香港乒乓網 - Powered by Discuz! Board

標題: 打了球局幾年，發覺好似。。。 [打印本頁]

作者: Georgett 時間: 2016-11-16 08:43 標題: 打了球局幾年，發覺好似。。。

冇乜樂趣，感覺似比賽，有壓力，而且同D人又唔熟，ONON居居打完就走果隻，當然如果要練波係好既選擇，但打波最緊要係有樂趣，有時寧願揾自己朋友打好過(雖然不多人選)，寧願進步慢D,但起碼有樂趣，有傾有講輕鬆D,打完仲會一齊TEA。所以我停左打球局幾年，其中一個原因是這樣，平時上黎睇吓嘢，吹吓水仲開心啦∼

[ 本帖最後由 Georgett 於 2016-11-16 09:45 編輯 ]

作者: vr1717 時間: 2016-11-16 09:08

你講得一D 都冇錯呀 !

作者: 乒乓在線 時間: 2016-11-16 09:25

球局呀, 有時間咪打吓囉

作者: Georgett 時間: 2016-11-16 09:44 標題: 回復 3# 的帖子

咁你又打局？

作者: 乒乓在線 時間: 2016-11-16 10:38

後記: 知道自己時間保貴, 就不要亂去

[ 本帖最後由乒乓在線於 2016-11-16 10:42 編輯 ]

作者: 速鳥 時間: 2016-11-16 10:44

最好打沙板局，似遊戲多過似比賽，好好玩

乒乓球壇五年，打波的人只重視一個目的…「打低你」，咁點會有朋友可言，就算你唔係咁唸，佢都會當你係。

強身建體只是口頭話，你試下叫佢教你打波，佢就會話…「唔適打就去請教練教」，老友，我係來玩玩兒，玩玩笑，強下身，唔用下下幾千蚊學打波。

作者: Georgett 時間: 2016-11-16 10:56 標題: 回復 6# 的帖子

有時都不關對手是否勁過你事，試過有幾次全勝的球局，雖然開心，但感覺很陌生囉∼

作者: Kenixting 時間: 2016-11-16 11:20

每個人打球的目的也不同，有些是為贏為進步有些是為玩為出汗

目的不同的人一起打波當然不會盡興

如果你是為出汗不計輸贏進步，就不要出去打球局

技術好的人當然不會想和低的人打，因為比錢打局係想同水平差不多的打

我水平差，都常被有水平球局的師兄白鴿眼。但我明白他人角度不會計較，平常心

作者: 0093 時間: 2016-11-16 11:26

係呀，師兄，這類(黑面簡人球友)，通常都有些共同特徵，
1 他們可能覺得他們自己打球技術良好
2 他們可能以為在球局中遠離低技術水平的人，便會成為技術水平高的一羣

[ 本帖最後由 0093 於 2018-1-14 19:54 編輯 ]

作者: Hodyhody 時間: 2016-11-16 11:36

作者: seetatseee 時間: 2016-11-16 11:45

打MAYTT球局星期二晚單車館7一11收20元，主辨人MAY姐和球友都非常友善大家都玩得好開心你可以來參與。

作者: 悠閒一族 時間: 2016-11-16 12:18

如果打左球局幾年，都同人唔熟的話 . . . 會唔會樓主自己都冇行出第一步？

作者: 悠閒一族 時間: 2016-11-16 12:20

引用:

原帖由 Georgett 於 2016-11-16 08:43 發表
冇乜樂趣，感覺似比賽，有壓力，而且同D人又唔熟，ONON居居打完就走果隻，當然如果要練波係好既選擇，但打波最緊要係有樂趣，有時寧願揾自己朋友打好過(雖然不多人選)，寧願進步慢D,但起碼有樂趣，有傾有講輕鬆 ...

依家有D球局注明係"練習球局"或"會有練習檯"，樓主去呢類球局的話，應該冇問題

作者: 悠閒一族 時間: 2016-11-16 12:22

引用:

原帖由 Georgett 於 2016-11-16 08:43 發表
冇乜樂趣，感覺似比賽，有壓力，而且同D人又唔熟，ONON居居打完就走果隻，當然如果要練波係好既選擇，但打波最緊要係有樂趣，有時寧願揾自己朋友打好過(雖然不多人選)，寧願進步慢D,但起碼有樂趣，有傾有講輕鬆 ...

球局打計分，當然好似比賽咁打 . . . 唔通想人HEA 打咩

HEA 打又被人話，認真打又被人話

如果一個球局唔適合，去另一個

冇可能個個球局都唔適合

作者: 悠閒一族 時間: 2016-11-16 12:24

引用:

原帖由 Kinkadefan 於 2016-11-16 10:27 發表
回覆1/F
樓主，首先我好喜歡你講「有傾有講輕鬆D，打完仲會一齊TEA」呢一句！
我自己打波目的也主要是追求健康快樂乒乓有空閒才舉辦小型球局，練下波
回應你的標題，雖然有時候，壓力是自己有份 ...

