香港乒乓網 - Powered by Discuz! Board

標題: 真的唔明白？ [打印本頁]

作者: Hellokitty 時間: 2017-3-3 10:01 標題: 真的唔明白？

綠色通道聽來好吸引,但如果你不是跟核心教練的學生,可以走進這通道？

最近港青們去法國瑞典成績點解差？聽聞冰总根本不是派最強的團隊,也不是透過選拔甄選

青奧選拔只有六男六女可以選,點解用12月2的積分,吾用9月22,吾用3月1？點解唔預先講定,內定了才講規則搬龍門

削球可以加兩倍分,但扣不是扣雙倍？勝削球的球員點解不是加雙倍分？如果甲團本來已經四倍, 再加雙倍分便八倍

港青好青奧好都有一些技術水平不足的削球員入選名單,但相反有一些好波小朋友便因為一步之差連選都無機會選

作者: 見義勇為 時間: 2017-3-3 10:56

其實冰糉每年去幾多站應該一早有預定
假設去10站，應該有4站由排名最高的人去，唔駛選，另外6站就選，當然大型錦標賽係一定要選

作者: 見義勇為 時間: 2017-3-3 11:28

另外青奧方面，因為要就返d全職球員，排名唔夠高，所以就6~8個選，
上屆杜凱琴已在世界排名頭100，唔駛選，林兆恒，孔嘉德 2個爭

作者: 見義勇為 時間: 2017-3-3 11:31

綠色通道應該係好事來的，對於一些想打全職，但而家還差少少時，例如在精英隊都尾聲時，肯打既，乒總俾機會係好的，黃鎮廷也是18先自己舉手打全職，入青少年隊也是很遲的一個，大器晚成，同佢同期的有李忠謙，張溢豐，陳霆軒，羅浚龍，張君朗等等，黃也是排不到頭4名

作者: lovett 時間: 2017-3-3 11:47

其实依家比起以前乒總已放多左好多資源以前育才，即依家既港青邊有得好似依家甘有得公開選你想入都吾知點入他覺得你掂會比信你入左仲吾係免费依家又免费練免费膠

作者: lovett 時間: 2017-3-3 11:51

果陣1年都吾知有無4站打歐洲吾洗諗仲要每組最多派3個打你排名無返前幾都吾洗諗住有得選边有依家出甘多人 1年去甘多站

作者: ronald1834633 時間: 2017-3-3 11:51

反而對青奧有疑問！如果不能在資格賽取得参赛資格，還有機會参加嗎？

作者: grizzlyhk 時間: 2017-3-3 11:56

引用:

原帖由 ronald1834633 於 2017-3-3 11:51 發表
反而對青奧有疑問！如果不能在資格賽取得参赛資格，還有機會参加嗎？

世界排名
但香港的都唔高

作者: (=^x^=) 時間: 2017-3-3 12:07

香港沒有一個完美的方案，任何決定都有優點及缺點。不要只投訴，如有完美建議方案歡迎提出，我相信總會也必聽意見。
相對來說近年香港青少年隊已經很幸福，舊年去完歐州，去泰國，台灣或者是日本東京交流賽，以前出外下下要自費。

作者: 見義勇為 時間: 2017-3-3 12:14

以前ittf的確沒有咁多站比賽，以前體院青少年隊都係一星期練3節，而且球員也未必有私人教練，就算有私人教練，都唔會1星期練6~6個鐘私鐘，深圳有教練也是1997之後的事，以前一年既國際賽都係亞洲青少年咁大把，分站賽應該係200X年先開始有，世界青少年錦標賽也是一樣，以前可以打既比賽有，台灣第一銀行盃，太原國際邀請賽，越南金球拍，基本上係咁多

作者: 見義勇為 時間: 2017-3-3 12:19

以前邊有咁多靚膠打，有錢既就打蝴蝶王，sriver，ekrips用tsp黃罐/白罐，nittaku爆炸膠水，窮既打stiga OC或萬達winning，友誼729，狂飆，長膠，配地球牌單車膠水，體院從來不會提供任何器材俾大家，只係派幾件乒總sunflex波衫咁大把，乒乓球鞋平時著雙錢牌吧，比賽先著美津農

作者: lovett 時間: 2017-3-3 12:32

引用:

原帖由 見義勇為 於 2017-3-3 12:19 發表
以前邊有咁多靚膠打，有錢既就打蝴蝶王，sriver，ekrips用tsp黃罐/白罐，nittaku爆炸膠水，窮既打stiga OC或萬達winning，友誼729，狂飆，長膠，配地球牌單車膠水，體院從來不會提供任何器材俾大家，只係派幾件乒總s ...

