好難比較，亦無須比較。
成本可以包含好多野，亦關乎好多因素。例如：
參加人數
所需檯數
所需時數
所提供之乒乓球
搞手所花時間人力等
其他。。。。
搞個球局，又要出帖覆帖，又要睇住有幾多人打，要計數每人可打到幾多，是否打得夠皮，仲要安排人晨早訂場，訂得少又怕唔夠比人話揾笨，訂得多又怕浪費兼蝕錢，訂唔到仲大劑要取消，唔係想像中咁容易。用咁多心機精神，搞完仲可能比人話，真係幾灰！老實說，就算賺，賺得幾多，搞手將時間精力花係工作上可能揾得更多。
人數時數檯數不同，平均成本也有別，提供一星波同G40+你打成本亦可差好遠，尤其依家D波打兩板就爆。搞手搭車去買波也有成本。
另外，雖然不算是成本，人腳不同也可影響定價。多幾個甲組同你打，你都願意比多D。
性質也有影響，純球局搞手可能訂檯帶波便可，更有心的可能會諗埋點安排大家打多D，平均D，又或者要做張表記錄，作日後檢討等等。有些球局更有多球訓練，搞手又要帶多些工具，亦要派波，自己可能冇得打。如果是球賽便更甚。。。。
結論：無須比較，亦無須理會搞手賺定蝕，蝕得多佢自然會加價。最緊要係自己覺得個球局是否適合自己(如時間、地點、人腳、場數等)，同埋收費感覺是否合理，啱就打，唔啱就唔好打。
[ 本帖最後由 joeman 於 2016-11-16 12:14 編輯 ]