師兄講得啱，(簡人打)呢樣最憎，就算個球局好，小弟都唔打

作者: 悠閒一族 時間: 2016-11-16 12:24

引用:

原帖由 Georgett 於 2016-11-16 10:56 發表
有時都不關對手是否勁過你事，試過有幾次全勝的球局，雖然開心，但感覺很陌生囉∼

人唔識你，你唔識人，當然陌生

作者: 悠閒一族 時間: 2016-11-16 12:29

引用:

原帖由 Kinkadefan 於 2016-11-16 11:16 發表
回覆10樓/F
無錯！聽聞有時候球局中有些對手，在比試期間分數落後給他人時，會面紅耳赤，咆哮，搖頭，自言自語(好似在唸經似的)…………不小心地取得一局/贏了他們之後，還好像得罪了他們似的
遇上這類球局 ...

球局咁多人打，一定有唔同人

師兄講果類人都未算恐怖 . . . 小弟覺得以下的仲恐怖

有類人一打波就唔理周遭環境，為左救波 . . . 撞台角、撞牆、撞圍難 . . . 打波姐，唔洗揾命博

作者: Georgett 時間: 2016-11-16 12:43

人當然識到，但感覺同自己朋友不同。

作者: 速鳥 時間: 2016-11-16 12:49

練習球局更可怕，我試過比人咁樣同我講…「喂！你乜波都打唔到，我要練波o家，咁樣我點練呀！」

作者: Georgett 時間: 2016-11-16 12:55 標題: 回復 17# 的帖子

感覺始終唔同

作者: 悠閒一族 時間: 2016-11-16 13:07

引用:

原帖由 Georgett 於 2016-11-16 12:43 發表
人當然識到，但感覺同自己朋友不同。

朋友識左好多年

作者: ruud 時間: 2016-11-16 14:35

提示: 作者被禁止或刪除內容自動屏蔽

作者: Georgett 時間: 2016-11-16 15:12 標題: 回復 23# 的帖子

我都好怕呢D人

作者: futari 時間: 2016-11-16 16:08 標題: 回復 1# 的帖子

球局似比賽是無可避免，參與者來自四方不同水平，球局時間平衡運用於每對對手，每4人1檯鐘單打的技術交流，實只有10分鐘。

或許就是要日積月累很多個10分鐘，自己才可從準備球局，打法，對戰，互相技術交流，執波，換波，無私奉獻提供設備，收拾用品，去認識一個球友。

當然沒落場打的話可繼續閑聊，但大家聚起來緣於乒乓球，陌生球友交流沒以技術為先，互相有保留實屬正常。

不同於同學或同事關係，每天還有不同非學習和非工作的事件去認識他們的真面目。球友關係會否加深，或會否有其他會和不會與技術有關的關係發展，很視乎個人當時意願，和大家的條件，球友關係能否加深和持續在球技或其他方面發揮，是可遇不可求的。

小時候曾有數班死黨活躍於不同的社區中心，關係比當時的同學還要好。可能是因為經濟條件不好，放學亦只有在那裡打躉。一呆就是6個小時以上。除非假日不開，否則一定聚。我們當然有用粗口互罵對方打矛波，輸波找就別人的拍柄屈斷發洩，對戰賭汽水，比賽東征西討，也有試過在打得太夜就去球友家借宿。這些真面目當然也趕走不少球友。這麼的浪費青春當然是有代價的，包括學業成績大跌，留級，和被趕出校。徬徨的一刻是有的。但亦造成當下的文字內容。

當今的球局不能沒有時限，球友亦不能對所付出的金錢和時間沒考慮，球局中能提升一下技術就好，能發揮出好技術的時候就自然會有人找你額外交流的了。其他的個人要求，屬錦上添花，平常心面對亦無不可。

[ 本帖最後由 futari 於 2016-11-16 16:33 編輯 ]

作者: badiso 時間: 2016-11-17 14:26

以下係小弟試過在多球練習發生幾過奇遇 (講明練基本功球局)
斜線對攻掃球:

打前不停吹自己以前點點點學界, 青苗, 應該連拍都唔識渣, 斜線來回無兩球, 之後就直接亂抽, 最後變成一個亂拍, 一個狂救. 仲要話自己打得好爽, 有d 唔滿意你接唔到佢波

來回幾球後, 突然大力抽另一邊, 再同你講: 我教練話咁先練到波

話知你掃球定咩斜線, 總知下下一野出盡力打死你, 中檯就bonds 中人就你唔好采, 我有我爽.