對但依家d人都仲可以甘多怨言身在福中不知福以前連續打兩站比赛只派兩件衫

作者: 見義勇為 時間: 2017-3-3 12:59

同意，而家已經比十幾年前開明左好多，我相信係由2002年東亞兒童盃開始有公開選拔，2002之前都係篤手指，實屬黑暗

作者: alberluk 時間: 2017-3-3 13:23

不要同幾十年比，正常文明社會都應該根據比賽成績派代表。社會發展都改善很多

作者: 見義勇為 時間: 2017-3-3 13:24

十隻手指有長短，當然會有護短的時候

作者: ronald1834633 時間: 2017-3-3 15:18

社會是不停地改變，舊日種種的都已過去了，應該是不停地改善。作為一間有限公司，公司內政外界理應不便干予，但係冰總每年接受政府撥款丶賽馬會資助丶各大工商機構贊助，個人覺得應該增加透明度，例如選拔也是時常搬龍門，不論港青丶小兒精英等等。東亞兒童盃其實都有很多不公平地方，只是用大石砸死蟹掩蓋罷了。再講今時今日咁嘅服務態度係吾得㗎！只會讓這個負面形象留傳下去。

作者: HKSpurs 時間: 2017-3-3 16:06

以前完全唔公開反而冇人投訴，因以前家長都唔care個仔女有冇呢d比賽機會，而且問心當年都大都是靠乒總訓練，沒有太多自己再找私鐘

[ 本帖最後由 HKSpurs 於 2017-3-3 16:18 編輯 ]

作者: HONG0211 時間: 2017-3-3 17:08

怕就怕綠色點左金色

作者: HKSpurs 時間: 2017-3-3 17:20

引用:

原帖由 HONG0211 於 2017-3-3 17:08 發表
怕就怕綠色點左金色

資本主義社會，經濟好任何野最後都會變金色，到時咩再整個新的綠色囉

作者: 葉師傅 時間: 2017-3-3 18:05

全職優先有何不妥 ? 你夠強就冇人可否定你,你唔夠強唯有跟其他人合作,世界本來就係咁 . 一切隨緣,無謂強求 .

作者: 葉師傅 時間: 2017-3-3 18:53

引用:

原帖由 HONG0211 於 2017-3-3 17:08 發表
怕就怕綠色點左金色

哈哈 ! 好正常姐 ! 國內球員升級時,要交升級費tim ! 國家隊依然係世界冠軍,真係吹佢唔漲 .

[ 本帖最後由葉師傅於 2017-3-3 18:56 編輯 ]

作者: HKSpurs 時間: 2017-3-3 19:08

引用:

原帖由 葉師傅 於 2017-3-3 18:53 發表

哈哈 ! 好正常姐 ! 國內球員升級時,要交升級費tim ! 國家隊依然係世界冠軍,真係吹佢唔漲 .

係喎，極端資本主義最就係咁，不用再攪新綠色了

作者: HKSpurs 時間: 2017-3-3 19:09

現在國乒的確全都是有家底先打到上去

作者: 金科玉律 時間: 2017-3-3 20:43

（綠色通道聽來好吸引,但如果你不是跟核心教練的學生,可以走進這通道？）
現在綠色通道都不需要教練，自己就可以毛遂自薦，但一定要經過乒總相關教練考核達到一定水準才行。

一旦走了綠色通道即就要全職訓練，原教練未必個個都願意為你推薦，你懂的

作者: HKSpurs 時間: 2017-3-3 21:26

小學贏在起跑線上黎的港青大多冇諗住打職業，的確要另開綠色通道找真正的港隊接班人

作者: 金擇魚 時間: 2017-3-3 21:41

引用:

原帖由 HKSpurs 於 2017-3-3 19:09 發表
現在國乒的確全都是有家底先打到上去

張繼科唔係喎

作者: HKSpurs 時間: 2017-3-3 22:34

唔夠家底都要有關係

作者: 葉師傅 時間: 2017-3-3 22:49

要裁培一批人才起碼要三五七年,到時先知今日決定是否正確 .

作者: 葉師傅 時間: 2017-3-4 21:54

謀事在人,成事在天 .

