香港乒乓網 - Powered by Discuz! Board

標題: 我地對運動員要求太高定太低? [打印本頁]

作者: lmichael 時間: 2016-8-22 17:39 標題: 我地對運動員要求太高定太低?

我想我文章會好有爭議, 一定政治不正確, 但係, 我所講既只係事實.

你們對香港運動員的印像是什麼? 好多人講香港政府對運動支持不足, 香港運動員無保障, 香港運動員盡左力就得......, 無錯, 二十年前係咁. 其實現在, 記住, 係現在, 真正的香港運動員係點, 一句講晒, 現在做運動員, 好過讀大學, 你唔信?

首先, 今界奧運, 香港一面牌都無, 但係....無人敢批評運動員, 應該講, 你批評運動員, 一定比人插死. 如果二十年前,一而獎牌都無, 我無說話講, 但係現在...., 你信唔信, 李浩晴, 伍家朗呢D甲級運動員, 外賽有點成績既, 其實佢地津貼, 講緊係....可以成三萬元一個月, 仲係未包獎金. 當大學畢業, 有人賺緊萬幾元, 仲還緊LOAN既時候, 仲地同年紀, 已經養緊車買樓......

除左你以為運動員好窮, 要做兼職, 咁仲有咩野你誤解左呢?

香港運動員退後運動員好慘, 無出路....

事實, 除非你係什麼跳繩, 社交舞呢D冷門既運動, 如果你係熱門如田徑, 乒乓球, 籃球之類既熱門運動員, 講緊青年軍水準以上, 原來, 大學係有特別入學處理, 只要你有最少入學資格, 都會收, 例如係DSC成績不好, 你走去讀個oDip, 已經可以讀大學. 當其他人拿住DSC成績唔知點時, 其實運動員選擇仲多. 而且, 不少...., 入左紀律部隊.....

政府對退役運動員無支援......

事實, 其實如果你係全職運動員, 退役之後, 政府係有基金, 每年四萬幾, 支持運動員升學, 最多兩年, 而好多大學本身都有獎學金比呢D運動員. 當你讀緊大學, 要做緊PART-TIME搵生活費, 佢地其實有錢都唔知點洗, 享受緊大學生活. 仲有....., 其實好多運動, 佢地仲可以做埋教練PART-TIME......搵銀.....

香港放係運動既錢唔多........
事實, 我想亞洲除左中, 日, 韓之外, 香港對運動支援一D都唔低, 比好多東南亞國家一定多....., (英國,我真係唔知), 但係今次, 呢D國家既表現, 都好過香港.

其實.....我地比錢唔係問題, 問題係......我地既然有資助, 我地係唔係為左資助佢地發展佢自己既興趣? 點解係支持佢, 唔係支持其他人? 我地納稅人比錢支援佢地, 係希望佢地出成績, 為港增光. 如果.....我對面個鄰居個仔, 走左出去打什麼什麼比賽, 咁真係....盡左力就得. 但係, 現在攞左咁多支助, 係唔係應該係點用成績回報返香港人?

老實講, 我對香港隊今界表現好唔滿意..... 有人會話得, 你咁叻, 你下界自己去參加, 又或者, 你會話, 你要求太高, 又或者, 你太功利主義....., 如果原來係咁....., 曼聯輸波, 你X人做咩? 你X朗尼把鬼咩? 曼聯入唔到歐曼, 都比人X到暈, 又炒領隊, 咁我地豈不對曼聯好過份? 而且, 曼聯一毫子都無問過我地香港納稅人拿. 而且,我好肯定,雷耶C同雲92一定盡晒力......

我覺得, 今界成績咁差, 而且輸左....., 佢地有一些, 真係一D失望心都無, 我睇睇下, 我真係突然覺得, 原來我地支持緊既, 唔係一班以為港增光的運動員, 而係支持緊一班後生仔, 追逐緊佢地興趣而已........, 唔得, 咁我下次來過.....

今界, 得兩個既態度, 我覺得似返個運動員, 第一個係李慧思, 第二個, 係好多人唔多鐘意既黑妹, 但最少, 佢地輸左, 特別李慧詩, 你會覺得佢來到, 係想拿到牌, 而唔係盡力就算......, 去到奧運, 盡力係拿唔到牌架, 因為其他國家, 何止係盡力咁簡單........

單講奧運乒乓球, 說不應該預期太高.......,現在大家都失望

其實.....我們既期望,唔勝贏馬龍,張繼科,許昕,我地期望,係佢地之前贏過既,都贏到.......,現在係香港.....應贏,領先之下贏唔到. 贏過既,排名低過自己既,55波既,好多都輸左...., 其實....我地失望,有人批評,真係要求高? 盡左力就得?

咁倒返轉頭,呢度咁多教練,你教個學生,打到甲組前十,咁你去打單項,對個排名低過你,領先2:0,比人反勝,咁你係唔係對你個學生講,盡左力就得?

如果公眾既期望,係令到港隊有壓力,所以失準,咁係公眾既問題,唔應該咁大期望,又或者總會問題,唔應該令公眾有期望,咁.......英國國家足球隊都幾慘,無人出聲話英國足總,令公眾咁大期望,所以英國隊失準....

講講下,咁中國國家隊,講緊足球,又係呀,原來失準,出唔到線,都比人罵錯, 係中國足協既問題,令到中國人對中國足球有期望........

作者: belcher168 時間: 2016-8-22 18:22

原來如此。香港社會對運動員也不薄了。

作者: samson2012717 時間: 2016-8-22 18:55

奧運成積吾係代表全部，江嘉良自稱宇宙最

作者: samson2012717 時間: 2016-8-22 18:59

強也未拿過奧運獎牌

作者: 悠閒一族 時間: 2016-8-22 19:05

引用:

原帖由 lmichael 於 2016-8-22 17:39 發表
我想我文章會好有爭議, 一定政治不正確, 但係, 我所講既只係事實.

你們對香港運動員的印像是什麼? 好多人講香港政府對運動支持不足, 香港運動員無保障, 香港運動員盡左力就得......, 無錯, 二十年前係咁. 其實現在 ...

師兄講得好

如果係香港，椰子同 v92 多謝都黎唔切(尤其是椰子，一年都未過就 . . .)

其實，有睇足球的，已經知道"遊戲"點玩

作者: 悠閒一族 時間: 2016-8-22 19:16

引用:

原帖由 lmichael 於 2016-8-22 17:39 發表
我想我文章會好有爭議, 一定政治不正確, 但係, 我所講既只係事實.

你們對香港運動員的印像是什麼? 好多人講香港政府對運動支持不足, 香港運動員無保障, 香港運動員盡左力就得......, 無錯, 二十年前係咁. 其實現在 ...

正如小弟在另一個帖子所講，很多冷門運動的運動員仲繼續默默耕耘緊

但普羅大眾對那些運動冇興趣

作者: samson2012717 時間: 2016-8-22 23:03

http://wap.happypingpang.com/news/view/31393

作者: st6788 時間: 2016-8-22 23:21

除左運動員自身因素或其他環境因素外,會唔會有其他因素導致港隊表現未能達到大眾預期呢?例如教練因素?

作者: atcf 時間: 2016-8-23 09:40

唔……原來如此。。。我之前對運動員一些評價都要重新想想，，謝謝ching提供資料，，睇落香港對班運動員都已是幾好

作者: egghead1969 時間: 2016-8-23 09:55

原來咁多，我都唔知

咁乒乓球討論區，就講乒乓球，大家心目中，香港四項目，應該點叫收貨

，我講先
男單八強 (結果只得四圈

)
男團八強 (正常賽果)
女單八強 (點知四圈就對著中國選手就

)
女團四強(點知八強撞到德國

)

[ 本帖最後由 egghead1969 於 2016-8-23 11:54 編輯 ]

作者: egghead1969 時間: 2016-8-23 10:03

引用:

原帖由 st6788 於 2016-8-22 23:21 發表
除左運動員自身因素或其他環境因素外,會唔會有其他因素導致港隊表現未能達到大眾預期呢?例如教練因素?