可能認為自己打得不好, 由開始到換人都不停講自己十年定廿年無打波了, 手又話傷, 腳又話痛, 頭又痛, 板又有問題, 換左膠唔慣....

作者: Georgett 時間: 2016-11-17 15:37 標題: 回復 29# 的帖子

得談笑

作者: vr1717 時間: 2016-11-17 19:09

引用:

原帖由 Georgett 於 2016-11-16 09:44 發表
咁你又打局？

乒乓波係一樣競技性既運動, 有壓力係好正常,
去一個陌生既環境 , 對住一班陌生既人
咪當自己一個去打比賽 , 訓練一下獨立

要進步既話, 球局一定要打 !
如果冇正統訓練, 冇固定波友, 更加要打球局!
同唔同既人打, 了解自己既不足

睇你樂趣既定義係咩...
球局輸波> 檢討> 練習> 進步
呢個其中一種打球局既樂趣

ONON居居打完就走, 其實都好正常
球局球局完左局就緊係散嫁啦~~

但係一次生, 兩次熟, 好自然會融入到
其實睇你行唔行出第一步既O者~
如果你話...痴線~ 點解要我做主動...咁就當我冇講過啦 !

我就比較幸運, 以前打9-11 北河街球局識左而家呢班朋友
諗番當時我真係好怕比佢地知道我有"精神病", 怕佢地會排斥我
但相處耐左, 大打都接受到我...
估唔到我地除左一齊打波之外, 仲一齊食飯, 游水, BBQ,邊爐
仲一齊去旅行, 一班人O係同一間房屈蛇都大家冇埋怨
我就認定左呢班係我既好朋友了 !

到左呢年我自己試下做 HOST 攪球局,
集合左某D 以前打球局不愉快同埋唔同水平既球友一齊練習..
我只係希望參加既人 , 有得著, 多思考
輕輕鬆鬆, 開開心心, 當係聯誼性質咁
咁當中當然係有D 係比較內向既...但呢樣我都控制唔到既...

有時如果唔係太晏, 我都會問下佢地食唔食野?
做host 主動D 都係好應該既我覺得 (但唔係奉旨...!!!)

講遠左啦... 都係O個句啦, 做人同打波一樣, 主動最緊要 !

[ 本帖最後由 vr1717 於 2016-11-17 19:13 編輯 ]

作者: 悠閒一族 時間: 2016-11-17 19:58

引用:

原帖由 badiso 於 2016-11-17 14:26 發表
以下係小弟試過在多球練習發生幾過奇遇 (講明練基本功球局)
斜線對攻掃球:

打前不停吹自己以前點點點學界, 青苗, 應該連拍都唔識渣, 斜線來回無兩球, 之後就直接亂抽, 最後變成一個亂拍, 一個狂救. 仲要話自己 ...

小弟都遇過呢類人

作者: 悠閒一族 時間: 2016-11-17 20:02

引用:

原帖由 vr1717 於 2016-11-17 19:09 發表

乒乓波係一樣競技性既運動, 有壓力係好正常,
去一個陌生既環境 , 對住一班陌生既人
咪當自己一個去打比賽 , 訓練一下獨立

要進步既話, 球局一定要打 !
如果冇正統訓練, 冇固定波友, 更加要打球局!
同唔同 ...

師兄應該幫幫樓主

作者: 悠閒一族 時間: 2016-11-17 20:06

引用:

原帖由 badiso 於 2016-11-17 14:26 發表
以下係小弟試過在多球練習發生幾過奇遇 (講明練基本功球局)
斜線對攻掃球:

打前不停吹自己以前點點點學界, 青苗, 應該連拍都唔識渣, 斜線來回無兩球, 之後就直接亂抽, 最後變成一個亂拍, 一個狂救. 仲要話自己 ...

仲有類都係咁 . . .

例如:正手推擋 . . . 佢自己推左、推右、推中間 . . . 但永遠叫你回返俾佢一個固定位置 . . . 一回唔到就 . . . 面色開始變 . . . 過多幾球就開始出聲

作者: tomtom1995 時間: 2016-11-17 20:39

引用:

原帖由 Georgett 於 2016-11-16 08:43 發表
冇乜樂趣，感覺似比賽，有壓力，而且同D人又唔熟，ONON居居打完就走果隻，當然如果要練波係好既選擇，但打波最緊要係有樂趣，有時寧願揾自己朋友打好過(雖然不多人選)，寧願進步慢D,但起碼有樂趣，有傾有講輕鬆 ...