作者: 青見人 時間: 2017-3-4 22:23

引用:

原帖由 金擇魚 於 2017-3-3 21:41 發表
張繼科唔係喎

所以當張打到上去及贏到時佢的行為十分誇張。

作者: 金擇魚 時間: 2017-3-7 12:11

潛質既野
有潛規則

作者: 速鳥 時間: 2017-3-7 13:21

天時、地利、人和，就是綠色通道的三把鎖匙

作者: 范少伯 時間: 2017-3-7 13:26

引用:

原帖由 fastloopattack 於 2017/3/7 11:58 發表

選拔入隊確實很複雜，莫講話入選國家隊或港隊，就算入選中學校隊也同樣是這樣，分享小弟當年落選的經歷：

小弟入讀中一的時候，看見校隊練波對抽十幾板來回，感覺很好玩，於是開始對乒乓球運動産生興趣， ...

有點像 Lord of the Rings 入面既 Gollum 被命運折磨。值得同情。。。恩怨一筆勾銷吧。

作者: lmichael 時間: 2017-3-7 13:56

大家爭論出外比賽選拔方法, 其實核心問題係, 派少年隊出外比賽既原因是什麼?

1. 要爭取好成績, 大家期望.
咁就睇排名. 唔駛想啦, 邊個打得得好, 年紀, 潛質全部唔駛考慮.
2. 獎勵, 本地比賽成績好, 排名高, 咁呢個出外比賽係獎勵.
咁呢個真係應該一早講清楚, 一年到邊個時候結算, 邊個績分, 咩年紀排名.....
3. 培養港隊接班人.
如果係呢個, 咁邊個決定班年青球員有無潛質呢? 點知個球員係贏在早學波, 有私鐘, 定真係有天份呢? 係家長定係教練做決定? 個個都話係教練, 但.......決定完, 又唔係有家長爭議?

好多人話唔公平, 咁究竟係以1,2,定3為標準先公平? 想三樣兼顧? 咁即係....其實想三樣都唔兼顧?

作者: lmichael 時間: 2017-3-7 13:59

引用:

原帖由 fastloopattack 於 2017-3-7 11:58 發表

選拔入隊確實很複雜，莫講話入選國家隊或港隊，就算入選中學校隊也同樣是這樣，分享小弟當年落選的經歷：

小弟入讀中一的時候，看見校隊練波對抽十幾板來回，感覺很好玩，於是開始對乒乓球運動産生興趣， ...

我由中學做隊長, 到後來帶過不同球隊, 得出一個結論, 通常中學態度唔好既球員......, 通常都真係有天份D........

作者: HKSpurs 時間: 2017-3-7 15:40

lmichael好似以前都帶過城大校隊

作者: HKSpurs 時間: 2017-3-7 15:47

引用:

原帖由 fastloopattack 於 2017-3-7 15:02 發表

呢樣嘢永遠冇公認嘅準則咖啦，總之情況和法律一樣，雖然在法律面前人人平等，但是在有錢人面前就更加平等，大家心裏明白的！

袛可說唔係有錢人或有關係的子女要係某方面做得出色很多先有出頭機會，但從前封建社會時連一點機會都冇

作者: lmichael 時間: 2017-3-7 17:17

引用:

原帖由 HKSpurs 於 2017-3-7 15:40 發表
lmichael好似以前都帶過城大校隊

乒乓論壇起底組......

我係93年拿教練牌架,呢度應該無人早過我.

你係唔係未出世呢?

呢個城大校隊,如果係近十年既,可能唔係我帶. 個時水準無咁高, 現在返去....我驚D學生收我教練費

[ 本帖最後由 lmichael 於 2017-3-7 17:23 編輯 ]

作者: lmichael 時間: 2017-3-7 17:22

引用:

原帖由 fastloopattack 於 2017-3-7 15:10 發表

謝謝你的信任！

其實，小弟寫這些陳年往事的時候，都擔心會否令人覺得小弟是作故仔欺騙大家，從你的回覆，知道你信任我沒有作嘢呃大家。

至於態度嘅嘢，小朋友比較好性，贏咗波，認 ...

其實當年上教練堂, 余錦佳都講, 大陸隊選材,都係搵D靈活, 諗野快, 有鬥心, 唔認輸既人, 呢D......好多時都係問題兒童

作者: lmichael 時間: 2017-3-7 17:24

引用:

原帖由 夜魔俠 於 2017-3-7 17:22 發表

而家仲有教嗎

現在有時間.....都自己打啦, 仲帶? 而近呢幾年,大學水準好高,我返去.....D校隊會收我教練費

作者: lmichael 時間: 2017-3-7 18:42

引用:

原帖由 fastloopattack 於 2017-3-7 18:10 發表

我咪早過你在城大校隊囉，當年只體育部的戴太，及教練Nagi Sir（註：佢唔係專業乒乓球教練）帶隊比賽，技術指導係由小弟口多出下意見。

咦.....應該係隊友:P

歡迎光臨香港乒乓網 (http://hkttf.com/)