香港乒乓網 - Powered by Discuz! Board

標題: [其它討論] 一個爸爸對發球機的問題 [打印本頁]

作者: tszman 時間: 2017-1-3 15:33 標題: 一個爸爸對發球機的問題

小兒快8歲，出去學波快4年了。佢一向係一個文靜唔好動既小朋友，難得佢搵到一樣佢喜愛而又肯投入既運動，我好開心。

上年年尾佢參加恆生新一代，第一場就輸波，佢先知天外有天。佢o係場館外同返屋企後都喊，呢一個舉動話左俾我知佢係覺得自己有付出努力，同埋熱愛呢種運動。

家下佢o係出面一星期上一個鐘私人班，另外一個半鐘大班（同班同學係年紀大過佢同技術好過佢既）

因為最近佢適應到正常高度既波檯，我終於可以同佢o係屋企樓下會所打多啲波了。（當然會keep 住出面學，只係想佢多啲機會練波）
我打算買一堆1星訓練用既波、執波既網拍、同埋一個夾檯邊既波兜。

最最最可惜既係我本身都愛運動但對任何揸拍既都麻麻。我自己想feed 波俾佢去每次特定位置既都未必做到。

我見淘寶既家用發球機唔貴（約8xx 人仔）而香港買到ipong 既一千蚊鬆啲。唔算貴，唔知大家點睇？有冇實際大作用？

ipong我見佢可以上下旋，淘寶既仲可以加埋左右側旋。其實多埋側旋，長遠黎講係咪好啲？

或者大家有冇推介？

謝

作者: (=^x^=) 時間: 2017-1-3 15:37

温馨提示：
其实在參加新一代比賽前，應該打下我們新一代熱身賽
很多小朋友不出去打，便不知道自己水平去到那裏，其实學了四年應該不錯，假如用心及教娻OK。

作者: 防弧哥 時間: 2017-1-3 15:37

發球機係有用嘅，但係如果小朋友的動作不太正確，就會打壞手勢

作者: (=^x^=) 時間: 2017-1-3 15:38

http://hkttf.com/viewthread.php? ... 6amp%3Btypeid%3D296

點解小朋友要出來打比賽

現今小朋友很幸福，幾乎個個有教練，有工人，去親比賽仲有跟得亞媽，司机亞爸。相反我細個時沒教練，只是自已去圖書館借書看，自己學開西。今時今日香港有很多球館，亦有很多球會，點解小朋友仲要出來打比賽？

最近的雞翼盃有近150人，下週的咖啡盃也有60多人，究道這些父母是否傻左，明明有私人教練，有部份更有自已球會，點解仲要出來同D陌生人打比賽？唔通為左隻雞翼？又無排名分，又無得上報紙，個個家長仲要晨咁早訂場，有些仲要去到小西灣打

港青今年SUMMER Holidays 會去廣州習訓，之后會到山西，而小精英部份會打向陽盃，其实香港對手咁多，點解仲要同唔同人打比賽，點解又要塔車，又要坐飛机去咁遠打？

我屋企隻貓學左近七年波，打足七年比賽。由華星馬拉松開始，之后學界杯，元旦杯，回歸杯，Tenergy 杯，復活盃幾乎全部都有打，誇張點這七年佢打過超過300個對手（其实好保守)，領教過300種發球，

接發球是教練教唔到，透過不斷食西才會成長

心態又是老豆教不到，領先住10：4點解輸番，輸住10：4又唔放棄。點解有人 Deduce 成日輸？

朋友仔是買唔到，打得比賽多自然多朋友（除非你太囂張不可一世), 有朋友自然開心，小朋友好簡單有朋友的活動無論幾低能都好好玩，相反比部PSP你一個人自己打，最后只會自閉

透過不同比賽認識不同的朋友仔，小朋友也會透過比賽學會尊重對手，學會與小朋友相處，同樣也會更享受乒乓，以往有家長只迫小朋友打私鐘，一個星期打七日，最后變了沒有感情，不懂享受樂趣的机械人，波可能也會打得好，但內心可能好怕乒乓球，因為小朋友不愛上乒乓，而父母迫去練波不可能到達很高的水平。我看見不少小學打得好好乒乓的小朋友，一上中學便放棄乒乓，原因是父母迫得太利害。