其他唔講，以個場男單輸3-2，教練係有責任；除非你話人地教練係高水平過香港教練

作者: jacky1021 時間: 2016-8-23 10:25

香港有精英運動員計劃，但唔係個個運動都有，其實足球，籃球，排球，手球都冇既，
講緊每月出3萬蚊糧果d係體院A+級運動員，以我認知要係國際賽上取得成績，A+級包括奧運會、亞運、世錦、世界盃、亞錦、等等，每年的巡迴賽總決賽或分站賽的成績最多是A或A- 工資，不是個個都可以3萬既，還要看世界排名，頭2種大型球類都係主要靠世界知名運動牌子贊助，第3，4種大型球類香港是由卓麗akita牌子老闆主力贊助球衣，他們好多時都要自費出去比賽，不似乒乓球咁每年有恒生銀行贊助過千萬，而且退休後有冇保障，視乎果項運動多5多人學，乒乓，羽毛，游泳實會多私鐘，唔通籃球私鐘學射3分，罰球，足球私鐘學開角球，射12碼，根本上大型球類教練存活性唔高，幾年前，真人真事，我有朋友是田徑場上的香港代表隊，參加國際賽有獎牌，也說田徑場上很難搵食，出去做職業司機，所以乒乓球教練係好幸福的

作者: ronald1834633 時間: 2016-8-23 10:34

原來係咁！個人對能參加奥運嘅本港運動員都是尊重，始终他們都需要qualify，才有機會参賽，証明有一定能力，比赛看發揮，奥運屬高水平賽事，能參加奥運運動員都想有好成绩，只是有時力不從心，身不由己，對手實力強，又或者際遇問題以置落敗。再講每人性格不同，在比赛當中或赛後每類運動員表情不同，有些帶嚴肅、有些面掛笑容，並不代表他們hea 打，只是發揮不到，發揮到本身水準都未必能取勝。

作者: samson2012717 時間: 2016-8-23 11:15

降呢搶分求吊命
18歲成為全職運動員的李嘉文（Carmen），初出道試過僅5,000元月薪，到06年亞運奪銀，升至高
http://hk.apple.nextmedia.com/sports/art/20131021/18472289

作者: samson2012717 時間: 2016-8-23 11:21

雖然是2o13的資料，但小過最低工資。

作者: futari 時間: 2016-8-23 11:22

正就是乒乓球項目相對易養。包男女各一團，連後備，也只是12人。場地設施配套投放比其他體育運動項目的開支預算要求低得多。所以就算與其他體育運動項目競爭，乒乓球開發完精英隊，晉升體制，很多其他體育運動項目或還在起步階段。

所以普羅大眾的推廣，並不是不切實際的。

作者: futari 時間: 2016-8-23 11:35 標題: 回復 14# 的帖子

雖大多數體育運動有肌肉運動和動作的規範，加強發揮，但當代還沒有用標準動作去規範甚麼是體育運動，甚麼不是。

或許這是體育運動需加入競技，對抗，比賽的原因，使肌肉運動和動作加以規範，和加強競技，對抗，比賽的效果，而不單是美學，去判斷拉筋，跳拉丁舞，桌球，電子遊戲，象棋，滾球等算是體育運動，還是不是。

[ 本帖最後由 futari 於 2016-8-23 11:39 編輯 ]

作者: egghead1969 時間: 2016-8-23 11:53

引用:

原帖由 futari 於 2016-8-23 11:22 發表
正就是乒乓球項目相對易養 ...

問題乒乓球有強大『後盾』，你真係要好有決心排除萬難『自煮研發』，但好成績又難求；其實羽毛球之類可攪下，你攪到有好成績，自然有人睇

作者: 悠閒一族 時間: 2016-8-23 12:27

引用:

原帖由 futari 於 2016-8-23 11:35 發表
雖大多數體育運動有肌肉運動和動作的規範，加強發揮，但當代還沒有用標準動作去規範甚麼是體育運動，甚麼不是。

或許這是體育運動需加入競技，對抗，比賽的原因，使肌肉運動和動作加以規範，和加強競技，對抗，比賽的效果，而不單是美學，去判斷拉筋，跳拉丁舞，桌球，電子遊戲，象棋，滾球等算是體育運動，還是不是。

以師兄的說法，

體操、跳水、跳舞不算是 "運動" ，因為這類運動是以 "美學" 計分的

棋類不算是 "運動" ，因為這類運動没有 "肌肉運動" + "動作"

但居然連桌球都不算是 . . . 如果連桌球都不算是 "運動"，那高爾夫球、保齡球、射擊、射箭 . . . 都不算是 "運動"

難怪師兄說棋類不算運動

奧運會的項目、亞運會的項目都不算是 "運動項目" 的話，那又以甚麼準則去評定那一項是 "運動" ？

[ 本帖最後由悠閒一族於 2016-8-23 13:01 編輯 ]

作者: futari 時間: 2016-8-23 14:17 標題: 回復 19# 的帖子

尊重你自己的個人判斷，亦希望你不要扭曲我論點：

香港的特點是土地資源短缺，你自己可嘗試叫政府去起多一棟象棋中心推廣象棋，或開發多一個維港去推廣滑浪風帆，又或者要學委內瑞拉推廣至全國女性的選美'運動'，看看效果如何。

香港的另一特點是生活水平高，物價相對其他發達經濟體高，所以政府在某一體育運動項目推動精英體制後，是否有很多餘下資源向市民大眾推廣，就是市民大眾一大疑問。體育運動項目推廣亦是市民大眾的福址，是一種公民權利。當然有私人財力的可不稀罕，但都不應該助長官員為求一己面子和利益，剝削這些市民應有的公民權利，剝削應改善的體育運動設施，去籌辦如賽車，高球等等要高昂個人和社會投入，卻只有小眾獲益的體育運動。一般市民大眾可有多少個人和家庭的經濟投入亦會直接影響一個地區有多少人能持續參與某種體育運動。所以較易推廣的體育運動，應有設施器材不能太貴，不能太多，無需時常更換等等的要求。這好比官員只以個人意志喜好，或只因運動員金牌數目，或累計投入金額去決定給予市民大眾的體育運動項目應有的推廣開支，來得客觀，和具可持續性，亦較公平去分擔和享受稅收。

這亦是公民應有的責任，監察政府，防止浪費公帑去補貼一些大部份市民難以受益的體育運動。

[ 本帖最後由 futari 於 2016-8-23 14:38 編輯 ]

作者: 悠閒一族 時間: 2016-8-23 14:20

引用:

原帖由 futari 於 2016-8-23 11:22 發表
正就是乒乓球項目相對易養。包男女各一團，連後備，也只是12人。場地設施配套投放比其他體育運動項目的開支預算要求低得多。所以就算與其他體育運動項目競爭，乒乓球開發完精英隊，晉升體制，很多其他體育運動項目或 ...

現時，普羅大眾對乒乓球的參與度已經比其他"運動"的高，如果要達到師兄心目中的參與度，小弟認為不切實際，並且，是否高參與度 = 有好成績？

如果呢個理論是成立的話，巴西的足球應該天下無敵，但現時，巴西的排名第幾位？

作者: ronald1834633 時間: 2016-8-23 14:27

其實可吾可以改討論話題係「我地對港隊教練要求太高定太低」？每次大賽過後基本上都會表示滿意！請問師兄們港隊教練會吾會減薪？教練福利多還是運動員多？

作者: 悠閒一族 時間: 2016-8-23 14:47

引用:

原帖由 futari 於 2016-8-23 14:17 發表
尊重你自己的個人判斷，亦希望你不要扭曲我論點：

香港的特點是土地資源短缺，你自己可嘗試叫政府去起多一棟象棋中心推廣象棋，或開發多一個維港去推廣滑浪風帆，又或者要學委內瑞拉推廣至全國女性的選美'運動'，看看效果如何。

香港的另一特點是生活水平高，物價相對其他發達經濟體高，所以政府在某一體育運動項目推動精英體制後，是否有很多餘下資源向市民大眾推廣，就是市民大眾一大疑問。體育運動項目推廣亦是市民大眾的福址，是一種公民權利。當然有私人財力的可不稀罕，但都不應該助長官員為求一己面子和利益，剝削這些市民應有的公民權利，剝削應改善的體育運動設施，去籌辦如賽車，高球等等要高昂個人和社會投入，卻只有小眾獲益的體育運動。

這亦是公民應有的責任，監察政府，防止浪費公帑去補貼一些大部份市民難以受益的體育運動。

引用:

原帖由 futari 於 2016-8-21 11:54 發表
奧運主持和觀眾說話不負責任，慷他人之慨，是人皆有之的行為，不必計較；

不懂乒乓球運動之觀眾本身除交稅外，並無付出，他們極其量只能期望政府增加地區乒乓球設施和比賽項目，對運動員是否有資格指點，大家心裡有數。運動員又是否真的會大受影響，大家又不必過分擔心吧！

