以前細波，球速快啲，可以容納到直拍單面攻、粒仔等等既打法，因為仲打得穿人。而家球速慢，橫版弧圈兩面拉呢個攻守兼備，唔會暴露空位既打法基本最穩陣，其他打法無乜立足之地。照理球速慢削球應生存到，但始終弧圈技術已經太成熟，o係男子賽事基本都係被拉死。
再黎就係橫板本身既技術演變。以張繼科為藍本既反手擰拉同檯內相持技術已完全成熟，搞到而家人人都基本好似張繼科咁打--一野擰去你反手跟住就用滴水不漏既檯內弧圈、快撕同擋將你釘住係反手角，再搵機會突擊你。呢個打法好係好，又避到人正手，又解決到橫板檯內技術不足問題，但真係好.X.悶。次次睇比賽都係擰起跟住對反手重覆一千次。最弊呢個打法成功，所以高排名個個都係咁打，成日睇到。張本係咁打、林高遠係咁打、梁靖崑係咁打、王楚欽係咁打，就算技術全面啲既樊振東都大部分時間係咁打。
ZZZ...
