Board logo

標題: [膠皮討論] 反膠轉正膠的N個理由....... [打印本頁]
作者: lmichael    時間: 2016-6-22 14:02     標題: 反膠轉正膠的N個理由.......

好多人問, 點解打反膠要轉正膠? 其實反膠已經是......落後的打法. 特別是在新的球, 新的賽例, 一係你打長膠, 正膠其實速度唔止無優勢....., 其實係劣勢,我本身,就係二十幾年前, 反膠拿大專賽冠軍, 丙團拿過第三上乙團, 現在轉打正膠幾年, 反膠轉正膠是有N個理由.

1. 反膠打到悶,
由十歲左右開始打,打到四十歲,打直板反膠打到悶,其實打到一個年紀,呢種打法,真係可以退役,你輸既對手,永遠贏唔返,唔想打長膠, 唔想只係邪到人地失誤,好想有以前正手"啪啪啪"的感覺,就由反膠轉正膠,原來....一切由零開始,睇住進步既感覺,又幾開心,打打下, 上年戍組入八強,打乙團唔係輸晒,打打下上返丙組,....真係無以前打反膠咁悶.轉左正膠,有返動力搵人練波,一有時間就練,真係估佢唔到.....

2. 重新學習正確動作.
我地港英時代,邊有咁多乒乓球教練,水平亦唔高,好多成年人,包括自己,其實個動作係有問題,例如,自己正手一向唔穩定,由零開始,呢個年紀....,大陸搵教練又易.手法又正宗,自己又懂一些理論,由零開始,原來好多動作,因為練正膠,你必需正確,例如.....轉腰係要.....腰,唔係腹,咩叫向前,發力的次序....., 老實講,轉左正膠,教人波都好左.人大左,再學習時,唔止係動作要點做, 而係動作點解要咁做? 原來有原因,點解要轉腰? 原來....當你打過GOLF.... 你打力,其實要用邊舊肌肉發力....

3. 器材球例改變.
其實好多人,都因為咁唔打了, 當球改到40+,一班以前打反膠直板,左推右攻,真係可以收工......, 內能膠的出現,對於反膠推檔,真係末日,以前打搓拉,對十歲小朋友都做靶子了, 再改十一份,兩分轉發, 發球接發球戰術心理戰都無埋, 你仲用舊式反膠打法,你其實都係要重新開始學過,你讀書,一日打四個鐘,現在....你可以一個星期打到四個鐘嗎,既然都係要轉,不如轉個全新打法.

4. 新一代唔適應.
原來...新一代識打反膠,都識打長膠,反而.....唔識打正膠 當佢以為你好長膠,慢拉一板你正手,你兜頭打返佢回去,都其實幾過癮 對住D十幾歲港青或者甲乙組,原來....好多都唔識打 倒轉,你有好多進攻機會, 有不少後生仔,我反手推推下,佢地會放高比我打...... 又因為你打法特別,你打球局,原來好受歡迎......
作者: 葉師傅    時間: 2016-6-22 14:16

回歸正宗,都係好事 ! (有正貼先過有反貼)
作者: 悠閒一族    時間: 2016-6-22 14:20

師兄太有恆心，由零開始
作者: michaelwwk    時間: 2016-6-22 14:47

由零開始,偷偷想到落淚
作者: TS2010    時間: 2016-6-22 14:48

深有同感，打波娛樂求開心，那管打法是先進還是落後。
作者: tomtom1995    時間: 2016-6-22 14:50

我已經試緊唔同打法
作者: TomLai    時間: 2016-6-22 15:22

好彩我都有塊正膠直板.
作者: chow20616    時間: 2016-6-22 16:01

有正貼先過有反貼..........由零開始
作者: 乒乓在線    時間: 2016-6-22 16:24

根據非正式的統計, 用正膠的有少少虐待狂的
作者: skyline@@    時間: 2016-6-22 21:23

Thx C Hing sharing
作者: Alpha    時間: 2016-6-22 22:18

作者: pingpong    時間: 2016-6-23 07:52

我都想試
作者: 直直地    時間: 2016-6-23 11:06

我橫板。
正反反正，定系兩面都正？
邊類型板適合打正膠呢？
邊款正膠最易上手？
（我系錦二，試過802-40一排, 都唔錯。）
作者: andrewphy    時間: 2016-6-23 16:37

自己開心，就是最好的理由。
作者: 勁揪俠    時間: 2016-6-23 16:59

引用:
原帖由 andrewphy 於 2016/6/23 16:37 發表
自己開心，就是最好的理由。
非常同意。
作者: Davids    時間: 2016-6-30 08:06

講得好!打正膠其實幾-過引;但真是二三十年沒研究。請問有乜正膠推介給新手?
作者: TomLai    時間: 2016-6-30 08:21

引用:
原帖由 直直地 於 2016-6-23 11:06 發表
我橫板。
正反反正，定系兩面都正？
邊類型板適合打正膠呢？
邊款正膠最易上手？
（我系錦二，試過802-40一排, 都唔錯。）
正正反反.
創造個橫板劉國樑.
作者: 防弧哥    時間: 2016-8-12 20:38

Good post



歡迎光臨 香港乒乓網 (http://hkttf.com/) Powered by Discuz! 6.0.0