其實臭罵主持也沒用，不懂乒乓球運動的人實在太多，他們對乒乓球運動的概念大都是停留在中學階段，和同學嬉戲的滴滴仔時代的技術！

要希望普羅大眾的期望合理，首要就是要推廣乒乓球運動成地區性運動！這也是我常和朋友說的！自己打球經驗少，連打球的速度和旋轉都搞不清，根本談不上評價！

乒總獲本地乒乓球運動愛好者所認受，我也忘記有多少年了。但總沒有20年吧。每年向普羅大眾推廣乒乓球運動出過多少力？收了註冊費的本地註冊球員都招呼不來，要乒總再出多點力，恐怕這還是普羅大眾的參與機會和資源分配的問題！始終訓練精英成本是較低的，若然普羅大眾是不計較社會資源被分薄的話。若不進化，相信就算黃鎮廷拿了世界排名第一，還是有人會以「瞀里」，而不是球技評論他，所以，黃鎮廷要頂住呀！

其實某個地區的運動項目上的所謂'勝利'是否應以金牌數目來決定？又是否只應以少數人仕的技術水平決定？這技術水平是如何持續保持？又，保持了對社會他人有何貢獻？

政府為金牌而推廣乒乓球運動對社會產生甚麼貢獻？這是否在教下一代為結果而限制努力？大家可想想！

作為乒乓球愛好者，我只是空想，若乒乓球運動沒有比其他運動帶給社會更多貢獻的話，說不定就是乒乓球運動沒落的日子！

引用:

原帖由 futari 於 2016-8-22 16:07 發表
不知是怎樣的思考，我還是第一次見到象棋被列為運動。這版說的是體育運動吧！

想指出的重點是社會資源運用對向普羅大眾推廣體育運動項目有重要影響，當然就是要量力而為。但香港的問題，不單是不作為，而且是在浪費之下亂作為，間接影響普羅大眾對體育的觀感和投入，亦間接使他們失去應有的社會資源，獲得機會嘗試和發展。

首先，小弟無扭曲師兄的論點，是師兄自己所講的(見紅字)

而且，師兄的理論自相矛盾(見藍字)，一項運動要全民推廣，才能令普羅大眾的期望合理？

以奧運單車項目為例，許多市民都期望李慧詩可以拎牌，最後，李慧詩拎唔到牌，難道普羅大眾對她的期望不合理嗎？居然要普羅大眾檢討自己？

以師兄的想法，所有"少人"參與的運動都應該 CUT，因為只有小眾獲益，最後，不如只留下發展一種"運動"仲好

作者: futari 時間: 2016-8-23 14:53 標題: 回復 21# 的帖子

如果一般市民都有王皓的技術水平，那香港的今天運動員的奧運比賽後的成績評價就是十分容易了。

作者: futari 時間: 2016-8-23 15:02 標題: 回復 23# 的帖子

"首先，小弟無扭曲師兄的論點，是師兄自己所講的(見紅字)

而且，師兄的理論自相矛盾(見藍字)，一項運動要全民推廣，才能令普羅大眾的期望合理？

以奧運單車項目為例，許多市民都期望李慧詩可以拎牌，最後，李慧詩拎唔到牌，難道普羅大眾對她的期望不合理嗎？居然要普羅大眾檢討自己？"

全民推廣各類體育運動，那當然要，問題是政府資源有限嘛！
自己都不懂得某體育運動項目，就去評論運動員，其實就和蘇絲黃評論黃振廷無異。莫非期望獎牌等同於期望扣鈕？

'以師兄的想法，所有"少人"參與的運動都應該 CUT，因為只有小眾獲益，最後，不如只留下發展一種"運動"仲好'

你說高球？當然要滅絕吧！不單因為高球個人投入費用高昂，亦不單因為可透過會藉暴利剝削他人，而是因為高球本身對各種肌肉的運動量太少了，對社會資源實太虛耗了，造福不了普羅大眾。

不過這裡還是先關注乒乓球吧！

[ 本帖最後由 futari 於 2016-8-23 15:31 編輯 ]

作者: HongKongFanz 時間: 2016-8-23 15:10

如果時不時都有關注港隊的成績，大家都會看得到香港運動員背後的付出。有些人認為能參加奧運（無論成績如何），已經是一份榮幸。不過，一定會有一些比較熱門的選手令我們"要求"更多。某運動員如果本身具備衝擊力，觀眾對他的"要求"一定更加高。我只希望這份"要求"別成為一份"壓力"。

相比以前，政府已經放進很多資金發展體育。但這些資金落在對體育沒什麼認識的管理層。這樣，再多錢也沒有用。

[ 本帖最後由 HongKongFanz 於 2016-8-23 19:55 編輯 ]

作者: futari 時間: 2016-8-23 15:17 標題: 回復 26# 的帖子

"但這些基金落在對體育沒什麼認識的管理層。這樣，再多錢也沒有用。"

這就是全民推廣體育運動的重要性。

作者: HONG0211 時間: 2016-8-23 15:28

引用:

原帖由 ronald1834633 於 2016-8-23 14:27 發表
其實可吾可以改討論話題係「我地對港隊教練要求太高定太低」？每次大賽過後基本上都會表示滿意！請問師兄們港隊教練會吾會減薪？教練福利多還是運動員多？

港隊教練好好做,體院乒乓球教練薪酬:年薪由港幣415,180元至港幣827,561元,每次抱住期望去參加比賽,然後每次拎唔到獎都係滿意運動員表現,相信佢地盡左力咁就過關繼續出糧
老實講句,收得呢個人工但係我睇唔到比到啲咩專業知識/方法出黎去比運動員進步囉,教練從來冇壓力,冇成績咪換人(運動員),換一換人又有藉口要求幾年時間去栽培(又搵多幾年錢,搵搵下都就退休啦)
點解會有呢個帖出現呢,因為大家都開始發現到個問題囉,高官要問責,港隊教練人工都唔低又背負住港人期望點解冇成績個位都可以穩如泰山呢

作者: TYYT 時間: 2016-8-23 17:10

我覺得對一個運動員的期望要合理地跟他的[天份]和[後天訓練]掛勾° 其中[天份]是直接決定該球員可以達到的高度°
客觀地評論現今乒乓球壇的現役或新秀球員，冇一位的天份可達世界級上佳水平，那麼就不要把成績目標定得太高吧！每當港隊面對中/日/韓等的強隊，大多敗下陣來，這就体現了[天份]的重要性!
土生土長的港人遠比中國或其它競爭國家小，所以出現天才的機率也相對低，這是不能改變的!
我們也不應期望教練可以化腐朽為神奇，適當的培育已經相當不錯了!

作者: 悠閒一族 時間: 2016-8-23 18:30

引用:

原帖由 futari 於 2016-8-23 14:53 發表
如果一般市民都有王皓的技術水平，那香港的今天運動員的奧運比賽後的成績評價就是十分容易了。

師兄，你明唔明個重點係邊？

如果一般市民都有王皓的技術水平，咁"普羅大眾"只會對運動員更高期望，唔拎到冠軍，可以唔洗返黎

作者: 悠閒一族 時間: 2016-8-23 18:42

引用:

原帖由 futari 於 2016-8-23 15:02 發表
"首先，小弟無扭曲師兄的論點，是師兄自己所講的(見紅字)

而且，師兄的理論自相矛盾(見藍字)，一項運動要全民推廣，才能令普羅大眾的期望合理？

以奧運單車項目為例，許多市民都期望李慧詩可以拎牌，最後，李慧詩拎唔到牌，難道普羅大眾對她的期望不合理嗎？居然要普羅大眾檢討自己？"

全民推廣各類體育運動，那當然要，問題是政府資源有限嘛！
自己都不懂得某體育運動項目，就去評論運動員，其實就和蘇絲黃評論黃振廷無異。莫非期望獎牌等同於期望扣鈕？

'以師兄的想法，所有"少人"參與的運動都應該 CUT，因為只有小眾獲益，最後，不如只留下發展一種"運動"仲好'

你說高球？當然要滅絕吧！不單因為高球個人投入費用高昂，亦不單因為可透過會藉暴利剝削他人，而是因為高球本身對各種肌肉的運動量太少了，對社會資源實太虛耗了，造福不了普羅大眾。

