 ]

garytang2018

38mm變40+abs並唔成為同樣技術不能使用既原因。如果38mm變40+abs係一切，咁應該直接取消直板。譬如好多師兄話正胶發唔轉，結果仍然發到轉；純木板唔得，一定要碳，結果純木使用仍然有一定速度。當然唔跟大流係條窄路，咁闊路當然丟咗直板，龍5橫板上狂飊(海上明月灌3次)就夠闊。

[ 本帖最後由 garytang2018 於 2021-8-16 16:27 編輯 ]

garytang2018

正胶先要有個模仿對象，然後慢慢將適合的為己用；又新舊器材使用方法唔一樣。如果係碳板加內能正胶，王增羿係唯一直板模板。

garytang2018

純木推擋睇陳龍燦打劉國梁會清楚啲，就算睇sword快攻龍視頻都係唔清楚，做得太快。但快點快帶sword快攻龍視頻睇得到。莊則棟雙魚視頻可學反手彈。

雙魚視頻有莊則棟小跳步，重心腳起跳落地轉腰轉足踝轉重心可學，但實戰作用唔大（三急法得佢做到），但會明白點樣唔展臂都可以打出速度，學發力。

當然又會有人話落後，但原型就係咁。

可以直接學王增羿，學碳板上水星pro或者vo103，正手正胶對拉，後面反胶橫打，咁就上時代。

[ 本帖最後由 garytang2018 於 2021-8-16 17:39 編輯 ]

garytang2018

而且講過純木6夾或者6木2碳會易上手，5夾7夾唔好吸，做手腳無6夾好。就算032構造我覺得都係無6夾打顆粒好。但6夾都係快消失既產物……至於椴木定柳安定阿由斯，我覺得木材都係無夾數重要。而且柳安力材使用其實係有少少issue，係屬於純撞純磨不能，會花好多時間適應，無果種初學就上手既爽。當然習慣咗就ok。
又內能顆粒我覺spinlord內能控制速度同特色比較平衡，傳奇802未開賣唔知點，其他內能係轉同快但虛彈，我自己就唔係好慣。新既victas d同s系列唔知道。

要講係咁多，跟大流定逆水行舟自己諗囉。

[ 本帖最後由 garytang2018 於 2021-8-16 17:54 編輯 ]

garytang2018

你應該係唔知點應付鐵搓，除咗陪佢搓就唔知點；打起上旋就覺捱打，因為6夾用10分力都只會出8分。咁想問你係用邊款6夾板？幾厚？正胶係邊款？

garytang2018

太薄，6mm純木底板唔夠力。1.8mm打硬皮軟海綿或者軟皮硬海綿已經係極限。1.5mm莊則棟厚度but佢識功夫天生神力，所以唔能夠照抄。我自己都用2.2mm，當然係單面，兩面就1.8到2.0mm。
而洗用佢無他，貪佢軟海綿食波啲，硬皮比較唔食轉，自己可以有造多少轉。唔同651差少少就唔得。但同樣佢抗旋度及唔上651／652，甚至怪博士tornado ultra，但攞到個平衡。

咁你而家係起唔到板定連發球都唔轉？

[ 本帖最後由 garytang2018 於 2021-8-16 18:11 編輯 ]

garytang2018

發球有竅門，係一點上加轉。首先你海綿太薄變咗打木板，雖然攞塊木板打下會適應，但因為唔夠食波好易打出去或者打滑，要換塊2.0mm既。發球果陣，粒粒之間有空隙，你用反胶方法拖過去咁當然無晒轉，所以係一點上加轉。然後反胶如果係內能，要當擦胶，擦得越快越轉。我當初用三維ultra spin，50蚊張，大陸評話垃圾。但我最轉既沖下旋就係用佢開，無他，蛋糕海綿當佢擦胶就得，擦得越快就有磨擦力。

garytang2018

然後就過咗第一關發球俾人車死，咁你要攻，無論你厚薄海綿，推擋要有個tick。推出去然後輕tick一下，所以叫你睇陳龍燦打劉國樑，咁對方係會向前既實球，或唔向前既虛球，都推得到。再唔明就望下luk sir。長胶回球一樣得。

garytang2018

然後搓，搓俾佢起唔係唔得，頂唔住就唔得。如果對方好猛，咁前題係要限制佢發力，即顆粒柔既一面。鬥磨擦鬥力量就算38mm果陣都無上風過。你可以推俾佢，但要減力，最好佢先上手然後你加力；如果頂唔住就減力吸，甚至吸果陣向下輕輕閘，或者推果陣同時側切。明刀明槍，當年都唔得，而家abs40+直頭係自身弱點無限放大。

garytang2018

初學要搞好發球，拉對方入自己陣地，唔係初學顆粒唔知特性會死得好慘。然後學晒推擋（加tick）、反手彈、反手擠／切，離啲李惠芬網上有片。唔好急住推出去，要先學key住個波，越係椴木越要key波，你會發現除咗無速度，想個波去邊都得。

garytang2018

無論你用幾厚，背貼反胶就得。如果背貼內能，會虛彈但出球會快；背貼國產高密唔虛但會有啲硬彈。如果7夾就內能啦，6夾真係會好虛……6夾背貼6512搞惦，只要唔係651，一定惦。
又任何一邊貼粒既板，另一面反都會有粒特性，海綿互相影響。如果有人話你塊反胶似粒，唔需要懷疑。

[ 本帖最後由 garytang2018 於 2021-8-16 18:48 編輯 ]

garytang2018

咁你擋弧圈係咪成日食出去？

garytang2018

雖然有狂飊2頂住所以仲夠力，但唔可以用正胶拉（撞磨）會唔夠力過，要提拉。不過仲可以用正胶高吊。
其實唔止可以擋，仲可以攻，對方拉越轉越要當無轉咁推佢（好考反應所以我都無練落去-攻弧圈）。
但最重要仍然係練晒sword快攻龍視頻教既手法。

[ 本帖最後由 garytang2018 於 2021-8-16 20:26 編輯 ]