吹水進去吹水區個緣聚網上話乒乓啦！

作者: tomtom1995 時間: 2016-11-17 20:47

由此post只可以講波友球品好重要

作者: tomtom1995 時間: 2016-11-17 21:04

我打兩個球局，我可以講最緊要識人，同佢識自然尊重對方，不論技術高低都好，打波較量，有玩有笑，最緊要開心，唔知師兄有無在球局咁做，打完一場，握手或擊掌講好波，無形中的鼓勵對手，我有個球局，我打的時候都唔理輸鸁，盡全力打好每球，無論得分與否，過到自己先，每場波打完吹返兩句講下可改善的地方都好，唔講就吹下水，第二個球局，水平都各有高低，明顯比我高的去盡打好佢，知道比自己低的，就住打，間中發力一兩分都ok，最緊要開心，這個球局都係打得開心為主，話說以前我都有在社區中心打波，企皇企到腳軟，最後打完波離開，都係講下技術，不足或應該適合的打法，點解咁做，幫對手進步，有時傻到打打下波都講，打波做運動，求健康，求開心，唔似職業咁大壓力，都不如開懷打波，如果樓主知道該球局係咁樣的話我唔會去，打波唔係求氣，開心就得

作者: 悠閒一族 時間: 2016-11-17 21:27

引用:

原帖由 tomtom1995 於 2016-11-17 20:39 發表

吹水進去吹水區個緣聚網上話乒乓啦！

吹水區冇壓力

作者: 悠閒一族 時間: 2016-11-17 21:28

引用:

原帖由 tomtom1995 於 2016-11-17 21:04 發表
我打兩個球局，我可以講最緊要識人，同佢識自然尊重對方，不論技術高低都好，打波較量，有玩有笑，最緊要開心，唔知師兄有無在球局咁做，打完一場，握手或擊掌講好波，無形中的鼓勵對手，我有個球局，我打的時候都唔 ...

冇錯

作者: 鷹眼 時間: 2016-11-17 22:14

回覆1，35 & 38樓
個人覺得吹水區内的(緣聚網上話乒乓II）的網友們，確實是此論壇不可多得的精英，他們日以繼夜地以正面樂觀的心態，去討論乒乓球事項，當中有歡樂，有器材使用心得，也有約會球友切磋，他們一視同仁，不會介意交談的網友球技如何，依然樂此不疲地去保持交流，很難想像若樓主嘗試參與他們舉辦的(緣聚球局)會感到有任何壓力，到時候，好可能樓主能夠一面開心地打乒乓球，另一方面，技術亦可能有所提升。

作者: tomtom1995 時間: 2016-11-17 22:17

引用:

原帖由鷹眼於 2016-11-17 22:14 發表
回覆1，35 & 38樓
個人覺得吹水區内的(緣聚網上話乒乓II）的網友們，確實是此論壇不可多得的精英，他們日以繼夜地以正面樂觀的心態，去討論乒乓球事項，當中有歡樂，有器材使用心得，也有約會球友切磋，他們一 ...

鷹眼兄，感謝你

作者: Dynax88 時間: 2016-11-17 22:36

鷹眼, Tom 及vr1717 三位師兄無論球技及球品都值得學習。

作者: Georgett 時間: 2016-11-17 23:29 標題: 回復 40# 的帖子

應該不會了，謝謝。

作者: 悠閒一族 時間: 2016-11-18 00:08

引用:

原帖由鷹眼於 2016-11-17 22:14 發表
回覆1，35 & 38樓
個人覺得吹水區内的(緣聚網上話乒乓II）的網友們，確實是此論壇不可多得的精英，他們日以繼夜地以正面樂觀的心態，去討論乒乓球事項，當中有歡樂，有器材使用心得，也有約會球友切磋，他們一 ...

鷹眼兄好 hard sell

作者: 悠閒一族 時間: 2016-11-18 00:09

引用:

原帖由 悠閒一族 於 2016-11-18 00:08 發表

鷹眼兄好 hard sell

吹水區好包容

作者: GatienExtra 時間: 2016-11-18 00:10

引用:

原帖由 Georgett 於 2016-11-17 23:29 發表
應該不會了，謝謝。

來緣聚網上話乒乓II 吹水吧

作者: 悠閒一族 時間: 2016-11-18 00:10

引用:

原帖由 GatienExtra 於 2016-11-18 00:10 發表

來緣聚網上話乒乓II 吹水吧

G兄招人

作者: GatienExtra 時間: 2016-11-18 00:12

引用:

原帖由 悠閒一族 於 2016-11-18 00:10 發表

G兄招人

跟悠閒兄你學野

作者: 悠閒一族 時間: 2016-11-18 12:01

引用:

原帖由 GatienExtra 於 2016-11-18 00:12 發表

跟悠閒兄你學野

講呢D

歡迎光臨香港乒乓網 (http://hkttf.com/)