不過這裡還是先關注乒乓球吧！

明顯地師兄扭曲小弟的意思，"自己都不懂得某體育運動項目，就去評論運動員，其實就和蘇絲黃評論黃振廷無異。莫非期望獎牌等同於期望扣鈕？"

照師兄的說法，如果一個人不懂"某樣野"，就不可以評論的話，那師兄為何評論政府，要求政府全民推廣乒乓球？師兄懂得政府運作嗎？

期望獎牌等同於期望扣鈕，師兄，你唔好再講"道理"去誤導別人

作者: 悠閒一族 時間: 2016-8-23 18:44

引用:

原帖由 HongKongFanz 於 2016-8-23 15:10 發表
如果時不時都有關注港隊的成績，大家都會看得到香港運動員背後的付出。有些人認為能參加奧運（無論成績如何），已經是一份榮幸。不過，一定會有一些比較熱門的選手令我們"要求"更多。某運動員如果本身具備衝擊力，觀眾對他的"要求"一定更加高。我只希望這份"要求"別成為一份"壓力"。

相比以前，政府已經放進很多基金發展體育。但這些基金落在對體育沒什麼認識的管理層。這樣，再多錢也沒有用。

認同師兄的睇法

認同運動員的付出同對佢地有期望係兩回事

作者: HongKongFanz 時間: 2016-8-23 19:51

引用:

原帖由 ronald1834633 於 2016-8-23 14:27 發表
其實可吾可以改討論話題係「我地對港隊教練要求太高定太低」？每次大賽過後基本上都會表示滿意！請問師兄們港隊教練會吾會減薪？教練福利多還是運動員多？

好像在點名

作者: Patricklee 時間: 2016-8-23 20:34

引用:

原帖由 lmichael 於 2016-8-22 17:39 發表
我想我文章會好有爭議, 一定政治不正確, 但係, 我所講既只係事實.

你們對香港運動員的印像是什麼? 好多人講香港政府對運動支持不足, 香港運動員無保障, 香港運動員盡左力就得......, 無錯, 二十年前係咁. 其實現在 ...

多個誤導，怨未能認同。

1.大學特別處理入學唔關運動員事，想入大學你會唔會咁迂迴？
2.紀律部隊一視同仁，絕不會因為你入過港隊而放低要求。
3.人工高？人地讀小學已經練緊波，你番學吃喝玩樂唔增值，想一出黎同運動員睇齊？
4.資助大學學費係運動員福利，就好似你番工有公積金咁，番十年以上公司你供10%/15%
5.又係排名問題，咁李宗偉番馬國比人鬧？
6.其實冇邊個運動員話輸係因為公眾期望，唔係自己安放個理由就笑佢地失準
7.計付出，外國好多選手付出比你想像中多，付出唔一定同成績成正比，不過你比較唔到，就唔可以話香港運動員一定要有成績（想冇付出大回報？

你可以有你的失望，不過社會係應該支持佢地，唔可以因為冇成績就要批評。

作者: Patricklee 時間: 2016-8-23 20:41

再講，三萬一個月好多？一個世界級運動員只係得3萬一個月，可憐吧？
足球、籃球、棒球、騎師、高爾夫球、網球，
你真的認為你評論緊一班世界排名頭三十既運動員，
認為佢地食好住好人工高福利好？

你可以有意見，但唔可以營造一班運動員「人工高福利好」既形象，
再鬧佢地冇成績

作者: egghead1969 時間: 2016-8-23 23:24

引用:

原帖由 Patricklee 於 2016-8-23 20:34 發表

多個誤導，怨未能認同。

1.大學特別處理入學唔關運動員事，想入大學你會唔會咁迂迴？
2.紀律部隊一視同仁，絕不會因為你入過港隊而放低要求。
3.人工高？人地讀小學已經練緊波，你番學吃喝玩樂唔增值，想一 ...

頭兩點，似你唔明多喎

係達最低要求就收

；不過據我所知，其實唔係咁 jetso, 想成功，都要出苦功

作者: Patricklee 時間: 2016-8-24 00:25

其實我想帶出的是，其實要打到入港隊，再憑呢樣入大學，講唔上係特別優待。
不竟佢要在學期間付出時間一邊讀書一邊打波。
例如趙頌熙讀書成績好，打波好（唔知係咪conditional offer)
呢個唔可以賴佢入港隊既福利，
而係大學見到佢響時間分配、天資等表現得好。

主要係我唔同意樓主將所有成功個案歸納入運動員到
令所有人覺得運動員立於不敗之地，就必然地要交出獎牌成績（打入奧運都唔夠？）

其實運動員呢條路係要付出極大勇氣時間金錢
人工，they deserve。
如果你要硬性佢地交成績，
咁請講出香港運動員有咩優待處理，令大家認為佢地冇成績要鬧。

仲要吹到得兩個運動員合格，真陰公，而家仲要將爭勝心表現出來比你地見到先得？
姚潔貞，香港冇人教，自己練馬拉松要到入奧運，態度唔似運動員？
泳隊，歷史性多項打入奧運，盡力都唔夠，一下子要求人地爭牌？
乒乓球，批評當然可以（我都覺值得討論）但你先入為主「感受」唔到佢地想爭牌就大肆批評，唔見得合理

作者: samson2012717 時間: 2016-8-24 00:35

引用:

原帖由 Patricklee 於 2016-8-24 00:25 發表
其實我想帶出的是，其實要打到入港隊，再憑呢樣入大學，講唔上係特別優待。
不竟佢要在學期間付出時間一邊讀書一邊打波。
例如趙頌熙讀書成績好，打波好（唔知係咪conditional offer)
呢個唔可以賴佢入港隊既福利 ...

作者: samson2012717 時間: 2016-8-24 00:39

應該改標題為我地對運動員要求合吾合常理。

作者: ronald1834633 時間: 2016-8-24 02:34

引用:

原帖由 HONG0211 於 2016-8-23 15:28 發表

港隊教練好好做,體院乒乓球教練薪酬:年薪由港幣415,180元至港幣827,561元,每次抱住期望去參加比賽,然後每次拎唔到獎都係滿意運動員表現,相信佢地盡左力咁就過關繼續出糧
老實講句,收得呢個人工但係我睇唔到比到&# ...

講到底教練滿意有乜用？國樑滿意先實用

[ 本帖最後由 ronald1834633 於 2016-8-24 02:52 編輯 ]

作者: ricky_table 時間: 2016-8-24 11:00

原來好多人唔明, 因為一國兩制既關係, 香港政府視體育為意識形態操縱工具, 係唔會俾體育發展.
今次李慧詩有表現, 多人欣賞, 政府陳X波走出黎話起單廾徑都係搵機會改例郊野公園起樓

作者: futari 時間: 2016-8-24 12:29 標題: 回復 31# 的帖子

一早說過了，自己留心！

主要兩層次：

第一是安排在推廣社會體育運動的公共資源可被一些和市民個人難以投入的體育運動上，或不應分類成為體育運動的活動上。這是不應該的。原因簡單易明：就是香港土地資源有限，人力資源成本高昂，過高個人投入才能參與的體育運動項目，其實是剝削參與機會的可持續性。
。

第二是推廣本地體育運動項目是不應停留在純以栽培少數精英為目標，亦不應因為個別相對推廣步伐較快的體育運動項目，而忽視或拖慢，甚至是忽視向公眾推廣該體育運動項目的重要性，原因亦是簡單易明：就是任何體育運動項目都不應被精英邊緣化其參與或提升技術水平的機會。這是因為任何項目的推廣，也受資源分配所影響。精英運動員即使是在某大賽拿了金牌，也極其量充份表現了某一地區有少數人能在某體育運動上在當代某一時刻有相對較好的技術，在地區上的體育運動項目技術水平是否具代表性，不言而喻。換言之，公帑所栽培的只是個人的技術，而不一定是地區性的技術。

且在歷史上並不一定是創新的，雖然精英運動員在某些運動項目上會有較好條件實踐。就體育運動項目技術的社會貢獻而言，更是後話。相信亦是這樣，才會有市民覺得要對一些國際賽事的精英運動員有具意義的期望，和其他相關支援進行評價，亦才會有版主的帖。

不知為何，有些人總要找一些沒討論空間的支節進行討論。這不但使討論變成無意義的爭論，亦使其他人難於參與深入探討。

我覺得以下兩點很值得市民討論。
1. 某體育運動要對市民�地區有哪種好處，才應被重點投放資源栽培精英運動員？

2. 栽培精英運動員的社會價值是甚麼？

回應版主：我個人對運動員要求是沒有的。因他們還沒為香港完全展現其社會貢獻。還有的是，我所交的稅不知曾被撥出多少去在經濟上支持過他們。另外，作為一個小市民，我不知道乒乓球項目所被配給的資源是如何運用，任何個人要求對他們來說將不會公道。我亦很懷疑我是否有資格要求他們甚麼。

[ 本帖最後由 futari 於 2016-8-24 13:19 編輯 ]

作者: tomcat 時間: 2016-8-24 13:28

[quote]原帖由 ricky_table 於 2016-8-24 11:00 發表

原來好多人唔明, 因為一國兩制既關係, 香港政府視體育為意識形態操縱工具, 係唔會俾體育發展.
今次李慧詩有表現, 多人欣賞, 政府陳X波走出黎話起單廾徑都係搵機會改例郊野公園起樓

,CHING高明

作者: 乒乓在線 時間: 2016-8-24 13:33

如果太麻木從命, HK可能就快像MACAO般, 好像越來越沒有推動體育的權利.