12歲以下小朋友可以透過不停練波而成長，但上左中學后沒有沒有興趣去BACKUP，很多小朋友便會轉打足球，籃球，手球或其它運動，父母無可能迫小朋友打一世乒乓球，愛上乒乓自然打得好，不愛上乒乓怎打也打不好。

作者: (=^x^=) 時間: 2017-1-3 15:41

發球機係有用嘅，但係如果小朋友的動作不太正確，就會打壞手勢
正確

1) 如果沒有教練在邊，打發球机是無用的，打得多不等如好
2) 康文署有婑枱，有心打不要貪近去會所，新一代由7-9 都是打低枱
3) 若打了四年首場便輸，是時間檢討下，打波不是練得多便可以WIN

作者: 悠閒一族 時間: 2017-1-3 15:45

打發球機比較沉悶，樓主可嘗試租康文署的發球機讓小朋友試打下先

作者: (=^x^=) 時間: 2017-1-3 15:45

http://hkttf.com/forumdisplay.php?fid=989

親子王國版塊你可以找到很多有關小朋友學習乒乓的問題

作者: (=^x^=) 時間: 2017-1-3 15:47

一張相片，三個新一代冠軍

作者: (=^x^=) 時間: 2017-1-3 15:49

by the way, $2000 以下的發球机，其实都唔多得，去康文署吧。
不過建議一星期最少打 2 天私人，若技術未穩定，未必適合打小組班
除非只為興趣

作者: 速鳥 時間: 2017-1-3 16:02

引用:

原帖由 (=^x^=) 於 2017-1-3 15:47 發表

一張相片，三個新一代冠軍

及一個世界女冠軍

作者: 速鳥 時間: 2017-1-3 16:09

波要打得好，係要不停在比賽中，給對手找出你的錯處，從以改善；發球機並不能找到錯處。
.
.
.
.
.
.

[ 本帖最後由速鳥於 2017-1-3 16:12 編輯 ]

作者: atcf 時間: 2017-1-3 16:23

如果有一定根基，，定點動作用發球機是可以感受下落點的，其他用途是沒有用

作者: SSPSK 時間: 2017-1-3 16:50

假如爸爸會打當然親子活動第一，技術第二，但如果不會打或者冇時間，發球機訓練冇時間限制，相當不錯。

作者: garfieldjam 時間: 2017-1-3 16:50

唔好買，去康文署租場，租黎試下先啦。

作者: SSPSK 時間: 2017-1-3 17:06

通常發球機設計只對應一種規格乒乓球，如果新舊波混合使用，輕則落點不定，重則弄壞發球機，小心。

作者: Ghstt 時間: 2017-1-3 17:34

聽說康文處發球機會食波發球機囉手感都唔錯

作者: mmfc821 時間: 2017-1-3 17:37

其實唔駛太緊張，你小朋友既然投入呢項運動，佢自然會有一班波友同佢練習。一班朋友一同練習，一同互相討論，加上每星期都有教練指導，反而會更進步。

作者: KKFan 時間: 2017-1-3 17:49

我及家中對寶貝都係多得猫家同論譠,在這7年裏參加了不同類型比賽,不段進步,在這平台上認識到很多同路人,大人及小朋友不愁没朋友

作者: SSPSK 時間: 2017-1-4 18:46

引用:

原帖由 Ghstt 於 3-1-2017 05:34 PM 發表聽說康文處發球機會食波發球機囉手感都唔錯

由於康文處的發球機最後十幾個波不能取出，有部分缺德球員會將爛波放入換走好球，爛波做成經常卡機。。。

作者: SSPSK 時間: 2017-1-4 18:49

在此呼籲，利己利人，勿損公德。

歡迎光臨香港乒乓網 (http://hkttf.com/)