金像女配陳麗雲精采之作
《不是白痴》6月見香港觀眾
喺香港好多時都會有好多新導演出身，雖然個個都好有實力，但就唔係個個都可以拍完電影，就可以放上大銀幕播，喺早年，就有一個導演叫蔡敬文，佢就拍咗一套短片叫《不是白痴》，當時呢一套短片參加咗《2012 鮮浪潮國際短片展》，喺舊年仲參加埋「2013南方影展」，而嚟緊呢套短片就有機會喺大銀幕上映。
《不是白痴》係由香港電影金像獎最佳女配角嘅陳麗雲主演，麗雲姐演一個患上末期癌症嘅媽媽，同一個智力障礙嘅兒子阿力(何駿怡)相依為命，喺2011 年，當政府宣布六千元派錢計劃後，阿力四出奔走，為嘅就係希望拿錢畀媽媽睇病。派錢計劃細節仲未公佈，阿力已經急不及待四處打聽。見到阿力為自己四處張羅而努力，力媽深受啟發同感動，她決定以自己剩低嘅六個月命，努力為阿力爭取院舍宿位，同做好一切準備令阿力日後可以有能力獨立咁生活，以證明阿力「不是白痴 」。
而喺今年嘅6月20號至25號，《不是白痴》就會喺紅磡寶石戲院限量放映，到時大家都可以睇到呢到《不是白痴》，可以欣賞到陳麗雲嗰種演出，但其實睇《不是白痴》嘅hkttf專頁，就可以見到佢哋經歷過好多嘅困難，先可以有機會喺戲院放映。
預告喺度：
http://bit.ly/1r0ljkU