作者: lmichael 時間: 2016-8-24 17:36

引用:

原帖由 Patricklee 於 2016-8-24 00:25 發表
其實我想帶出的是，其實要打到入港隊，再憑呢樣入大學，講唔上係特別優待。
不竟佢要在學期間付出時間一邊讀書一邊打波。
例如趙頌熙讀書成績好，打波好（唔知係咪conditional offer)
呢個唔可以賴佢入港隊既福利 ...

首先, 我講緊既野,我應該無講大話吧?

唔係個個知現在運動員係點,仲以為好似二十年前,李麗珊年代咁,要做兼職先做到運動.

重點係,你覺得佢地打去香港前列, 香港納稅人支助佢地, 佢地每個月有津貼,讀大學有CONIDITION OFFER係應得, 我地唔應該對佢地出外比賽成績不理想而批評, 係唔係?
其實得架,係都係球迷. 係我識既曼聯球迷,都一樣有人支持雷耶C......

都係個句,點解政府要津貼精英運動員? 你答左, 就無再爭議,例如......因為應得既....同對外比賽成績無關係. 咁你認為係咁, 得架. 大部份市民都係咁,亦都得. 咁你可以認為我對運動員要求高.

作者: 悠閒一族 時間: 2016-8-24 18:53

引用:

原帖由 futari 於 2016-8-24 12:29 發表
一早說過了，自己留心！

主要兩層次：

第一是安排在推廣社會體育運動的公共資源可被一些和市民個人難以投入的體育運動上，或不應分類成為體育運動的活動上。這是不應該的。原因簡單易明：就是香港土地資源有限，人力資源成本高昂，過高個人投入才能參與的體育運動項目，其實是剝削參與機會的可持續性。
。

第二是推廣本地體育運動項目是不應停留在純以栽培少數精英為目標，亦不應因為個別相對推廣步伐較快的體育運動項目，而忽視或拖慢，甚至是忽視向公眾推廣該體育運動項目的重要性，原因亦是簡單易明：就是任何體育運動項目都不應被精英邊緣化其參與或提升技術水平的機會。這是因為任何項目的推廣，也受資源分配所影響。精英運動員即使是在某大賽拿了金牌，也極其量充份表現了某一地區有少數人能在某體育運動上在當代某一時刻有相對較好的技術，在地區上的體育運動項目技術水平是否具代表性，不言而喻。換言之，公帑所栽培的只是個人的技術，而不一定是地區性的技術。且在歷史上並不一定是創新的，雖然精英運動員在某些運動項目上會有較好條件實踐。就體育運動項目技術的社會貢獻而言，更是後話。相信亦是這樣，才會有市民覺得要對一些國際賽事的精英運動員有具意義的期望，和其他相關支援進行評價，亦才會有版主的帖。

不知為何，有些人總要找一些沒討論空間的支節進行討論。這不但使討論變成無意義的爭論，亦使其他人難於參與深入探討。

我覺得以下兩點很值得市民討論。
1. 某體育運動要對市民�地區有哪種好處，才應被重點投放資源栽培精英運動員？

2. 栽培精英運動員的社會價值是甚麼？

回應版主：我個人對運動員要求是沒有的。因他們還沒為香港完全展現其社會貢獻。還有的是，我所交的稅不知曾被撥出多少去在經濟上支持過他們。另外，作為一個小市民，我不知道乒乓球項目所被配給的資源是如何運用，任何個人要求對他們來說將不會公道。我亦很懷疑我是否有資格要求他們甚麼。

回應師兄的第一個論點:

師兄所講的，其實是以現時普羅大眾對某一項的運動參與度高，而去發展那一項運動

這個做法，只會令一些"冷門"運動更無生存空間，就算是其他運動，都無人繼續

因為政府的大力推廣，普羅大眾只會對政府推廣的運動有興趣，而且最重要，只有政府所推廣的運動才有最多的資源，到時，香港只會得"一種運動"員

回應師兄的第二個論點:

師兄所講的，其實只是第一個論點的延伸

這個做法，又是同第一點一樣，香港最後只會得返"一種運動"

要全民都認識 + 對某一項運動有平常的技術，發展一項"全民運動"，政府一定要投放很多金錢、時間

師兄，你要明白香港這個地區有 >700萬人，唔係 700人，要每個市民對某一項運動有認識 + 技術，簡直癡人說夢、不切實際

再者，以香港、乒乓球為例，當香港每個人的乒乓球技術高於其他國家，又代表甚麼？

代表才可以有對運動員有具意義的期望？代表才能有"資格"去評論運動員？

師兄所提議的，根本無可能在香港實行

回應師兄，普羅大眾對運動員是没有要求，只有期望

而且，"期望" 同 "要求" 好似不是相同意思，師兄用到"要求"，但普羅大眾只是"期望"，難怪師兄的想法"堅離地"

而且，師兄還未回應小弟所問的問題

當普羅大眾都有王皓的技術水平，咁普羅大眾對乒乓球運動員會有甚麼期望？

作者: 悠閒一族 時間: 2016-8-24 18:54

引用:

原帖由 lmichael 於 2016-8-24 17:36 發表

首先, 我講緊既野,我應該無講大話吧? 唔係個個知現在運動員係點,仲以為好似二十年前,李麗珊年代咁,要做兼職先做到運動.

重點係,你覺得佢地打去香港前列, 香港納稅人支助佢地, 佢地每個月有津貼,讀大 ...

師兄唔好迫人回答啦

作者: Patricklee 時間: 2016-8-25 00:13

重點係：首先，收取津貼係因為佢地轉成全職訓練，要跟體院既安排和指示，其實係人工
讀大學，面試好都一樣可以有conditional offer, 中學科研拎獎一樣有conditional offer, 運動員拎獎，點解唔可以有conditional?
香港政府支助緊全港九年免費教育，照你意思，如果學生中三後冇成績証實佢地對社會有貢獻，佢地都浪費緊納稅人錢，咁你出街鬧班黑社會啦，唔敢批評黑社會，而家黎捉香港運動員黎批評？

精英運動員係必須對外比賽曾獲獎，先有較高人工，某程度上係肯定曾為港增光。
政府可以唔資助，視乎政府想唔想運動員為港增光。
最後，都係個句，要做運動員唔係咁易，
你有小朋友的話，不妨花兩千蚊個月訓練一下，再批評下你小朋友冇成績，你睇佢會唔會為左你口中福利，去捱條唔知成功與否的路，或者你小朋友真係相信你口中的offer同津貼？

不如你又答下，只係拘拘三萬津貼（世界級球員），何以令你葡萄佢地？
單係一句納稅人就可以大肆批評？

新加坡schooling 21歲訓練用左800萬港元，先有一面金牌
香港21歲，比盡佢15歲開始全職，可能到退役都未用到400萬，
你認為收你少少資助，就要為香港人爭塊奧運牌，係咪你大想頭左？

重申：我都對今年運動員表現較失望，不過唔會係因為佢地收津貼同背後可能的利益

作者: lmichael 時間: 2016-8-25 01:11

引用:

原帖由 Patricklee 於 2016-8-25 00:13 發表
重點係：首先，收取津貼係因為佢地轉成全職訓練，要跟體院既安排和指示，其實係人工
讀大學，面試好都一樣可以有conditional offer, 中學科研拎獎一樣有conditional offer, 運動員拎獎，點解唔可以有conditional? ...

首先....,我個年紀唔會再酸呢D野

我覺得失望既何止,何止香港運動員係奧運表現, 當年,我都唔滿意曼聯表現,雷耶C要下台.

首先,我想搞清楚,納稅人支助運動員,係要為港增光,係定唔係先? 我想搞清楚呢點.

你舉個例子都好, 如果有個教練, 要個家長每個月比三萬元佢教個仔,咁其實,係唔係對個仔既成績,有一定要求呢?

作者: lmichael 時間: 2016-8-25 01:14

引用:

原帖由 Patricklee 於 2016-8-25 00:13 發表
重點係：首先，收取津貼係因為佢地轉成全職訓練，要跟體院既安排和指示，其實係人工
讀大學，面試好都一樣可以有conditional offer, 中學科研拎獎一樣有conditional offer, 運動員拎獎，點解唔可以有conditional? ...

不過有一點都幾好笑, 曼聯打得差,可以批評, 國家隊打得差,可以批評, 國足打得差都可以批評, 但......港隊打得差, 你批評, 你酸佢地, 以上曼聯, 國家隊,國足, 我地納稅人其實....都無比過錢.......

作者: samson2012717 時間: 2016-8-25 09:38

其實最好笑都係你，已有資料指出三萬元月薪是

作者: samson2012717 時間: 2016-8-25 09:39

奪獎後加埋津貼才有，運動員由五仟零蚊開始，小過最底工資，踏上呢條路以經吾容易。出去同全界世界比賽，運動員福利比香港高的國家一定吾會小過三個，如以你按收入交表現的思維，三甲不入是理所當然的，有什麼理由要求香港運動員奪牌？

作者: lmichael 時間: 2016-8-25 13:43

其實都係個基本問題，政府資助運動員既原因是什麼先？

作者: samson2012717 時間: 2016-8-25 14:02

政府除了體育項目外，在多方面的資助也是沒有回報的。舉例單是一個資助房屋的費用便多於供给一個運動員學徒。

作者: 金擇魚 時間: 2016-8-25 15:01

有咁教練收左學費,D學生都冇成績,應該全部回水至啱

作者: 金擇魚 時間: 2016-8-25 16:11

香港政府支助緊全港九年免費教育，照你意思，如果學生中三後冇成績証實佢地對社會有貢獻，佢地都浪費緊納稅人錢，咁你出街鬧班黑社會啦，唔敢批評黑社會，而家黎捉香港運動員黎批評？
幾多年前呀?

作者: samson2012717 時間: 2016-8-25 16:14

https://www.youtube.com/watch?v=[youtube]fIqaEk_T0KE[/youtube]

作者: 729fx 時間: 2016-8-25 20:36

其實來到奧運是爭取獎牌,但我只聽到好多運動員都話來奧運己經好開心,輸左一d失望都無仲識笑,上tvb,我心諗咁你們來是雲吉,不知是否他們不善詞令,如果是我說聲SORRY,原來政府每年比咁多錢出來,原來是比人去奧運感受一下氣氛,咁求其搵條矛里去都得啦,洗鬼選拔!
其實有d運動員要鬧先成才,唔鬧得的只有小數,因為是天才,所以我覺得樓主唔洗驚比人插,你鬧佢地其實是為佢地好,忠言始終逆耳

[ 本帖最後由 729fx 於 2016-8-25 21:12 編輯 ]

作者: samson2012717 時間: 2016-8-25 21:10

國際奧委會在《奧林匹克憲章》中“奧林匹克主義的原則”條款中有這樣一段話：“每一個人都應享有從事體育運動的可能性，而不受任何形式的歧視，並體現相互理解、友誼、團結和公平競爭的奧林匹克精神。

作者: 729fx 時間: 2016-8-25 21:15

咁唔應該有金銀銅牌之分

作者: 729fx 時間: 2016-8-25 21:25

運動員中,只有位人兄我不感鬧,就是珊珊!

作者: lmichael 時間: 2016-8-25 21:27

引用:

原帖由 金擇魚 於 2016-8-25 16:11 發表
香港政府支助緊全港九年免費教育，照你意思，如果學生中三後冇成績証實佢地對社會有貢獻，佢地都浪費緊納稅人錢，咁你出街鬧班黑社會啦，唔敢批評黑社會，而家黎捉香港運動員黎批評？
幾多年前呀?

咦? 原來.....運動員同黑社會一樣,唔罵得?

其實你係用呢個例子幫我論證,都係反對我論證, 事實係......, 在九年免費教育時,中三後無成績......係唔會再資助佢,無論佢已經盡左力. 唔通你都同意,對資助對像, 應該要有要求?

作者: 729fx 時間: 2016-8-25 21:27

出得場,有傷不是借口,
黑妹,李慧思不感應同.....

作者: lmichael 時間: 2016-8-25 21:29

引用:

原帖由 samson2012717 於 2016-8-25 14:02 發表
政府除了體育項目外，在多方面的資助也是沒有回報的。舉例單是一個資助房屋的費用便多於供给一個運動員學徒。

你係唔係舉錯例子呢? 資助房屋,對像唔係有能力買樓既人,而係無能力買樓既人,以你呢個例子,咁.....政府應該對無運動成績既資助,唔係對精英運動員資助,係唔係?

作者: lmichael 時間: 2016-8-25 21:34

引用:

原帖由 729fx 於 2016-8-25 21:25 發表
運動員中,只有位人兄我不感鬧,就是珊珊!

我可以講,其實珊珊年代,我所有運動員出咩成績都唔會罵,因為.....當時政府真係無咩資助,做運動員,真係要有兼職,珊珊佢地做緊運動員時,都要讀埋書,為自己退役準備.

作者: lmichael 時間: 2016-8-25 21:36

引用:

原帖由 samson2012717 於 2016-8-25 21:10 發表
國際奧委會在《奧林匹克憲章》中“奧林匹克主義的原則”條款中有這樣一段話：“每一個人都應享有從事體育運動的可能性，而不受任何形式的歧視，並體現相互理解、友誼、團結和公平競爭的奧林匹克精神。

咁點解.....出賽奧運要有鄰選,唔係個個都参加得?

作者: samson2012717 時間: 2016-8-25 21:50

今天，許多有識之士認為僅僅提倡“更快、更高、更強”是遠遠不夠的，我們必須提倡一種更為人性化的，更為團結的奧林匹克精神。用1908年美國賓夕法尼亞州大主教主持講道時的一句話來說，那就是參與比獲勝更重要
http://wapbaike.baidu.com/item/% ... &fromid=1376190

作者: lmichael 時間: 2016-8-25 22:49

引用:

原帖由 samson2012717 於 2016-8-25 21:50 發表
今天，許多有識之士認為僅僅提倡“更快、更高、更強”是遠遠不夠的，我們必須提倡一種更為人性化的，更為團結的奧林匹克精神。用1908年美國賓夕法尼亞州大主教主持講道時的一句話來說，那就是參與比獲勝更重要
h ...

咁好易,奧運不設獎項,只係表演給人欣賞就得, 好似呢度好多人搞既球局咁. 無名次, 抽籤對賽下就得. 更可以比更多人參加.

作者: spout 時間: 2016-8-25 23:48

以往美國是派遣大學籃球員参加奧運的男籃項目，但正因獲勝比參與更重要，變成全由NBA球員打了。有力之士認為獲勝才是一切。職業運動員参加奧運不講成績，講啥？？

[ 本帖最後由 spout 於 2016-8-25 23:50 編輯 ]

作者: 悠閒一族 時間: 2016-8-26 00:02

其實點解會有職業運動員？

諗得明，就知比賽中獲勝比參與更重要

作者: samson2012717 時間: 2016-8-26 00:53

能夠明白何謂奧運精神便應能解開樓主和樓主的粉絲的心结。無能力明白何謂奧運精神便只能繼續執著。

作者: Patricklee 時間: 2016-8-26 01:29

都係未解釋到，區區比幾千至三萬人工，要求香港運動員同全球爭牌，會唔會理想化左少少？
定係覺得前人少資助都拎牌，而家多少少資助就要求更多？

作者: Patricklee 時間: 2016-8-26 01:34

引用:

原帖由 悠閒一族 於 2016-8-26 00:02 發表
其實點解會有職業運動員？

諗得明，就知比賽中獲勝比參與更重要

即係想少少人工就一定要贏對手，唔贏就唔好做職業運動員？
又唔可以比人講「參與到係榮幸」
又唔講得「好興奮可以參加奧運」
只可以回答「我好失望/喊」？

運動員輸左比賽心裡面一定唔好受，但訪問喊就先有運動員態度？
你地會唔會表面左少少？

作者: Patricklee 時間: 2016-8-26 01:40

引用:

原帖由 lmichael 於 2016-8-25 21:29 發表

你係唔係舉錯例子呢? 資助房屋,對像唔係有能力買樓既人,而係無能力買樓既人,以你呢個例子,咁.....政府應該對無運動成績既資助,唔係對精英運動員資助,係唔係?

你可以話資助學員係比冇財力學習運動既人，康體署每年開好多班。
但資助全職運動員係比冇能力自資全職訓練既人，唔係你所講冇成績既人

名額係咁多，你要爭個資助，你就要經過選拔。

我唔覺得有咩錯例子

作者: egghead1969 時間: 2016-8-26 02:31

引用:

原帖由 lmichael 於 2016-8-25 21:36 發表

咁點解.....出賽奧運要有鄰選,唔係個個都参加得?

香港唔知點鄰選，外國個個都可以参加得屬於奧運既鄰選比賽，好少會閉門鄰選

作者: egghead1969 時間: 2016-8-26 02:51

引用:

原帖由 Patricklee 於 2016-8-26 01:29 發表
都係未解釋到，區區比幾千至三萬人工，要求香港運動員同全球爭牌，會唔會理想化左少少？
定係覺得前人少資助都拎牌，而家多少少資助就要求更多？

運動員拿的錢同正苦投入資源係點先，肥上瘦下定點；
講返三萬，以冇牌計，多唔多先，馮天薇未拿到牌前，新加坡比幾多人工

，我諗唔會十幾萬掛；講返香港，拿珊珊做例子，未拿到牌前人工幾多

；拿到後又點樣安排？
我覺得一個運動員有三萬蚊正苦錢接受訓練打唔係商業既聯賽，唔算差囉；你話有牌，當然要加碼同加安排，不過後話囉。

[ 本帖最後由 egghead1969 於 2016-8-26 05:44 編輯 ]

作者: 悠閒一族 時間: 2016-8-26 11:11

引用:

原帖由 samson2012717 於 2016-8-26 00:53 發表
能夠明白何謂奧運精神便應能解開樓主和樓主的粉絲的心结。無能力明白何謂奧運精神便只能繼續執著。

奧運精神?

唔好引人發笑，如果現時仲有"奧運精神"，點解唔係所有"運動"都可以作為比賽項目？點解主辦國可加減比賽項目？點解主辦國運動員在資格賽中常享有較低的合格標準？

以上幾個問題，已經指出"奧運"根本唔公平，"奧運精神"？

作者: keroroworld 時間: 2016-8-26 11:22

樓主 , 多謝你的分折 , 令我多一點理解現在香港的精英運動員所得的資助 .
但是 , 請不要忘記 , 運動比賽也不止是奧運 , 乒乓球比賽還有很多國際賽事 , 現在一班香港小將的世界排名也很高 , 黃鎮廷更是歷年來最高排名的選手 , 這個成績是經過很多比賽努力而爭取 , 不要以一個奧運便把他批判 . 運動比賽就是有發揮不好的時候 , 同場較量是比賽的精髓 (除了美國), 但發揮好壞並不是看你投入多少資源 , 球員所受的壓力其他人是意想不到 . 比賽往往會發生被看低一線的選手勝出 , 就如你所說他們拼盡了去打 , 沒有壓力反而發揮更好 .
他們今次輸了 , 但是他們會以下屆為目標 , 這個也算是體育精神 .
香港能夠以一個地區的身份去參與國際運動 , 我覺得這件事已經很光榮 .
我還是會為那一班代表香港去參加奧運的選手拍掌 .

[ 本帖最後由 keroroworld 於 2016-8-26 11:40 編輯 ]

作者: 悠閒一族 時間: 2016-8-26 11:24

引用:

原帖由 Patricklee 於 2016-8-26 01:34 發表

即係想少少人工就一定要贏對手，唔贏就唔好做職業運動員？
又唔可以比人講「參與到係榮幸」
又唔講得「好興奮可以參加奧運」
只可以回答「我好失望/喊」？

運動員輸左比賽心裡面一定唔好受，但訪問喊就先有運動員態度？
你地會唔會表面左少少？

首先，小弟無講過唔俾運動員講以上的答案

而且，師兄，睇黎你都係諗唔明點解會有職業運動員 . . .

政府拎資源俾職業運動員，當然期望佢地係比賽中拎到好成績，如果兼職運動員都做到職業運動員的成績，咁職業運動員是否要檢討下？

作者: samson2012717 時間: 2016-8-26 12:01

引用:

原帖由 悠閒一族 於 2016-8-26 11:11 發表

奧運精神?

唔好引人發笑，如果現時仲有"奧運精神"，點解唔係所有"運動"都可以作為比賽項目？點解主辦國可加減比賽項目？點解主辦國運動員在資格賽中常享有較低的合格標準？

以上幾個問題，已經指出"奧運"根本 ...

世界上任何事物也有光明的一面及陰暗的一面，選擇在那方面打滚、鑽研就睇番每個人的喜好。

作者: 729fx 時間: 2016-8-26 14:35

如果真的有奧運精神,奧運會就唔會收大量既直播費啦,應該個個台有得播先對!

作者: 729fx 時間: 2016-8-26 15:34 標題: 回復 73# 的帖子

在歐國盃,克羅地亞輸波,莫拉迪在哭,C朗上前安慰,你幾何見人看笑,說參與已好開心,就算是記者會也不會笑,只會說爭取勝利才是目標,已出了全力,這才是職業運動員的應有態度!

[ 本帖最後由 729fx 於 2016-8-26 15:36 編輯 ]

作者: futari 時間: 2016-8-26 17:52 標題: 回復 46# 的帖子

"因為政府的大力推廣，普羅大眾只會對政府推廣的運動有興趣，而且最重要，只有政府所推廣的運動才有最多的資源，到時，香港只會得"一種運動"員 "

這是錯的推論：政府的大力推廣乒乓球，就代表不能推廣其他體育運動？

大力推廣乒乓球，或其他市民個人更易投入的體育運動，提升水平，不是好事嗎？你太鑽牛角尖了！

政府大力推廣乒乓球，會使香港只會得"一種運動"員 "？你太鑽牛角尖了！

"師兄，你要明白香港這個地區有 >700萬人，唔係 700人，要每個市民對某一項運動有認識 + 技術，簡直癡人說夢、不切實際 "

誰說要每一個市民？在香港無可能實行提高更大比例提升更高技術？你肯定？要一個打了三十年滴滴仔的去為運動員作出一個期望？期望甚麼？你又鑽牛角尖了！

"..."期望" 同 "要求" 好似不是相同意思，師兄用到"要求"，但普羅大眾只是"期望"，難怪師兄的想法"堅離地" ..."
版主寫'要求'，是寫'期望'嗎？是否切題就由版主回應吧。

你是在找人的回應扭曲去鑽牛角尖，針對和取笑？就如你所願吧！

作者: 悠閒一族 時間: 2016-8-26 19:17

引用:

原帖由 futari 於 2016-8-26 17:52 發表

這是錯的推論：政府的大力推廣乒乓球，就代表不能推廣其他體育運動？

大力推廣乒乓球，或其他市民個人更易投入的體育運動，提升水平，不是好事嗎？

政府大力推廣乒乓球，會使香港只會得"一種運動"員 "？

誰說要每一個市民？在香港無可能實行提高更大比例提升更高技術？你肯定？要一個打了三十年滴滴仔的去為運動員作出一個期望？期望甚麼？

政府當然可以推廣其他體育運動，但最重要的問題係:當全民都投入左一種運動裡面，突然有另一個項運動出現，普羅大眾普遍都唔會轉啦

以乒乓球、羽毛球為例: 如果政府大力推廣乒乓球，普羅大眾當然會去認識、去學習乒乓球，好啦，當去到咁上下時間(有可能 N 年後)，政府又大力推廣另一項運動羽毛球，普羅大眾已經習慣了打乒乓球，周邊設施、配套都是以乒乓球為主，最重要係，差不多每個市民都識打乒乓球，普羅大眾會唔會走去轉打羽毛球？

政府大力推廣乒乓球，令市民更易投入運動，提升水平，當然係好(除非政府不減其他運動項目的資源、除非政府"一視同仁"，乒乓球有多少資源，其他運動項目都一樣)

否則，咪又係得"乒乓球"呢個運動得益，咁其他"運動"呢？

原來，推行"本地運動" 的定義不是以每一個市民為主，咁不如 . . . 香港有十八區，每區推行一項運動

原來，普通人是不能期望運動員 . . . 咁師兄你期望乒總、政府做甚麼？

師兄才是太鑽牛角尖，小弟問的問題，師兄還未回應？

小弟的問題簡單不過: 當普羅大眾都有王皓的技術水平，咁普羅大眾對乒乓球運動員會有甚麼期望？

作者: 悠閒一族 時間: 2016-8-26 21:25

津巴布韋未獲奧運奬牌總統下令逮捕代表團

據尼日利亞PM News新聞網報道，津巴布韋奧運代表團在本屆里約奧運會沒有獲得獎牌，總統穆加貝震怒，下令在代表團返抵國家機場時，扣押全團。

報道稱，津巴布韋在本屆里約奧運派出31名運動員，沒獲得任何獎牌，最佳成績是第八名。

穆加貝(Robert Mugabe)下令警察總長，逮捕扣押津巴布韋奧運代表團。代表團23日抵達首都哈拉雷國際機場立刻被捕。

穆加貝對全團表現十分憤怒，他說：「國家把錢浪費在這些被稱為運動員的鼠輩。如果你們還沒準備要犧牲，贏回銅牌或像鄰國博茨瓦納(Botswana)拿下其他名次(第四或第五名)，為何要浪費國家的錢。」

他還說：「如果只是要派人去巴西唱國歌和升旗，派出津巴布韋大學的俊男美女代表國家就好了。」

From 信報
http://www2.hkej.com/instantnews ... 3%E8%A1%A8%E5%9C%98

作者: Patricklee 時間: 2016-8-26 23:59

淪落到搵津巴布韋做參考。

咁你去津巴布韋咪岩，呢個國家本身就搞笑。

作者: egghead1969 時間: 2016-8-27 02:05

引用:

原帖由 Patricklee 於 2016-8-26 23:59 發表
淪落到搵津巴布韋做參考。

咁你去津巴布韋咪岩，呢個國家本身就搞笑。

唔洗咁認真，雖然攪笑，不過唔係冇道理；
今朝起身聽光頭頂，廣告時段，咁 q 有個奧運運動員廣告，話站起奧運場地比賽，身感光榮乜乜乜乜，話香港要支持香港全職運動員之類(唔係話比賽時叫喊，個用詞係生活之類)，我第一個反應係同你非親非故，做乜要比錢你去威威，我係咪好衰

作者: samson2012717 時間: 2016-8-27 16:09

引用:

原帖由 悠閒一族 於 2016-8-26 21:25 發表
津巴布韋未獲奧運奬牌總統下令逮捕代表團
樓主和他的粉絲终於有一個思考角度相同的國際笑柄。

據尼日利亞PM News新聞網報道，津巴布韋奧運代表團在本屆里約奧運會沒有獲得獎牌，總統穆加貝震怒，下令在代表團返抵國家機場時，扣押全團。

報道稱，津巴布韋 ...

樓主和他的粉絲终於有一個思考角度相同的國際笑柄。

作者: 悠閒一族 時間: 2016-8-27 17:41

引用:

原帖由 egghead1969 於 2016-8-27 02:05 發表

唔洗咁認真，雖然攪笑，不過唔係冇道理；
今朝起身聽光頭頂，廣告時段，咁 q 有個奧運運動員廣告，話站起奧運場地比賽，身感光榮乜乜乜乜，話香港要支持香港全職運動員之類(唔係話比賽時叫喊，個用詞係生活之類)， ...

師兄唔好咁諗

費事又被人話唔支持運動員、唔撐港隊

作者: lmichael 時間: 2016-8-29 12:13

咁我問一個問題，教乒乓球興趣班，同教香港乒乓球隊，係唔係一樣？

作者: 悠閒一族 時間: 2016-8-29 12:17

引用:

原帖由 lmichael 於 2016-8-29 12:13 發表
咁我問一個問題，教乒乓球興趣班，同教香港乒乓球隊，係唔係一樣？

當然不一樣，教乒乓球興趣班不用理會成績，但教香港乒乓球隊，成績是很重要的

作者: egghead1969 時間: 2016-8-29 12:46

引用:

原帖由 lmichael 於 2016-8-29 12:13 發表
咁我問一個問題，教乒乓球興趣班，同教香港乒乓球隊，係唔係一樣？

其實有一個問題要講清楚，點解要有香港乒乓球、羽毛球隊先 (我係有冇都冇所為)，點解唔係全部興趣班；重有外國打國家隊係義工來

，受'新'同唔受'新'職員(經理、教練)唔掂，一樣有人打電話去投訴，一樣格走。

Anyway, 正苦自已都係咁，你冇得講？
【金牌選手訪港】港隊出席歡迎晚宴備受冷落
http://hk.apple.nextmedia.com/realtime/sports/20160828/55567976

歡迎晚宴，港隊備受冷落！

今晚的歡迎晚宴是由香港奧委會主辦，亦邀請了大部份香港里奧代表到場，包括全隊乒乓球隊包括黃鎮廷、杜凱琹、唐鵬、帖雅娜、何鈞傑、田徑姚潔貞、陳銘泰、游泳施幸余、江忞懿、劉彥恩、羽毛球葉姵延等等。
他們早在中國隊到之前已率先到場，坐在預先安排好的側邊坐位，但全晚活動，都盡受冷落，既沒有人在台上宣佈他們也有在場，也沒邀請他們上台，反之中國金牌隊到場時，不但是司儀宣佈他們逐一入場，活動中間亦有逐一點名介紹請上台。
其實香港里奧隊也付出各人的努力，在比賽中拼盡每一分力，雖然沒有獎牌，但每位都是香港英雄，不應受到如此冷落。

作者: samson2012717 時間: 2016-8-31 08:21

http://udn.com/news/story/9/1799116
這個社會出現越來越多反應過度的人，一旦發現事情超乎預期，習慣用大聲責難的方式表達意見。周圍的人則因害怕爭執，默默忍耐這些「奧客」，讓社會越來越焦躁，失去了寬容的力量。

[ 本帖最後由 samson2012717 於 2016-8-31 08:23 編輯 ]

作者: 729fx 時間: 2016-9-6 20:53 標題: 回復 93# 的帖子

說明我是支持香港運動員,
不過如果用一個心態,去到奧運已經好開心,我就不支持
世界是現實,想不比人冷落,好似李麗珊咁,拿個牌,米可以大大聲聲講香港運動員唔係立圾,政府快比錢

[ 本帖最後由 729fx 於 2016-9-6 22:28 編輯 ]

作者: michaelwwk 時間: 2016-9-7 01:30

引用:

原帖由 Patricklee 於 2016-8-23 20:41 發表
再講，三萬一個月好多？一個世界級運動員只係得3萬一個月，可憐吧？
足球、籃球、棒球、騎師、高爾夫球、網球，
你真的認為你評論緊一班世界排名頭三十既運動員，
認為佢地食好住好人工高福利好？

你可以有意見 ...

真知卓見

作者: michaelwwk 時間: 2016-9-7 01:36

引用:

原帖由 Patricklee 於 2016-8-25 00:13 發表
重點係：首先，收取津貼係因為佢地轉成全職訓練，要跟體院既安排和指示，其實係人工
讀大學，面試好都一樣可以有conditional offer, 中學科研拎獎一樣有conditional offer, 運動員拎獎，點解唔可以有conditional? ...

真知卓見

作者: michaelwwk 時間: 2016-9-7 01:53

引用:

原帖由 futari 於 2016-8-26 17:52 發表
"因為政府的大力推廣，普羅大眾只會對政府推廣的運動有興趣，而且最重要，只有政府所推廣的運動才有最多的資源，到時，香港只會得"一種運動"員 "

這是錯的推論：政府的大力推廣乒乓球，就代表不能推廣其他體育運 ...

真知卓見

歡迎光臨香港乒乓網 (http://hkttf.com/)